06-12-2011, 06:03 AM
|
 |
عضو مميز
|
|
تاريخ التسجيل: Sep 2009
المشاركات: 760
معدل تقييم المستوى: 176228
|
|
اقتباس:
المشاركة الأصلية كتبت بواسطة حلم الفتى العاطل
بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
اخواني صار لي اسبوع او اكثر متابع بصمت ولا ارى اي شي سوى
عن موعد الدوره او كم المقبولين او باي منطقه كل هذا الكلام لاحقين عليه فيما بعد
المفروض حنا الان نكون على أهبه الاستعداد يعني نبتدي نشتغل على لياقتنا وش بيكون وضعك
اذا دخلت اول يوم وقالولك لفه على الملعب او بشم او شي من هذا القبيل المفروض نبتدي نتكلم عن طرق تهيئه
لياقتك ونفسيتك قبل الدخول للدوره . ونتكلم عن التخصصات بس . غيرها هذي اشياء ماتلزمنا قال ولد عمي فلان قال
هذاك قال مالنا اي شغل حنا اللي علينا سويناه وتعبنا ورحنا وجينا وخسرنا واللي فيه الخير يقدمه رب العالمين ولاتفكرون
هل بيقبلونا او لا .. اللي مكتوب لك بيصير ولو مانقبلت لاتنسى قوله تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ }
طيب ببتدي بالموضوعين اللي المفروض نتكلم عنهم او نركز عليهم وهم
1_ كيفيه تهيئه جسمك ولياقتك للدوره :
أ- ( الجري ) ب- ( البشم ) ج- (تمارين البطن ) << هذي اهم ثلاث اشياء بتواجهها بالدوره
ف تخيل انك تجلس شهر تعود نفسك على الجري يوميا الى مسافات طويله ولما ترجع البيت تتدرب على الضغط والبطن
تخيل كيف بيكون جسمك مهيأ للدوره من اول يوم بتدخل فيه اول مايقولك تشكيل وجري او جزا او شي يكون انت
متدرب على اهم ثلاث اشياء ومتعود عليها وراح تمارسها هناك بكل اريحيه وحاول وانت تتدرب يوميا انك تجهد نفسك لابعد الحدود شوف اللياقه كيف استهان فيها الكثير ويوم جينا نختبر هلكنا من طول المسافه . وطبعا تمارين الضغط والبطن لها طريقه تدريجيه تتعود عليها راح اتكلم انا عنها فيما بعد وبجيب شرح مفصل عنها او احد الاعضاء اللي عنده خلفيه يعطينا اياها .
2_ كيفيه تهيئه نفسيتك للدوره :
وهذي تعتمد على كل شخص وعزيمته وارادته واقتناعه بهذي الوضيفه مثلا من قبل لاتدخل الدوره لاتفكر بامور الدوره فكر
انك لو طلعت من الدوره كيف بيكون حالك وكيف بيكون حال ابوك لما يسمع ان ولده ماهوب قد المسؤليه وماتحمل يجلس
بدوره يصنع فيها الرجال تخيل كيف قرايبك او اخوانك اللي تخرجو من الدورات العسكريه وكيف بيكون وضعك لو طلعت
وحط ببالك ان لما تعدي رجلك اليمين بمدينه تدريب صلبوخ تكون قدها وبدل ماتفكر بالسلبيات اجلس مع نفسك وكل ماتشوف شي سلبي تفكر فيه حاول تغطيه بشي ايجابي مثلا يوم التخرج وربعك وناسك تنتظرك وانت اصبحت عسكري
ولاتنسى ان اليوم انت عديت كل شي ووصلت للدوره وغيرك يتمنى يدفع فلوس علشان يوصلها وانتبه تحط ببالك ان الوضائف راح تجيك كل سنه لاتنسى ان كثره الوضائف العسكريه السنه هذي بسبب المكرمه الملكيه الي امر فيها سيدي ومولاي خادم الحرمين الشريفين ( 60000 وضيفه عسكريه ) يعني السنه الجايه ماراح تشوف الارقام اللي
تشوفها الان وانتبه تفكر بأي شي يخص الدوره اثناء النعاس او اذا توك صاحي من النوم سواء بعد ماتدخل الدوره او قبل
لاتفكر بالدوره وبامورها ومصاعبها الا بوقت تكون فيه مصحصح .
ملاحظه : لاتؤجل البدء في التدريبات او تقول بكرا ابتدي او اللي بعده ترى راح تهملها وتأكد ان اغلب الدورات العسكريه
يدقون عليك اليوم للقبول النهائي ويكون موعد الدورها بعدها بوقت وجيز.
والله يوفقنا ويوفقكم لما يحبه ويرضاه
استغفر الله ربي واتوب اليه
اخوكم عبدالخالق محمد
ومضه ....... ( اتوجه بالشكر الجزيل للاخ العزيز ابو ليان على تثبيته لهذا الموضوع ) ....
|
الله يجزاك خير عددد مااكتبت ممن احرف بحسناتها وكل حسنه تضاعف
|
العرض العادي
