بسم الله الرحمن الرحيم
والله اني متعب من العمل لكن ما هان علي اني انام و في بالي افكار يمكن تفيدك .
اولا شوفوا دخل المحل قبل تتقبلوه هل نقص ام زاد . ليش ؟
لان بعض الاحيان البنقاله يحاولون ان يخسروك عشان تعطيهم المحل وتقبله وتاخذ مبلغ بسيط .
الخطوة الاولى :
تلمح او تصرح للعمال بخروج نهائي اذا كانوا على كفالتكم بحكم ان المحل خسران .
وشوفوا اذا قالو خذو مبلغ معين وحنا ندبر انفسنا فيه , هذا دليل على ان خسارتكم متعمده . وهذه من تجربة احد الزملاء في مغسلة ملابس . واخذوها منه ب 2500 ريال
2- اذا كان الحي ما فيه مخبز حاولوا تدخلون فيه مخبز حتى لو ما تقدرون انتم دوروا احد يفتحه ويدفع جزء من الايجار . لان المخبز يجذب الناس .
الشي الثاني تخفيض البضائع والرضا بربح بسيط لو ما طلع لكم الا راس المال سنويا .

في رأيي ان الوالد او احد الأخوان يمسك البقاله بدال هالبنقالي منها انه يوفر راتب ويكون على بينه بكل الي يصير في المحل ويعرف الدخل الحقيقي ويعرف النواقص ومنها ان الزباين لما يعرفو ان السعودي صاحب السوبر صدقيني راح يكونون عملاء دائمين

وماقول الا الله يوفقكم ويرزقكم من واسع فضله

الله يكون في عونكم ان شالله و يفرج عليكم!



انا مالي خبرة بس الاحظ ان النااااس تموووت في العروض...زي عرووض العشرة حقت بنده..

خلوا عروضكم شهرية مع استلام الرواتب الحكومية...المواد اللي باقي على انتهاء صلاحيتها اقل من سنة سووا عليها عرض... او ممكن

البضايع اللي ما تمشي تسوون عليها...وجود طابعة ممكن يفيدكم..خصوصا مع ايام المراجعات و الاختبارات..الواحد يدوووور الطابعات


دوووارة!



شي ثاني...لازم الوالد او احد الاخوان يكون موجود بشكل يومي او اسبوعي عشان يشيك على كل شي...


اعرف بقالة في محطة بالدمام...صاحبها يمني ماشالله عليه...بدا فبقالة صغيرة...موجود فيها 24 ساعة...و اذا سالتيه عن اي شي و ما كان

موجود سجله بورقة و جابه...زي مثلا الافياش او الروموتات او اي شي عادة ما تلقينه فالبقالات الصغيرة...


مع الوقت توسع للمحل و جاب طابعة للنسخ و جاب ناس من جماعته و هو طبعا موجود..بالاضافة الى التوصيل اذا صار عنده وقت...الله لا

يضره..



اتمنى اكون ساعدتك عزيزتي!*

السلام عليكم
بحكم خبرتي البسيطه فى التموينات والبقالات ان شاءالله اساعدكم باللى يقدرنا الله عليه

فى اساءله اولا تجاوبين عليها ولك الحق هنا او ع الخاص

اول شي
البقاله كم فيها بضاعه تقريبا
الوالد من كم لكم يجلس فيها شكل اسبوعى اولا

العماله ع كفاله الوالد او لا

وكم بقى فى اجار السوبر ماركت
متى تم شراء التموينات



عموما اول شي الاجار جدا جدا غالى عليكم بحكم الدخل
وثانى شي حسب ماقراءت انه مافى مواقف


وبالنسبه للاخ اللى يحسب الدخل 1300 او 900 صافى فى الجيب لا هذا خطاء

اذا قلنا 900 فى اليوم يساوى فى الشهر 27 الف واتب وكهرباء حدود 9 الاف غير تجميع الاجار
الاجار بيطلع عليكم شهريا 8333 وهذا مبلغ كبير جدا على اساس الدخل

