آأختكم طآلبةة آلعون بمشروع فآشل فرج الله هم من آعآنني /:

يتيم الغرام · #21 (**permalink**) 20-10-2011, 04:59 PM

نصيحه من الاخير كوذييه .. فالتجاره على هدي الشريعه الاسلاميه

تقسم دخلها ثلاثة اثلاث ...

اول .. ثلث للمالك واولاده .

الثاني .. ثلث يتصدق فيه .

الثالث .. ثلث يعيده فيه .

حلم حياتي اتوظف · #22 (**permalink**) 20-10-2011, 06:25 PM

في البداية بحسب خبرتي في مجال البقالات انصح اولاً بطرد العمال الثلاثه طرد نهائي و احضار كاشير يماني الجنسية ويمكن الحصول عليه من السوبر ماركات المتوسطة الاخرى التي يعمل بها يمنيين والتكلم معهم بخصوص رغبتكم في يمني للعمل في سوبرماركت واعطائهم رقم الوالد مع دلالة تدفع بعد شهرين اذا اثبت الكاشير خبرته تقدر من 1000 الى 2000 ريال كاغراء مؤجل مربوط بشرط .

طبعاً يستطيع الوالد حفظه الله ان يستعين بنفسه او اولاده للعمل بشكل شفتات يومية في البقالة مثلاً الوالد يجلس في فترة الصباح من الساعه 8 الى الساعة 12 والابن يجلس في البقالة من الظهر الى العصر و الوالد يعود ليجلس في البقالة من المغرب الى الساعه 10 وفترة العصر يجلس في البقالة احد العمال ولابد من وضع كميرا لمراقبة مكان الكاشير .

طبعا قبل تطبيق هذه الطريقة او اي طريقة اخرى يجب تسجيل بدفتر يومي دخل البقاله لمدة شهر ومقارنته بدخل البقالة بعد تطبيق الخطه اذا كان الفرق في حدود100 ريال فهو فرق طبيعي لكن من 200 وما فوق هنا لابد من معرفة ان العمال يسرقون وهم سبب خسارة البقالة .

هناك هنود يشترون البقالات كتقبيل ويعيدون ملئها بالكامل ببضائع جديدة ونظام جديد هم ممتازين لانعاش البقاله خلال فترة الايجار المتبقية وايضاً ممكن تأجيرها عليهم مقابل دفعهم لمبلغ الايجار المتبقي + 2000 ريال شهري لكم الهدف من هذي العملية ليس الربح بل الوقوف على اسباب خسارة البقالة فمع مراجعة سجلاتهم ودفاترهم ستعرفون الفرق بين قيمة البيع الاجمالي اليومي والاسبوعي والشهري وبين ما يحدث لكم .

ربما لا تستطيعون فعل كل ما قلته ولكن المهم الان هو تقليل تكلفة المحل فالايجار الغالي جداً لا اعلم لماذا وافق الوالد على هكذا ايجار ولكن بما انه ما حدث حدث يجب تقللة التكاليف من حيث الكهرباء بتقليل كمية الثلاجات واخبار الشركات بسحب ثلاثجاتها مع ابقاء على ثلاجة واحده اما الببسي او الكولا واحضار ثلاجة كبيرة مستعمله من الحراج وملئها ببقية منتجات الشركات .

وايضاً بعد الانتهاء من تقللة تكاليف الايجار يجب خفض الرواتب الى حدود 1200 ريال للعامل مع مساعدة العمال بالاخوان والاولاد في فترات الذروة وهي بعد صلاة الظهر الى الساعة 2 و من بعد المغرب الى الساعه 10 هذه فترات الذروة .

اتمنى لكم التوفيق وتحويل المشروع من مشروع خسران الى مشروع على الاقل يغطي تكاليفه الى حين انتهاء العقد والانسحاب منه

دموع اشتياقي · #23 (**permalink**) 20-10-2011, 06:27 PM

الاجانب ما وراهم الا الخساره

اذا السوبر ماله مواقف بكل تأكيد
سوف يكون الاقبال قليل
اللي اراه يستأجر مكان آخر بسعر ارخص وموقع حيوي بإذن الله سيتغير الوضع

لان الموقع الحالي لايناسب سوبر ماركت لان الإيجار غالي و لكثره الزحمه في الاشاره
ولقلة المواقف وبالتالي سيذهب الدخل في الإيجار‏!‏‏!‏

الله يرزقكم من واسع فضله

جرافيك · #24 (**permalink**) 20-10-2011, 07:48 PM

المواقف مهمه ولازم لها حل

طيب .. ليه مايكون عندكم خدمة توصيل للمنازل ..

