المشاركة الأصلية كتبت بواسطة الله بيساعدنا

السلام عليكم ورحمة الله وبركاته
انا حبيت اقولكم مشواري اليوم وش سويت حتى لو طولت عليكم بس ممكن احد يستفيد
الصباح اليوم طلعت على ادارة التربية والتعليم في ابها وخشيت على المدير على طول شرحتله الوضع من الى اننا كلية معلمين ومعدلي 4.18 وكنا ضمن المنحه وسقط الاسم في الفرز النهائي..
قاللي لا انا ولا وزير التربية يقدر يسويلك شي ...
قال مر على مدير شؤوون المعلمين نزلت عنده شرحت الوضع قاللي باقي الاسماء مااعلنت كامله مازال هناك 1000 اسم وان شاء الله تكون منهم..قلت طيب في رقم للوزارة بالرياض ممكن نتفاهم عليه بخصوص موضوعي قاللي لا بس روح الخدمه المدنية واعرف السبب...
طلعت الخدمه المدنية لقيت 12 شخص نفس مشكلتي والاسباب مختلفه ..
في واحد يقول اكتشف ان اوراقه ماراحت اساسا من ابها للرياض وواحد ثاني النظام يقول انه لم يجتز قياس وهذا سبب الابعاد من الترشيح سألته قال انا مجتاز..
بالنسبة لي انا قاللي الموظف انه مكتوب ((لم يتم نقله)) قلت .. والمقصود ..قال مدري اطلع للمدير
طلعت قلتله السالفه وانه مكتوب ((لم يتم نقله ))سالني وش معناها قلت انت ادرى مني.؟؟؟؟؟
قالنا طيب انزلو للشؤوون التوظيف وتلاقون ورقة عند فلان عبو بياناتكم ..قلنا طيب
عبينا الورقة انا الشخص رقم 13 في الورقة مطلوب الاسم التخصص السجل المعدل الملاحظات رقم الجوال التوقيع ...يقول بنرسل الورقة بالاسماء الى الوزارة بالرياض ونردلكم خبر على جوالاتكم ..وطلعت مدرعم , وسلامتكم
اسف على الاطالة لكن حبيت غيري يستفيد في ناس ماكان عارف اش يسوي وانا منهم .
بالتوفيق للجميع.