نكمل
8 الاف و9 الاف الكهرب والرواتب17 الف شهريا مصاريف واجار
بيبقى اذا من الدخل الشهرى 10 الاف ريال
العشره الاف ايضا الباقيه لاتكفي لجب او تدوير بضاعه للسوبر ماركت لازم يزودها من جيبه الوالد

انتظ اجابتك ع الاساءله لوضع بعض الاقتراحات

واذا اردتي اختى اكلم الوالد واعطيه نصائح واقتراحاتى فانا مستعد
او انتى خبريه عن اقتراحات الاخوان
والله يرزقنا ويرزقكم وكل مسلم

اود ان اضع خبرتي البسيطه
الدخل 1000 ريال قليل جدا جدا مقارنه بالاجار ويبدوا انه لا يوجد زبائن
لان بقاله صغيره لا يتعدى مساحتها 25 متر واجارها 20 الف وعامل واحد
دخلها يزيد عن الف ريال

لذلك المشكله ليست في ارتفاع الاجار ولنفرض لم تم تخفيض الاجار الى 70 الف
تضل مفس المشكله

لذلك ارى اما تغيير المكان بمحل مناسب وموقع جيد واهم شي المخبز

او الاستمرار بنفس المحل مع زيادة بهض المنتجات المكمله مثلا التمور
او ملحمه وانتفاء لحوم جيده وعمل دعايه بكروت تجذب العملاء وبالتالي ينعكس على المبيعات
في السوبرماركت

900 ريال يومي ماتسوي شي

لازم تدخل باليوم 4000 الاف ريال عشان تغطي المصاريف

انا عندي سوبر ماركت

وابيع بالشهر الف ريال والمربح 5 الاف

يطلع الايجار وراتب العامل ويصفي لي 3000 الاف

بسم الله الرحمن الرحيم ....

يا اخوان انتم فاهمين الموضوع خطأ الله يرضى عليكم ؟؟؟

الاخت تقول دخل البقاله اليومي ( دخل وليس ربح ) = 900 الي 1300 كامل الدخل من بضائع وشحن ارصدة جوال

اذن دخل البقاله ككل من 900 الي 1300 ريال ... وليس ربحها اليومي 1300 او 900 ريال

في فرق بين الدخل الاجمالي وهو ما ذكرته الاخت ...... وبين صافي الربح

مو معقوله تبيع بضائع ومواد غذائية وبقيمتها تعطي رواتب وتسدد فواتير ...

اجل من وين راح تجيب بضاعه بدل اللي باعتها لو صرفت ما باعت به ؟؟؟؟

ومن وين راح تسدد فواتير الشركات اللي تنزل عندهم بضائع ؟؟؟؟؟

نشرحها رقميا :

لو باعت بـ 900 كل يوم في 30 يوم بالشهر = 27000 ريال

27000 ريال هذا هو اجمالي الدخل ( اجمالي المبيعات ) وليس صافي الربح

27000 ريال المفروض يصفي منها ربح 15% تقريبا = 4050 ريال شهريا وهذا هو صافي الربح

المفروض انهم يدفعون الايجار والرواتب والكهرباء من مبلغ 4050 وليس من 27000 ريال ...

طيب باقي الــ 27000 ريال وهو مبلغ ( 22950 ريال ) وين راحت ؟؟؟؟؟

22950 ريال الباقيه هي القيمة الفعليه للبضاعه المباعه و المفروض انهم يعيدوا شراء البضاعه اللي باعوها عشان تكمل البقاله ..

لانهم لو دفعوا كل الــ 27000 ريال للرواتب والايجار والكهرباء وربحهم هم كأصاحب البقاله بعد شهرين راح تكون البقاله فاضيه ومافيها بضاعه ...

ومناديب الشركات يطالبونهم بسداد الفواتير المستحقه عليهم

اذا انتم اخطأتم بحساباتكم .....

اختي ....

عندي كم سؤال الله يجزاك خير اتمنى الاجابه عليها .....

اولا تقولي ان فاتورة الكهرباء 5000 ريال شهريا ...