تسويقار · #25 (**permalink**) 20-10-2011, 09:15 PM

السلام عليكم ورحمة الله وبركاته

اسف ع تأخري بالرد .. لكن لعل هذا التأخير فيه خيرا لنسمع من الاخوة ارائهم ...

اختي رحم الله والديك ...

عشان نبدأ بــ أنتشال البقاله من وضعها الحالي .. يجب ان نتفق على قاعدة معينه .... وهي :

اننا يجب ان نخفض التكاليف والمصاريف ... ونرفع من الدخل

كل تخفيض بقائمة التكاليف ينعكس فورا على قائمة الدخل < < < قاعدة محاسبيه مهمه ...

ولا نستهين اختي بأي تخفيض مهما كان حجمه ... بمعنى لو خفضنا ريال واحد لا تستصغري الريال

لان العامل عندما يسرق .. فتأكدي انه يسرق يوميا ريال او ريالين ولا يسرق 500 ريال مره وحده

خوفا من انكشاف امره .. وبنهاية الشهر تجدي ان الريال اصبح ريالات .. وخسركم مشروعكم

طيب راح تسأليني كيف نخفض من قائمة التكاليف ونرفع من قائمة الدخل ؟؟؟ اقولك :

تخفيض قائمة التكاليف :

انا سألتك اختي عن عدد الثلاجات بالبقاله .. وما جاوبتيني .. لكن من مبلغ فاتورة الكهرباء واضح ان عددها كبير .

بعض المستثمرين لما يجوا يفتحوا بقاله يلاقوا مسئولي مبيعات شركات الالبان واقفين على بابه كل واحد يعرض عليه ثلاجه

والمسكين فرحان يقول بنفسه جتني ثلاجه ببلاش .. مو عارف انها مصيبه على راسه ...

لان الشركة بتسلمه الثلاجه وتعرض منتجاتها فقط داخل الثلاجة وبالنهايه فاتورة الكهرباء على ظهر هالمسكين صاحب البقاله ..

وشوفي كم عدد الثلاجات واحسبي كم الفاتورة ...

الان راح نحدد عدد الثلاجات الموجودة .. ونشوف مين الشركات المرغوبة والطلب عليها كبير ونتركها بالبقاله

والشركة اللي ضعيف بيع منتجاتها نتصل بالشركة ونقولهم اسحبوا ثلاجتكم ...

حسب معلوماتي عن جدة ان المراعي ونادك والصافي هي اكبر ثلاث شركات يليهم نجديه كأقل مستوى بالبيع

وفيه ندى والعزيزيه وهذي مبيعاتها سيئة جدا .. لو كانت ثلاجاتهم موجودة قولوا لهم اسحبوا ثلاجاتكم ما نحتاجها

يتبقى عندنا فقط ثلاجة المراعي ونادك والصافي وممكن نجديه نتركها ونخزن فيها كل منتجات الالبان الاخرى ...

يعني ثلاجة نجديه نحط فيها نجديه وندى والعزيزة وكل شي يحتاج تبريد عشان ما تحتاجوا تشتروا ثلاجة

بكذا نكون تخلصنا من عدة ثلاجات كانت تكلفنا كهرباء ..

نروح لثلاجات الايسكريم .. وهي الثلاجات الفريزر الصغيرة واللي دايما تزحم المكان ومشكلتها بكمية الكهرباء اللي تسحبها

نقدر نختار ثلاجة واحده فقط مثل ثلاجة ايسكريم كواليتي .. وبقية انواع الايسكريم نخزنها في ثلاجات التجميد الموجودة بالبقاله .. ونتخلص من ثلاجاتهم ...

الان اختي تخلصنا من مجموعة ثلاجات البان .. ومعاها ثلاجات الايسكريم ...

بعض البقالات تجدي فيها اكثر من ثلاجة بيبسي .. وهذا خطأ .. هو مكسب لشركة بيبسي لكن خسارتها كبيرة

خصوصا الثلاجات الجديدة لبيبسي وهي الثلاجة بدون ابواب .. المفتوحه من الامام مثل ثلاجات الالبان

هذي الثلاجة بحد ذاتها مصيبه وتكلفة الكهرباء فيها عاليه .. لو كان عندكم اكثر من ثلاجتين احذفوا وحده ...

