السلام عليكم ورحمة الله وبركاته

أخواني / أخواتي
عساكم طيبين عندي سؤال لآهنتوا

اتمنى مساعدتي وإن شاء الله موضوعي في مكآنه

من الأسبوع اللي فات وانا متدربة في وزارة الشؤون الأجتماعية

وظيفتي إدارية والمديرة قالت لي فترة التدريب لك اسبوع فقط والحين

صار لي أسبوعين وكل ماسألتها رفعتي أوراقي للوزارة تقول إن شاء الله برفعهم

فما أدري هي رفعتهم وجات الموافقه وماتبغى تقولي الا بعدين يمكن تبغى تشوف عملي آكثر

وتشوف اذا كنت اتحمل او لا او اني اتقبل المكان

بصراحه مخوفتني وتقول حتى اذا رفعتهم الرد ماراح يجي بسرعه

فتقدرين تمددين فترة التدريب آكثررر وحتى اذا ماجات موافقه نعطيك خبره

أنا خااايفه حدي ابغى اعرف اذا كنت موظفه حكوميه أو لا

يعني رسموني والا لا ,,,



جزاكم الله خير
شاكره لكم ,,

روعة غلا : تاكدي : من الللي اعلي : من المديرة : حقتك :★

ثاني تاكدي ★ منها شخصيا : ★ شوفي كشف : وجودك★

ربي يوفقك . ثاني شي خلي احد يتواصل معاة رجال : عشان يعرف وضعك :


تقبلي مروري

شآكره لك آخوي كاتب خواطر

مافي أعلى من المديره فيه قسم رجالي مدير بس مااقدر آكلمه

بس انا من تدربت وانا أوقع حضور وانصراف وهذي أول وظيفه

مااعرف اصرف نفسي

فماأدري كيف ,,,,

كيف قدمتي على الوظيفة

ومتى اصلا جاء الاعلان

هل هو واسطة احد

معين لان هالوظائف بالواسطات

وشكلهم تبي تصرفك

وتزحلقك واضح من تصرفهاا

راتبك كم على حسب اذا راتبك على البنود في امثل ثبتي

وترسلي اوراق الرياض ام راتب

بسيط ممكن مخليتك تشتغلي عندهاا وتجربك

هي قالت لي الوزارة طالبه موظفات وقالت برفع اسمك للوزاره

وقالت لو حصلت موافقه يمكن يخلوك بالمرتبه الرابعة أو الخامسه

انا ابي اعرف بس اذا رسموني او لآ لآن بصراحه موترتني

مافيه أحد ....... يرد !!

هل هناك عقد بينك وبين الجهة التوظيفية التي تتدربي فيها ... ؟

برأي بحسب ما وجدت من تعليقاتك ...
أنت متدربة للآن .. بقائك أو العكس .. راجع لك وعن ظروفك ...
سيفيدك التدريب والخبرة التي تقضينها حتى تنالي الوظيفة الرسمية ...
فهالزمن الكل يبحث عن أي وظيفة يمسك بها ...


الله يوفقك .. ويأتيك التثبيت كموظفة حكومية ...

هل يعطوك مكافأة للتدريب أو راتب أو ما يسمونه ؟ أو لا ؟

مافيه عقد بيني وبينهم

ولا فيه مكافأه ولاشي انا مو متدربة من معهد اوكلية ,, لآ

تدريب للوظيفه انا مقدمه على وظيفه وقالت لي المديره تدريب لمدة اسبوع

والوظيفه والله انها مو بواسطه انا اتصلت وعطيتهم بياناتي واتصلوا فيني

وقالوا لي تعالي وقابلت المديره وهذا اللي صار

وفي وحده هناك من جده تعرفت عليها وسألتها وقالت أن الوزاره طالبين موظفات