هذا دليل ان عدد الثلاجات بالبقاله كثير ... ممكن تقولي لي كم ثلاجه عندكم ؟؟؟؟

وبليز ابغاك تردي على سؤالي بالعدد واسماء الشركات

يعني قولي مثلا عندنا 5 ثلاجات ( مراعي / نادك / صافي / بيبسي/ كولا وهكذا .... )

كمان كم عدد ثلاجات الايسكريم الموجودة بالبقاله ؟؟؟ الثلاجات الارضيه الصغيرة تبع الايسكريم ....

من الذي يدير البقاله الان ؟؟ والدك ام العمال ؟؟؟؟ وهل الوالد الله يحفظه متفرغ ام موظف ووقته ضيق ؟؟؟

المخبز اختي شغال ام متوقف ؟؟؟؟

100 ألف ريال كأيجار مراااااا كثير على بقاله ... لكن راح ندبرها ونضبطها لا تهتمي

جاوبيني ع اسئلتي بليززز ولي عوده ان شاء المولى بعد اجابتك على اسئلتي ....

وهدي بالك وانا اخوك كل الامور تنحل مافي مشروع فاشل الا لو احنا فشلناه

والدليل اننا نفشل بالمشروع ونسلمه لهندي او بنقالي وينجح فيه ... سألنا انفسنا ليش نجح واحنا فشلنا ؟؟؟

بالانتظار ....

الاخوان احساس راقي
والاخ ليس مستحيل
والاخ طالب قانون

حسبتكم صح و واضح انها من خبره .. بارك الله فيكم

مشكور آخوي مآجد وجزاك الله خير عّ المعلومةة ..

العزة للآأسلآم طبعاً حسبتك حلوة بس نسيت البضآيع

ثقيف / العمآل موب على كفآلة الوآلد وآتوقع منهم آي شي

خبير عطالة / والله آكيد آفضل لكن بحكم آن والدي كبير في سنه وصعب يمسك لحآلةة

شغل بدوي / مشكوره على قيمة آفكآرك ولكن آتوقع بدري علينآ العروض خلينآ نطلع بس تغطية البقآلة ونفكر بالعروض

"طلب قانون /
اول شي
البقاله كم فيها بضاعه تقريبا
آممم انا دخلتهآ متوسطةة بس لان آبوي دعمهآ ب خمسين الف ومالقى مكسب فصار يدعمهأبشكل بسيط يعني النواقص يحضرهآ
الوالد من كم لكم يجلس فيها شكل اسبوعى اولا
الوالد يمر عليهآ يومياً يجلس فيها من المغرب الى الساعةة 2 الليل

العماله ع كفاله الوالد او لا
لا
وكم بقى فى اجار السوبر ماركت
في شهر 1 يستحق دفع 25 الف غير اللي دفعنآهآ قبل يومين
متى تم شراء التموينات

قبل 10 آشهر

آخوي طالب قآنون آنآ متفائلةة فيك ورآح اكلم الوآلد واعطيك خبر


ليس مستحيل / آشكرك وطريقة ندعم البقآلةة من جديد خطوة متخوفة منهآ وقوية لان قبلنآ كانت بالبقالةة شركة معروفة ولها اكثر من فروع وخسرت ,, آمآ النقل فأنآ مؤيده لكن والدي لاعلم لدية آو خبرة كآفية بمقر السوبر مآركات اللي تمشي والدي يبحث عن مكان لكن ليس متاكد من صلاحية المكآن آو المحلآت

أحساس راقي
من جد عشآن كذآ انآ اسعى لحل وكلي آمل بالله ثم فيكم

تسويقار

اذا انت بجدةة بلغني ؟

خلي كل الكلام عن جنب ... مع الاحترام والتقدير ..


ركزي مع تسويقار .. فقط


ولو ان الرجال باين عليه مشغول ... لاكن اذا كان صاحبك عسل الحسه كله


بصراحه .. ريحني من كلام كثير ..

ربي يفرج همك ويوسع رزقك .