اوكي واضح طريقة حذف الثلاجات ؟؟؟؟

كمان فيه جهاز يخفض تكلفة الكهرباء 40 % من قيمة الفاتورة ابحثي عنه وستجديه .. جهاز تركبيه في فيش الكهرباء وهو يقوم بالواجب ..

راح نحسب التخفيض رقميا في نهاية الرد ......

الان تقريبا تخلصنا من تكلفة كبيره بفاتورة الكهرباء لان 5000 ريال شهريا مبلغ كبير جدا ..

والمتوسط للبقاله هو فاتورة بمبلغ 1500 ريال الي 2000 ريال بالكثير لو احسنا التعامل مع الاجهزة ..

ثانيا : تخفيض عدد العماله :

البقاله حسب ما استشفيته من كلامك انها من نوع ميني ماركت وليست بقاله

( الميني ماركت اكبر من البقاله واصغر من السوبرماركت )

كحد اعلى اختي للبقاله هو عدد 2 عامل .. 3 مراااا كثير .. .. خصوصا بوجود والدك حفظه الله

كيف راح نخفض تكلفة العماله ؟؟؟

نبحث عن رأس العمال .. العقل المدبر ... مديرهم او من يسيرهم ... وهو اول من نتخلص منه

انتهبوا اختي رأس الحيه لازم تقطعوها ... لا تقولوا هو الافضل او هو الاحسن .. بل الصحيح هو انه .. الاسوأ

هو من يدير خطة التخلص من والدك بالبقاله ... احذفوه برا البقاله وتخلصوا منه بوجود اصحابه وبلغوا اصحابه انو انتم مثله في حال لعبتوا ...

حطي في بالك ان البنقالي نفسه طويييييييييييل لذا لازم تكونوا حازمين معاهم ...

بكذا نكون تخلصنا من ثلاجات وخفظنا الكهرباء وتخلصنا من راتب عامل ....

رفـــــع قيـمـــــة الـدخـــــل للبقـــالــــــــه :

ركزي هنا والاخوان كذلك اللي يعانون من مشاكل بالبقاله ...

اختي فيه حاجه ما احد ينتبه لها وهي حق من حقوق اصحاب البقالات ... وهي :

ان شركات الالبان تستأجر مكان الثلاجه بالبقاله ... نعم تستأجر المكان .. وهذا دخل من حقكم والظاهر انكم ما استفدتوا منه ...

كل شركات الالبان تبغى تكون ثلاجتها في واجهة المحل .. او تكون في مرمى العين للزبون ..

وبتلاقي كل الشركات يتضاربوا على المكان المميز ....

كل ماعليكم ابلاغ شركات الالبان انكم بصدد تعديل اماكن الثلاجات واللي يبغى المكان الافضل يدفع ويستأجر ...

الايجار عادة الشركات ما تدفع كاش او نقدي .. لكنها تدفع لكم بضاعه وانتم تبيعوها وتستفيدوا بقيمتها

البلاغ يكون لجميع شركات الالبان دون استثناء .. وبتلاقيهم جوا لعندكم كل واحد يعرض مبلغ

ايضا اختي من حق صاحب البقاله مكافأة مبيعات ربع سنويه على مبيعاته ..

بمعنى كل 3 شهور المفروض ان مندوب الالبان يحسب كامل مسحوباتكم ومبيعاتكم ويعطيكم بونص او مكافأة عليها يعني بيطلع لكم مبلغ كمان ...

الايجار والبونص الربع سنوي معظم شركات الالبان تخفيها عن صاحب البقاله ... وما تعطيها الا للشخص الفاهم ...

لو تلاحظي اختي الان انتم تدفعون فاتورة كهرباء الالبان وانتم مو مستفيدين خصوصا ان ربح علبة اللبن لا تتجاوز الهلالات وانتم تدفعون الاف كفاتورة كهرباء ...

المخبز :

اختي انتي قلتي ان البقالة فيها مخبز .... اوكي

انا ما اعرف هل المخبز شغال ؟؟ او .. لا ؟؟ وانا سألتك وما رديتي علي ..

من رأيي اختي ان يتم تأجير المخبز بالكامل على مصريين ومالكم شغل بأي شي ..

