تجمع المتعينين على الوظايف الادارية في وزارة التربية [ هنا النقاش ]

سعود مطر · #**2811** (**permalink**) 17-01-2012, 11:59 AM

اقتباس:

المشاركة الأصلية كتبت بواسطة رهين العمر

ما خبرته عشان ما يستنذل علي ويجيب البديل وإلين الحين ما صدر تعميم من الوزارة

تحيتي

والله معاك حق اخوي وبالذات كل مدير يختلف عن الثاني تاني شي ان شاءالله التعميم راح ينزل قريب الحمدالله جاتني الرغبة الاولي وقريب ان شاءالله نتعين كلنا باذن الله لانه بامر ملكي والرزق من عند الله

بس الواحد عشان لا يجلس في البيت ولا سمح الله يتاخر في التعميم قلت اجلس في شغلي احسن

البطل بوعلي · #**2812** (**permalink**) 17-01-2012, 12:00 PM

انا إلى الآن ماعرفت وين توجيهي وكله اتصل ومشغول واليوم اتصلت على التحويله 2257 تحويلة شؤون المعلمين وللأسف رد علي وصرفني وقال اتصل على الرقم 014031805

واقعي جدآ · #**2813** (**permalink**) 17-01-2012, 12:02 PM

اقتباس:

المشاركة الأصلية كتبت بواسطة سعود مطر

جزاك الله خير اخوي

بس عندي استفسار !! تعديل المراتب لكل الجامعيين سواء كان مساعد اداري ومسجل معلومات او بس مسجل المعلومات ؟؟

والله يا خوي نتمنى التعديل لكل الجامعيين لأنه لم يحدد

مستشار نظم · #**2814** (**permalink**) 17-01-2012, 12:02 PM

اقتباس:

المشاركة الأصلية كتبت بواسطة رهين العمر

ما قدمت استقالتي الا لمن تتضح الامور من ادارة التربيه والتعليم

معليش اخوي ( انت موظف رسمي ولا كونتركت)

موظف رسمي بشركة عندها تعاقدات مع شركات سعودية كبيرة

رهين العمر · #**2815** (**permalink**) 17-01-2012, 12:06 PM

اقتباس:

المشاركة الأصلية كتبت بواسطة سعود مطر

والله معاك حق اخوي وبالذات كل مدير يختلف عن الثاني تاني شي ان شاءالله التعميم راح ينزل قريب الحمدالله جاتني الرغبة الاولي وقريب ان شاءالله نتعين كلنا باذن الله لانه بامر ملكي والرزق من عند الله

بس الواحد عشان لا يجلس في البيت ولا سمح الله يتاخر في التعميم قلت اجلس في شغلي احسن

كلامك في السليم

والله يكتب لنا الخير انشاء الله ومدام انها وظيفه حكوميه انشاء الله الامور من افضل الى الافضل

بلا قطاعات خاصه وبلا بنوك اللي ما ترحمك على شعلك وراتبك والادهى انه يومك محترق وما تقدر تستثمر مدخول ثاني على راتبك

بالتوفيق انشاء الله للجميع

مستشار نظم · #**2816** (**permalink**) 17-01-2012, 12:07 PM

اقتباس:

المشاركة الأصلية كتبت بواسطة مستشار نظم

سكرتير الحميدي ..
014033802
شرايكم احد يتصل ويشوف الموضوع يمكن يفيدنا او يعطينا كلام موثوق !!

احد يتصل ويشوف

البطل بوعلي · #**2817** (**permalink**) 17-01-2012, 12:18 PM

حسبي الله ونعم الوكيل توني متصل على تحويلة 1292 وقال لي الرغبة جات على بيشة وانا طالب الاحساء

يعني حتى الرغبة السادسة ماجات

ياشباب تكفون اي واحد جاته الاحساء أو الشرقية أو الرياض أو الخرج أو حفر الباطن ويبقي بيشة ياليت يتواصل معي

رهين العمر · #**2818** (**permalink**) 17-01-2012, 12:28 PM

اقتباس:

المشاركة الأصلية كتبت بواسطة مستشار نظم

احد يتصل ويشوف

اتصلت عليه السكرتير وسألته، قالي الموضوع عند شخص اسمه مساعد وحولني عليه وسألته عن التوجيه واقادني بأن القرار راح يصدر غداً الاربعاء او السبت

والله اعلم ( اتمنى يصدق في كلامه)

تحياتي

الصارم2006 · #**2819** (**permalink**) 17-01-2012, 12:30 PM

اقتباس:

المشاركة الأصلية كتبت بواسطة عش حياتك

موقع وزارة التربيه والتعليم بمدينة الرياض , تأتي له بعدة طرق كالتالي :

1- وانت جاي من مكه على طريق خريص إلى أن يأتيك يجيك ميدان وكبري الخليج، ووتطلع معه ويجيك تقاطع طريق الملك عبد العزيز مع طريق خريص وطريق المعذر

وتمشي باتجاه الجنوب تتعدا اول وثاني اشارة ضوئية ( بصراحه ماعرف كم عدد الاشارات ) ولكن امش الين تجيك الوزارة على اليمين .

2- وانت جاي من الشرقية خلك ماسك الدائري الشمالي الين يجيك مخرج خمسه (5 ) ورح معاه يسار
وبكذا مسكت الطريق من أوله والله يعينك تمشي تمشي وتمر بعدة احياء ( المصيف , المرسلات , صلاح الدين ) وانت ماشي الين تجيك الوزاره على اليمين . بس ترا الطريق طويل شوي واشارات .

3- وانت جاي مثلا من شرق الرياض تمسك طريق المية وتمشي الين تدخل حي الملز وتمشي الين يجيك شارع الجامعه وتاخذ يسار . وتمشي الين يجيك مخرج على اليمين اسمه مخرج طريق الملك عبدالعزيز . رح مع هالطريق وامش شوي تجيك اشاره , خذ يوتيرن ( ديور فوق تحت ) من الاشاره وامش شوي تجيك الوزاره على اليمين

واي شي حنا حاضرين طال عمرك واذا ضيعت اعطيك رقم جوالي بالخاص كلمني

وشكرا

بيض الله وجهك ورحم الله ولديك وجعلها في موازين حسناتك
ما شاء الله الوصف ما يحتاج

فالك التوفيق يالغالي