[align=center]
السلام عليكم ورحمة الله وبركاته

اسوأ شعور في الحياة انك تحس ان اجنبي بين ربعك....اي والله....
اقسم بالله العظيم اني سعودي ابا عن جد عن ابو جد بعد

عاد انا دايم يعايروني اني افغاني ومرة تركي ...ومرة ايراني....عاد كل شي الا ان يجيني واحد ويقولي يا ايراني....يارافضي...يازنديق

تخيلوا عاد

مرة بنتي يوم كان عمرها سنة وكم شهر مرضت ووديتها المستشفى ..المهم

البنت موب راضية تاخذ الدوا تبي تلعب مع البنت اللي في الغرفة اللي جنبي....وكل ما عطيتها الدوا سكرت فمها
رحت للدكتور وقلت له وش الحل مع البنت موب راضية تاخذ الدوا...قالي يعني رافضة قلت أي والله انها رافضة....وهو يوم قال كلمة رافضة دخل شخص مبين عليه امارات الصلاح....

قال الدكتور نبي نشوف حل مع الرافضة وهذا ابوها هنا معي...ناظرني الرجل الصالح قالي هل انت ابو الرافضة؟؟قلت له نعم هل انا ابوها...قلت له هل تحب الفساخات؟؟
قالي خسئت في محياك ياعدو الله ...قلت يمه بياكلني...

قالي ومالفائدة من سب عائشة..فأنتم اولاد متعه ابآئكم مجهولون ولادين لكم ولا ملة....قلت له ثمن كلامك والا قسم بالله يصير شي مايرضيك...قالي معروف عنكم انكم بذرة يهودية في ارض فارسية مروية بماء مسيحية...قلت له عزيزي الرجل الصالح...بخصوص كلامك هذا على بالك اني مشتل مثلا؟
وامسك بحلقه واصكه بركبة واسدحه في الارض....وتجمعوا الناس يفارعون....رحنا للامن ....واتضح ان الرجال الله يصلحه متحمس للاسلام ومطلع حرته فيني...وانا فقعت له عينه وهو بعد ماقصر...

قلت له الدكتور مايقصد الرافضة اللي في بالك...يقصد ان بنتي رافضة تاخذ الدوا....المهم تصالحنا..وطلعت وانا سنوني مكسورة وهو يعرج وكلنا فرحانيين ومبستمين وانا ماسك خطام الخيل حقي..********تخيلو الموقف

عاد قبل سنة تقدم احد الاشخاص يبي يخطب اختي بشكل رسمي واخذ رقم جوالي...المهم اختي استخارت الله وما ارتحات له ....كل يوم الصباح يرسل لي رسايل حب وغرام...ومرة مرسل لي اسأل الله ان يخليك اقوى واحد في العالم....بالله تخيلوا هالدعوة ...ومرة مرسل لي اسأل الله ان يعطيك مال قارون وصبر ايوب وحكمة لقمان وقوة داوود ...

المهم جا الرد له بالرفض

ومن ثاني يوم مرسل لي رسايل الصباح....اسأل الله انك تطيح بين ايدين شلة عرابجة يهود ما يخافون الله
ومرة مرسل لي رسالة أليمة صراحة حزت في نفسي

يقول فيها الشرهة موب عليك يالتركي الشرهة على اللي فتحلك ورشة وخلاك سمكري قد الدنيا...

ومرة قالي بكرة ابجيب البلدية تقفل الورشة

وانا والله لاعندي ورشة ولا شي

اما الموقف الاخير هذا حصل لي في زواج اختي قبل كم يوم

دخلت عند امي ابغى انزل اشياء هونيك...امي تقولهم تغطوا

والحريم والبنات عند المدخل موب راضيين يتغطون يقولون هذا افغاني ماعليكم منه ...المهم دخلت وانا مستحي ونزلت الاغراض وانا طالع قابلت حرمة قالت لي متى العشا ياصديق...قلت باقي ساعة..وهي الله لا يوفقها اكلت نص البيتي فور وانا نفسي فيه من زمان ومنتظر زواج اختي عشان هالبيتي فور ....قالت ماشاء الله وتتكلم عربي بعد...شكلك مواليد السعودية

المهم وانا ماشي من بين الحريم حصل لي موقف غريب جدا...


طلعت يد كبيرة من تحت الارض كسرت السيراميك والبلاط والحريم كلهم شردوا وانهدمت جدارن القصر وانطفأت الانوار مابقي الا انا في القصر وكنت ملاحظ انه ماسك فلوس وشوي الا واحد يكلمني يقولي تعال ...قلت مين تقصد ؟.قال اقصدك انت يالافغاني...في افغاني لابس شماغ غيرك...قلت له مين انت...قال ماعرفتني..؟؟قلت لا....قال انا اللي نزلتكم من فوق لتحت...قلت ايه عرفتك....البلدية...؟؟

قالي يالثور ....انا اللي اغويتكم بالتفاح....قلت ايه عرفتك ...اكيد مستشار العشاق...قالي ياليل الدلاخة بس

انا اللي نزلت امك وابوك من الجنة....قلت اما هذي ما يبيلها....انت ولد خالتي...

قالي ياللوح انا ابليس....قلت هلاااااااااا والله با إبليس.....وش عندك هنا...اكيد تدور وديان تبي تسويها مخططات...قالي تبي تصير خويي...وانت في كل سجدة تعلني...وكل ما اكلت رصيف لعنتني وكل ما سويت شي غلطت تلعني....قاعد تتشطر علي والحرامية هم اللي قاعدين يسرقون البلد...قالي ياخي انا ماوسوست لأحد ولا حرشته يسوي اللي سوته الامانة في جدة....المهم لا يكثر

جيب لي حبة شواية مع نفر رز...وكثر زبــيــب وبريالين منتو

والسلام عليكم ورحمة الله وبركاته
[/align]

الاسبوع الجاي بتجي للرياض وبشوفك ع الطبيعه واذا كنت افغاني صدق بسحب عليك وبنزل صورك بالمنتدى !!!

وبس ...

قل قسم

يعني يعني............؟؟؟

شسالفه ترا الحس مخي

ههههههههه والله وقفت التفكير بمخي...
انا ينادوني آهلي بـ (( السودآني )) واذا يبون يقولونها بسرعه يقولون (( سويدآن )) خخخخ
لآني اسسمر فرد بـ العآئله ... بس منقهرين من جمآآلي يآآلبى آنآ