مالكم شغل لا برواتب عمال المخبز ولا طحين ولا غيره وحتى فائض المخبز من الخبز هم يتصرفون فيه

بكذا يكون لكم دخل اخر بجانب دخل ايجار الثلاجات ... ( كمان راح نحسبها رقميا بالنهايه )

ادخال تخصص اخر داخل البقاله :

وانا اقصد تجهيز مكان لمبيعات الخضار والفواكه ...

اما أنكم تأجرون جزء من البقاله على يمني وهو يجهزة .... او تجهزون المكان وتأجرونه ..

او يتم تشغيله من قبلكم رغم اني ارى تأجيره افضل ولا تتعبوا حالكم بالخضار وتأمينه كل صباح

هنا سببين للاقتراح :

احنا ما نحب نشتري اغراضنا من عدة اماكن .. نحب نشتريها من مكان واحد

اذن البقاله محتاجه ان يكون فيها قسم للخضار والفاكهه ...

السبب الثاني للاقتراح هو ان البعض قد يحتاج الي خضار وفواكه وممكن يجي للبقاله ويشتري خضار وكمان يده تمتد الي شي اخر من البقاله ...

بكذا صار معانا دخل اخر من تأجير قسم الخضار ....

تأجير الارفف :

طبعا تأجير الارفف فقط معمول به في السوبرماركت .. بنده وغيرها ...

لكن البقالات ممكن يأجروا واجهة الارفف ..

الارفف لها واجهه وهي التي بمدخل البقاله ... واجهة الرف .. ممكن تأجيرها على احدى شركات المواد الغذائية

كمان هنا دخل اخر ...

اختي لو تلاحظي بشوية تفكير صرنا نأجر اماكن من داخل البقاله عشان ترفع من دخلنا ... وما نتحمل كامل الايجار ...

ثلاجات البيبسي والكولا :

بلغوا شركة الكولا .. الكولا اختي وليس البيبسي وقولوا لهم لو حاب نقدم ثلاجتك على ثلاجة البيبسي ادفع لنا قيمة الموقع واحنا نقدمك .. الكولا راح يدفعون لكم

ابعاد المواد المطلوبه الي اخر البقاله :

اللي اقصده من هالعنصر اننا نشوف ايش اكثر شي ماشي بالبقاله ؟؟؟؟؟

خلينا نفترض انو اكثر شي نبيعه يوميا هو الجرائد .... الصح ما نحط الجرائد عند الباب .. او مكان يصل له الزبون بسرعه

المفروض والصح اننا ندخلها الي آآآآخرررر البقاله ... ليش ؟؟؟

عشان يضطر الزبون للدخول للبقاله ويعدي من عند كل المواد الغذائية ولما يرجع ممكن تطيح عينه ع حاجه ويشتريها وهوا طالع ...

العبي على حاجة وغريزة النظر ....

نروح لشئ مهم جدا وما احد منتبه له :

يجب وضع مكان مخصص لمبيعات الجبنه والحلاوة الطحينيه والزيتون بالوزن ...

هذي الشغله فيها ذهب ... وكثير من الناس ما تهتم لهذه الفرصه من الدخل ... تشتروا علبة الحلاوة الكبيرة وتحطوها جوا مكان مخصص وبيعوا بالكيلو

اروح لنقطة مهمه ...

بلغي الوالد ما يشتري اي شي من تجار الجمله .. يعني مو يروح للحلقة اللي بالصفا ويشتري من تجار الجمله هناك ؟؟ لا

لسبب :

تجار الجمله تعاملهم نقدي وراح يرهقوا ميزانية والدك ..

كمان مالهم شغل في اي مواد انتهت صلاحيتها ...

قولي للوالد ما يشتري من تجار الجمله الا الاشياء الكبيرة وما نلاقيها عند مناديب الشركات مثل الرز ....

اما بقية المواد تشتروها من مندوبي الشركات ... كيف نتعامل مع مندوبي الشركات :

مندوبي الشركات راح يطلبوا انهم ينزلوا بضاعه كاش .. انتم بتقولوا لهم مافي كاش ... بل مبيعات مؤجله لمدة 3 شهور ...

بعضهم بيكون صعب .. حاولوا تغرونهم بالرفوف وانكم راح تحطون بضاعتهم في مكان بارز ومميز خصوصا واجهة الارفف لو ( ما أجرتوها ) ...

