بالتوفيق ، ويجي من يفيدك ،

وعليكم السلام ورحمة الله وبركاته

أدخل موقعهم واحفظ منتجاتهم ووش عندهم وما عندهم حتى تكون مستعد لهم

اول شئ مبروووووووك مقدما وااله يكتبلك الي فيه الخير

بالنسبه للمقابله المهم الثقه وتكونين مستعده لكل انواع الاسئله الي تنسئل في المقابلات

أما ألي يخوف في البنوك أن شاء الله مافي شيء يخوف

و وظائف البنوك لاتغني ابدا عن الحكوميه

والله يوفقك يااارب

انا عملت 3 مقابلات في بنك الرياض

أول ماتروح وقبل ماتدخل المقابلة عادة راح يعطونك ورقتين اختبار بسيط تعبيه .. اسألة عامة بعضها عن نقاط قوتك وضعفك.. وليش البنك مفروض ياخذك.. وبعضها عن اخر حملات بنك الرياض (انا شفت البروشورات الي محطوطة على الطاولة لحملاتهم وكتبت ثنتين منهم).. وفي كمن سؤال يتعلق بالأرقام
مثلاً كيف تكتب الارقام التالية.. او يعطونك ارقام متسلسلة وتكملها.. اشياء زي كذا

ومعه نموذج طلب توظيف.. عبه كله لأن لو نسيت تعبي مثلاً افراد عايلتك اخوانك وخواتك ممكن يقولك الي يقابلك ليه ماهتميت تعبيهم وياخذها نقطة سلبية عنك (صار لصديقتي الي راحت معي المقابلة)

بعد تعبئة النموذج دخلت فيهم المقابلة.. وكانت اسئلة عامة عن شخصيتي وتحملي لضغط العمل وهل عندي مانع اروح طلعات ميدانية واستعمل سيارتي الخاصة.. وكيفية علاقاتي بالمجتمع هل انا انسانة اجتماعية او لا (يهمهم عشان البيع).. وطبعاً قالتلي انتي خريجة ماجستير وعارفة ان راح نعطيك راتب بكالريوس فهل راح تفكري تتركينا اذا جتك وظيفة حكومية؟


اما بالنسبة لسؤالك عن الوظيفة الحكومية وهل تغني عن وظيفة البنك؟ وظيفة البنك راح تفتح لك فرص كبيرة مستقبلاً.. وظايف الحكومة انا شخصياً مو طموحي.. الحمدلله انا الحين اشتغل في قطاع خاص واعتقد لو اني موظفة حكومة ماراح استلم نصف الراتب الي استلمه حالياً.. ولا راح اتطور كثر ما انا قاعدة اتعلم الحين
اي نعم في ضغط عمل.. لكن بالاخير خبرتي الي قاعدة استفيدها الحين تأهلني اعمل في أي مكان في اي دولة في مجال تخصصي

المقصود.. وظايف الحكومة هذي انت ونظرتك لمستقبلك

وبالتوفيق

[align=center]

شكراً للجميع على المرور و المشاركة و الإفادة
الله يكتبلي إللي فيه الخير ، و يحقق - طموحي - بوظيفة البنك ..

سمعت كلام كثير و كثير و كثير .. لكن 80 في المية من اللي حكيت معهم
دائما ينفرون من وظائف القطاع الخاص و يؤيدون الحكومة ، و بنفس الوقت
مقتنعين إن الحكومية فيهآ من الممل و البرود الشيء الكثير ، و خصوصاً التدريس ..


الأخت لا للعاطلة ، كلامك تقريباً إللي كنت آحتآج آسمعه و اللي - يثلج - الصدر .. الله يسعدك و يوفقك ..
اللحين أنا جآلس آقرآء آكثر عن بنك الريآض و عن خدماته و منتجاته ، و اللي يميزه عن غيره .. بالإضافة
إلى التسويق وكذآ شغلات .. متحمس آكثر شي و الله يوفق ..

العمل بشكل آكثر مرونه ، حركة ، التدرج الوظيفي ، و الإدارة بتتعب على موظفيها .. آزين عندي من الوظيفة
الحكومية المحدودة الطابع و الهوية تقريباً .. وكما آلحظ



لا زلت آطمع في خبراتكم و كلامكم آكثر حول الموضوع .. لآهنتو
[/align]

بالنسبه لبنكـ الرياض من اسوى البنوكـ !

والاهم اختي ان رواتب البنوك مافيها بركه ((ربا )) !!

هذا غير الظغط والكرف والموظف لو ينحرق ماعليهم منه اهم شي التارجيت ... والخ

اللهم اغننا بحلالكـ عن حرامكـ وبفضلك عما سواك !!!

الله يكتب لك ما فيه الخير

بأمكانك زيارة منتدى بوابة البنوك فيه عدة اقسام لجميع البنوك بأمكانك تتطلعين على كل شيء يخص البنك
من ناحية ايجابياته وسلبياته ..الخ
وفقك الله

ربما تجد الاجابة الكافية في هذا الرابط

http://www.*******.net/vb/