لسه قبل كم سبوع جايين من الرياض عشان مقابلة في ديوان المراقبه العامه ولا طلعت نتائجه
واحين يبونه نروح عشان وزارة الماليه , يعني كل مره نسافر الرياض عشان المقابله
واعمالنا وشي نسوي معاها وحنا في الشرقيه

اللي راح للمقابلة الشخصية يخبرنا عن الاسئلة
وكم عدد الوظايف المطلوبة لكل منطقة

اليوم بدأت المقابلات ياريت اللى موعدهم الساعة 8 ينقلون لنا بالظبط شللي صار

السلام عليكم ورحمة الله
بشرونا يا حبايب كيف الأسئله و كم عدد الوظائف المطلوبه .. !!
,,
و قبل قليل أتصلت على الوزارة و كلمت المسؤول و أستفسرت منه بخصوص إني ما استطيع الحضور الساعه 8 الصباح للمقابله ,, أبلغني إنه لا يشترط الحضور بنفس الوقت ولكن يشترط الحضور بنفس الفترة يعني اللي فترته صباحيه يجب أن يحضر بالفترة الصباحيه و قال حاول أقصى شيئ تكون حول الساعه 10 موجود بالوزاره , واللي فترته بعد الظهر يجي بفترته المخصصه .. لأن أعضاء اللجنه الصباحيه يختلفون عن أعضاء اللجنة المسائية .

والله الموفق

السلام عليكم
توني جيت من الوزارة وراح اقولكم شللي صار بالتفصيل
اولا دخلت الوزارة وكان في لوحة مكتوب اعلان المقابلات والوظايف وفي رجل امن جالس يقولك وين تروح طبعا تنزل تحت وتلاقي واحد يعطيك ورقة تعبيها مع رقم بعد ماتعبيها تدخل في قاعة مدرج وفيها 3 يطابقون الاوراق تعطيهم الورقة ويسجل رقمك وتتظر حتى ينادون بالاسم وتروح تطابق ومن ضمن الخيارات اللى في الورقة تحط افضلية المكان طبعا الشرقية فيها الاحساء والدمام وحفر الباطن تختار الاولوية فقط وماتحط اي مكان مايخص الشرقية كونك مقدم في المنطقة الشرقية طبعا يبون صور مع الاصل واذا فيه خبرة لازم برنت التامينات ولازم صورة البطاقة الجديدة واذا ماعندك صور ترى فيه طابعة عندهم تقدر تصور
بعد مايطابقون تنتظر مرة ثانية حتى ينادون اسمك للمقابلة
وتروح طبعا وفي رجال امن ينظمون المتقدمين ينادون كل واحد حسب ترتيب الارقام
تدخل في اللجنة وفيها 3 كبار بالسن يناقشونك مناقشة عادية وين كنت تشتغل وش خبراتك وش مؤهلاتك ليه تبغى تتوظف في الحكومة كيكف في الحاسب الالي وبرامج الاوفيس يعني دردشة عادية اهم شي الثقة في النفس وحسن المظهر وترتيب الكلام
وبعد تتوكل على الله وان شاءالله مقبولين باذن الله وبالتوفيق للجميع

طيب كم عدد الوظايف المطلوبة ؟

مشكور على هذه المعلومات
والله يوفق الجميع

انا بطااقتي قديمه هم لازم يبون بطاقه الجديده؟؟