المندوب راح ينزل ويعبي لكم الارفف وراح ينزل كميات كبيره جدا .. وانتم خذوا منه وخلوه يملى المكان

والسداد كل ما جاء لكم المندوب اعطوه اي مبلغ ...

يعني لو فاتورته 2000 ريال وجاء لكم بعد اسبوع اعطوه 200 ريال مثلا ..

المهم المندوب ما يرجع وما اعطيتوه شي .. وكمان لا تسددوه كامل المبلغ .. اربطوه معاكم بباقي المبلغ

بكذا انتم تكونوا تشتغلوا بفلوس الشركات وليس بفلوس والدك .... وهذا هو الصح ..

البقالات والسوبرماركت كلها تشتغل بفلوس الشركات .. ترى بنده البضاعه مو لها .. البضاعه للشركات

واضح اختي ؟؟؟؟ لو مو واضح ارجع واعيد شرح مو مشكله ...

طيب ...

الان انتي تشتكي من عدم توفر مواقف للزبائن ....

طيب طالما عندنا هالمشكله فالمفروض نتحايل عليها .. بدلا من ان الزبون يجي لنا وما يحصل موقف ...

نستبدلها بشي اخر وهو اننا احنا نروح للزبون .. واللي اقصدة هو التوصيل المجاني ...

سيكل للعامل وتليفون تستقبلوا طلبات البيوت .. والعامل يوصلها لاي بيت

التوصيل المجاني الان اصبح مفتاح دخل كبير للبقالات ... ولا تقولوا ان الطلب قليل ما راح اوصله لان مبلغه صغير ؟؟

وصلوا للبيوت حتى لو بريال .. السيكل ما راح يخسركم بنزين .. والعامل اخر الشهر اخذ راتبه ...

المهم الاحتفاظ بالعميل والعميل هو رأس مالكم .. لو راح عنكم فالله المستعان

تعالي نحسب كل ما تكلمنا عنه :

الان 8300 ريال ايجار البقاله شهريا

5000 ريال فاتورة كهرباء ...

3 عمال * 1400 ريال = 4200 ريال رواتب عمال ..

الاجمالي حاليا : 17500 ريال مطلوب سدادها شهريا ...

الدخل حاليا : 27000 ريال كامل الدخل

صافي ربح البقاله حاليا 4050 ريال

اذن عندكم عجز وخسارة بمبلغ 13450 ريال ...

هذا المبلغ مضطرين تسددوه من حساب والدك او من قيمة البضاعه

اذن البقاله مسجلة خساره حقيقيه ... بدون ادنى شك ...

بعد التعديل حسب الخطة اللي شرحتها لك :

ايجار شهري = 8300 ريال

الكهرباء بعد الغاء ثلاجات وتخفيض عداد الكهرباء = 1500 ريال

الرواتب = 2800 ريال

الاجمالي بعد تخفيض الكهرباء والرواتب = 12600 ريال

الفرق بين التكلفة الحاليه و التكلفة الجديد بعد التخفيض = 4900 ريال فارق بين الحالي وبين التكاليف بعد التعديل

الان نحسب الدخل الجديد للبقاله بعد تأجير الاماكن داخل البقاله :

تاجير ثلاجة الالبان = 700 ريال

تأجير المخبز = 1500 ريال شهريا

تأجير قسم الخضار = 1500 ريال

تأجير ارفف = 300 ريال

تأجير موقع ثلاجة البيبسي = 700 ريال

الاجمالي : 4700 ريال

الان فارق الدخل بعد التخفيض للكهرباء والرواتب = 4900 ريال + 4700 ريال قيمة ايجارات داخل البقاله + 4050 صافي ربح البقاله حسب مبيعاتكم اليوميه الحاليه = 13650 ريال

دخلكم الحالي 13650 ( ناقص ) مطلوبات شهريه حسب ماذكرته بعد التخفيض 12600 = 1050 ريال

الف وخمسون ريال ربح اول شهر بعد التعديل والتخفيض ...

اذا من اول شهر وبعد التعديل طلعنا بكفتين ميزان متعادله لا ربح ولا خسارة ولا تكلفة اضافيه على حساب والدك

بعد كذا يجي اكمال البقاله من المواد الغذائية من المناديب حسب ما ذكرت لك والمتابعة وراح يزيد دخلها يومي اكثر من 1300 ريال الحاليه ...

بتلاقوا انفسكم بعد 3 شهور صارت البقاله مربحه بشكل خيالي ....

