حز بخاطررري

ربي امنحني وساع · #1 (**permalink**) 20-10-2011, 01:24 AM

[السلام عليكم ورحمة الله وبركاته

صراحه مو عارفه من وين ابدا موضوعي لكن خلص بتوكل على الله وبقول صراحه يحزنني ويحز بخاااااااااااطري لمن بشوف شاب يبي يتزوج ومو لاقي من المهور الغاليه ولا بعد اذا بيتزوج بيظل بعضهم بيدفع للبنت مهرها والله حرام ليش هذا كله والله السعاده مو بس بالمهر الغالي والا الفشخره لا السعاده انت تبنينه مع زوجك حتى لو ماعملت زواج وموضوعي هو عن عزوف الشباب عن الزواج بسبت المهور انا بقولكم ماابيكم تفهمون كلامي غلط لكن والله حنا بالشمال بنات اخلاق ومتخرجات وجالسات ببيوت اهاليهم مو متزوجات اعمارهم 25 و29 و 30 35 36 والله اتمنى لهم السعاده والستر تعرفون ليش باقيين لان بالقبايل مافي شباب على اعمارهم ومافي حد بيدري عنهم من الي برا لو يبون بيتزوجون لانهم مايطلعون للمناسبات ولا لغيره ملتزمات ماشالله ومحافظات ياليت لو تلتفتوا للبنات الشمال والله المهور عندنا مو غاليه ابد حدها 10000 ريال بس واحيان على اخلاق الشاب والله ماياخذون ولاريال مو قصه انهم بنات مو مهمات من شان كذا مهورهن قليله لا لان كل واحد يبي الستر لبناته والمهور ماتهم عندنا قد مايهمهم سعاده بناته يعني لو المهور عندكم غاليه لاتضيع وقتك وماتتزوج لا روح دور لك بنت الحلال انا والله ماكتبت الكلام هذا الا من جد من شان البنات الموجودات بالشمال ببيوتهم والله ونعم البنات اخلاق وتواضع انا صراحه اشوف الشباب يضيعون بسبت الزواج والمهور الغاليه الي مالها داعي مهور دنيا انا مو معناه اني كتبت عن بنات الشمال الباقيين لا لا والله كلهم فيهم البنات بالمملكه الخير والبركه لكن انا كتبت الوضع الي شفته بالمحافظه عندنا
اسال الله عزوجل ان يجعل السعاده طريق كل فتاه وشاب

نواف عايض · #2 (**permalink**) 20-10-2011, 01:31 AM

شكرا لك اختي
ولكن ما قلتي كيف يعرف الشباب ان في البيت الفلاني بنات للزواج!!! نروح ونرجع على ان الامور عندنا تتم بالطرق التقليدية
والله يرزق شباب وبنات المسلمين جميعا
تحياتي وتقديري

ربي امنحني وساع · #3 (**permalink**) 20-10-2011, 03:19 AM

ايه صح بالطريقه التقليديه انا والله ماعندي مانع اساعد اي حد يبي بس بخصوصيه ويكون فيه ذمه وضمير لان بنات الناس مو لعبه

كوين الحنآن · #4 (**permalink**) 20-10-2011, 03:26 AM

احنا بالرياض مهورنا ارخص كثير من الشمال الاغلبيه يطلب 25 الف البكر واحيانا بدون حفله مختصره

نبي الستر اما المهر الغالي يسبب العنوسه الله يعين ويصلح اولياء المهور يتنازولون عن كثره المهور اهم شي

التوفيق والستر البنات

العمدا · #5 (**permalink**) 20-10-2011, 04:58 AM

المسألة في الأول والأخير قسمة ونصيب من عند رب العالمين
وايضاً مثل ما ذكروا الاخوان المجتمع السعودي
متقيد بــــ ( الطرق التقليدية )

اسال الله العلي القدير ان يرزق شباب وفتيات المسلمين بالحلال
وأن يبعدهم عن حرامه

ولد غنام · #6 (**permalink**) 20-10-2011, 05:22 AM

الله يرزق بنات المسلمين الازواج الصالحين عاجل غير آجل

منار الوجه · #7 (**permalink**) 20-10-2011, 05:34 AM

ممكن توضحي تقصدي اي شماال واي قبائل بدووووووون احراج لااني انا من اهل الشماال
الان اغلب القبائل اللى عندنا اقل مهر 5الاف
والوسط 30
واللى بعده 80
واللى بعده 100الف
اما الاكثر 40 الف

الدواميك · #8 (**permalink**) 20-10-2011, 05:57 AM

وعليكم السلام ورحمة الله وبركاته
المشاكل الي الحين وتخلي الشباب يشيلون فكره الزواج من روسهمِ:
1\المهور خيآليه (لدرجه توصل الـ 100)
2\القبليه ( يعني تتزوج بنت عمك غصب ولا طيب لدرجه ان ابوي الله يطول بعمره يقول لنت ولدي ولا اعرفك ) يحسبون مافي الا هـ القبيله...
اما بلنسبه لي حآد بيني وبين الزواج الوظيفه بسسسس ولا كل شي جآهز
وانا حالف ما اتزوج من قبيلتنا بشوف من الي كلامه يمشي
بصرآآحه المهر المعقول هوِ 40 الف ريآآآآلِ ..
بقول ملآحظه وهذي وجه نظر ولي يبي ينقد برجآء لا تقلع فينيِ (( اشوف البنات هم سبب عدم زواجهم بأنهم يقولون توني صغيره او آنآ آدرس او شين آو ابي بيت لحآليِ آوٍِ ما ابي آمه آو راتبه ضعيف او ابي بيت جنب اهلي او يخليني عند اهلي اذا دوامه بمدينه ثانيه ويروح لحآله او تشرط عليه مؤخر يكسر الظهر او تجيب خدآمه لها او تجيب سآيق .... الخ من الشروط الي تجنن العقل )
الله يرزقني ببنت دين وخلق وتقدر العشرهِ
والله يرزق كل بنت من تتمنآه ويوفق الجميع يآآآربِ

مشكورهـِ عـ الموضوعِ