عليك بالنشاط الخدمي الذي يناسبك كأمرأة:
1- خياطة نسائية .
2- كوافيرة .

قرأت معظم الردود ولا الوم من نصحك بحفظ مالك في ارض لكن هذا على حسب رغبتك هل ترغبين بربح سريع ام ربح طويل الاجل مجزي ؟ اذا كان الثاني فالارض هي افضل خيار لكي .

انا انصحك اولاً باستقدام عامل وفتح مغسلة ملابس رجالية طبعاً ليش تستقدمين ؟ لانك الي بتلقينهم هنا ما راح يوافقون على العمل بالراتب يبون ياخذون المغسلة لهم بمقابل 2000 ريال لكي كل شهر وهذي اكبر غبنه في حقك فدخلها اكبر من كذا بكثير عشان كذا تستقدمين عامل وحبذا من الهند على كفالتك يشتغل بالمغسلة طبعا المبلغ الي عندك كافي تماماً لمغسلة ممتازة طبعاً تقدري تتخصصي بالملابس او السجاد والموكيت .. الخ

المهم قبل تختارين اي مشروع ابحثي كثير عن ناس دخلت في المشروع واقرأي ايش صار معاهم من ايجابيات وسلبيات عشان تدخلين على نور وما يضحك عليكم احد ويسرقكم .

الله يرزقك


للاسف دماغ مابوه تخطيييط خخخخخخخخ

الله يكتب لك الخير

اذا ماكان عندك خبره فالتجاره شوفي اي حد قريب وثقه منك واستشيريه وحتى لو يكون شريك لك افضل لان اغلب الاعمال تحتاج رجل يشرف ويراجع وكذا,,المهم ابتعدي عن مايسمى(ابو يمن) لان 99,99% منهم نصابين
والله يوفقك ويرزقك انشالله^_^

تسلمون جميعا وماقصرتم عساكم على القووووة

فكرة شراء ارض لقيت الاسعار نار نار واماكن ماتسوى وفي اي لحظة بتطب مثل سوق الاسهم لاني تعرضت لخسارة كبيرة بالاسهم والله لايسامح من نكبنا فيها

المشاغل ماتنفع لانها ربطة عاملات وسكن عمالة ومشاكل كثيرة

اذا مازالت الفكره موجوده والمال موجود

نرجوا التواصل

ابعدي الخوف وابدائي اختى واتكلي على ربك هو الرازق بس اليمنه لا تقربي منهم نصيحت اخوك ابو ياسر وحياك باي شي تبين معرفته

هلا بك أختي سبموسة

عندي لك رأي سديد ومقنع ومريح لك
لدينا مكتب عقار في الرياض بضاحية (نمار) ونقوم بالبيع والشراء في القطع والحمدلله فيه خير , واسعارها هي ارخص من باقي المخططات , لانه على مشارف دخول الكهرب والماء ومبالغها من 140الف الى 300 الف حسب المساحات والطبيعة , وبالنسبة للاسعار هذي تعتبر رخيصة , مقارنة بالحي القريب منها ويبعد 6 كيلو فقط , داخل فيه الكهرب والماء , أقل سعر فيه للقطعة مايقارب 450 الف , ويبيعون فيه بالامتاااار ,,, (اما في الضاحية التي نبيع ونشتري فيه البيع فيها بالقطع ) , واذا اردتي ان تضعي راس مالك في قطعة تكون مناسبة وحسب الأختيار بالسعر الافضل , ويكون راس مالك عبارة عن صك موجود في حقيبتك وبالك مرتاح ,, لانني انا قد ذقت المرار في المحلات التجارية لحاجتها من الادارة والتعقيب لدوائر الحكومية ,,, فهذي وجهة نظر لي , وماراح نختلف على الاتفاق بيني وبينك , وأن اردتي ان اتعامل مع زوجك يكون أفضل .


وفي الختام اطلب من الله ان يرزقك الرزق الحلال وان يبارك فيك وفي مالك .

سمبوسه لاتثقين فـأحد غريب مهما كان
مالك الا تشترين لك ذهب
مو بكل فلوسك طبعاً
ابدئي بشيء بسيط يعني نقول عشرين الف
او ممكن اقل لو تبين وتابعي من بيتك اذا ارتفع الذهب ولا نقص
وخذي لك كم رقم محل من محلات الذهب واسئليهم كل فتره وفتره ارتفع ولانقص
وبيعي واشتري الذهب فيه فايده لاحتجتيه بعتيه وجابلك فلوس واحيانا تجيبلك اكثر
من ماتبين طبعاً تروحين تشوفين اكثر من محل مو محل واحد وتبيعين

والفلوس الباقيه خشيها لين تفكرين بمشروع ناجح
ابي اسئلك الحين المحل للي بالمجمع النسائي المجمع يجونه ناس واجد ولالا ؟
وهل بالمجمع فيه صالون تجميل ؟
مدري ليه عاجبتني فكره صالون تجميل يكون بمجمع طبعاً بس قص شعر استشوار
حواجب ومناكير وكذا من دون مكياج ومامكياج صعبه بمجمع وكوفيره تحط مكياج
وشوفي الزبونات احيانا يكون ودها تروح مشغل بس تلاقيه بعيد فتجي للمجمع تتقضى
ومره وحده تتضبط

الله يوفقك يارب ويرزقك رزق حلال