اتمنى ان اكون وفقت .. واي سؤال انا تحت امرك ...

دمتم بحفظ الرحمن

يآرب عونك · #26 (**permalink**) 20-10-2011, 09:25 PM

تسويقار كلام مميز فعلا .. وماشاء الله عليك واضح عليك خبره كبيره في مجال التجاره

ربي يوفقك ويقويك

جرافيك · #27 (**permalink**) 20-10-2011, 09:28 PM

ماشاء الله تسويقار كفى ووفى ... ماعليكم الا تطبيق كلامه

مستشار المدينه · #28 (**permalink**) 20-10-2011, 09:38 PM

موفق بإذن الله ... لك مني أجمل تحية .

15000 · #29 (**permalink**) 20-10-2011, 09:39 PM

بسم الله الرحمن الرحيم

اختي الكريمة

اولاً هناك امور لابد من عملها مباشرة .. لوقف الخسائر .. هي كالتالي :

1- لابد من جرد ولو بسيط للكميات المتوفرة بحيث يتم معرفة مالكم في هذه اللحظة وماعليكم ، اي خطوة تنفذ بدون معرفة مالكم وماعليكم هي خطوة لاتقدم ولا تؤخر .

2- توفير استاف جديد من العمالة مع مراعاة اختلاف الجنسيات ، بمعنى العمالة الحالية لابد تستبدل ومايكون البديل من نفس الجنسية (يعني الثلاثة من العمالة اليمنية على سبيل المثال) بل يكونوا من جنسيات مختلفة (يمني - هندي - بنقالي) مثلاً ، الهنود فيهم امانة كبيرة الا قلة منهم .. الهندي والبنقالي لايتفقان مع بعضهما كما الحال مع الباكستاني والهندي او الباكستاني والبنقالي .. الخ ، اليمني كعامل مختلف عنهم ايضاً .. (فـّرق تـسـُّد) فرقهم عن بعض تتسيد عليهم .

3- توفير كاميرات مراقبة متصله بالانترنت ، تكلفتها مناسبة وان كان مالك المشروع بيستكثرها في البداية لكن ميزتها انه حتى اذا كان الوالد حفظه الله في البيت بإمكانك انتِ مراقبة الوضع عبر الكاميرات في الانترنت .

4- البطاقات مكسبها بالهللات لكنه مناسب جداً في حال تراكمه طيلة الشهر ، والأنسب منه هو تفريغ ركن في الميني ماركت عند المدخل وتفصيل طاولة عرض المنيوم بسيطة وتأجيرها كـ كشك صغير للجوالات (في حال كانت المساحة تقبل هذه الاضافة) ، الفائدة منها ان هذا الكشك سيوفر دخل ثابت حال تأجيره ، الفكرة في جده موجودة ومنتشرة وتستخدم هذه الاكشاك لبيع اكسسوارات الجوالات وبطاقات الشحن مع اقتصار بيع البطاقات على الكشك فقط بمعنى الاستغناء عنها والاكتفاء بقيمة الايجار ، ولابد يكون الايجار مناسب بحيث لاضرر ولا ضرار لاعليكم ولا على المستأجر للكشك .

5- بالنسبة للعمالة حاولوا الاتفاق معهم براتب اقل من الرواتب الحالية المقدمة للعمالة الموجوده مع توفير حوافز مثل في حال كان الدخل الشهري مبلغ كذا كذا سيتم اضافة مبلغ مقطوع لرواتبكم ، بكذا العمالة بتستميت في موضوع تحسين الدخل للحصول على الحافز .

6- إذا كانت المساحة تسمح (لم تذكري المساحة اختي الكريمة ولذلك كل مانقترحه بخصوص المساحة خاضع لشرط السماح) بإمكانكم تنفيذ قسم للحوم او قسم للخضروات وتأجيره بمبلغ معين شهري .

7- اذا كان الميني ماركت في منطقة سكنية (وهذا هو المفترض) حاولوا توفير خردوات والعاب بلاستيكيه من الخاسكية والبلد وعرضها بطريقة ملفته للنظر عند الكاشير ، الاطفال يموتوا في هذا الشي ومستعدين يدفعون ريالين او خمسة ريال على لعبة بسيطة رغم انه راس مالها بالهللات ، ميني ماركت قريب من منزلنا اصحابه هنود ، عارضينها عند الكاشير وعند الباب مايدخل طفل الا ويشتري منها بنفسه او في حال وجود والده معاه او اخوه يشتري له منها .

8- حاولوا توفير الكماليات بشكل اكبر ، جل الشعر ، الكريم ، زيوت الشعر ، أمشاط البلاستيك ، الخ بحيث يكون الميني ماركت معروف بشموليته .

9- الايجار ماله حل الا اذا فرغتوا فتحه واكتفيتوا بالفتحات المتبقية بحيث يقل عليكم الايجار ، اما حكاية راعي الملك ينزل الايجار فهذه من سابع المستحيلات في السعودية

10- لابد من توفير التوصيل للمنازل ، طباعة استكر ووضعه على زجاج المحل يوجد لدينا توصيل للمنازل + رقم الهاتف ، طباعة ورقة عادية بالوورد وتصويرها على اوراق ملونه (الاوراق الصفرا والحمرا والبنفسجيه الخ) ووضعها بكمية كبيرة عند الكاشير + توزيعها على المنازل والسيارات القريبة من السوبرماركت ، هذه الخطوة تفيدكم كثير ان شاء الله .

11- الكهرباء .. لابد لابد لابد من تقليل عدد الثلاجات لأقل عدد ممكن بحيث يكون متناسب مع مستوى البضاعه المتوفره والمحتاجه لتبريد ، لان الثلاجات تشتغل 24 ساعه (خاصة اللي فيها البان واجبان الخ) فصرفيتها جداً كبيرة حاولوا تقليلها بقدر المستطاع .

12- لابد من وجود شخص من العائلة الكريمة في السوبرماركت بشكل متواصل يومياً ليش ؟ لان المال السايب يعلم السرقة ، ولان لحيتك من المفترض ماتسلمها لغيرك وإلا يضيعك .. لابد الوالد الله يعطيه طولة العمر والصحة والعافية يكون متواجد يومياً بنفسه او يفوض شخص امين يثق فيه يجلس فيها ويتابعها يومياً من ابنائه او اخوانه او ابناء اخوانه ويعطيه حق الجلوس فيها .

13 - نصيحة لوجه الله ، قدر المستطاع حاولوا ان توفروا عمالة على كفالتكم ، العامل اذا كان على كفالتك مايقدر يلف ويدور ، اما ان كان على كفالة غيرك بيقول نفسي ومن بعدي الطوفان وبحريقة المحل وصاحبه (سمعتها بنفسي من عامل من جنسية عربية للاسف) ، قدر المستطاع حاولوا توفروا عمالة على كفالتكم لو بالإحلال بمعنى البداية تكون بعمالة على كفالة اخرين وشوي شوي تبدلونهم واحد ورى واحد بعمالة على كفالتكم .

14- لابد يجلس الوالد فيها يوم كامل (الله يعينه تعب وكسرة ظهر) لكن لابد يسويها ، يوم واحد كفيل بتوضيح كافة الامور له ، يجلس فيها من الصباح الى العصر ، ويريح العصر ويجلس مكانه واحد من ابنائه الى صلاة العشا ، بعدها يرجع الوالد يكمل الجلسة الى الساعه 2 الليل ، او ينسقها بطريقة تناسبه ، اي نعم تعب وارهاق ويمكن يدخل عليه اذان العشا وهو كاره الدنيا باللي فيها لكن لابد يتعب يوم واحد بحيث يراقب الداخل والخارج ويقيس عليه ويعرف هل في سرقة او لا ، وحتى اذا ماكان في سرقة بيعرف وضع الميني ماركت بالضبط بحيث اذا بدل العمالة يتكلم مع العمالة الجديدة وهو عارف البير وغطاه .

15- اكرر النقطة اللي ذكروها الاخوان قبلي العمالة الحالية لابد (تنشااااااات) من باب السوبرماركت حال توفير البديل ، لابد من تحديد الراس الكبير فيهم والتضحيه فيه اول واحد وبعد كذا البقية تلحقه ومن الخطأ ابقاء اي شخص فيهم حتى لو كان اطيب واحد فيهم وحاله حال نفسه لان ولاءه ماراح يكون ابداً لصاحب العمل على حساب بني جنسه .

اتمنى لكم التوفيق ان شاء الله ونشوف لك موضوع ثاني تبشرينا فيه بتحسن اوضاع مشروعكم واختلاف الوضع 180 درجة عن هالوضع .

.