رددوا معي ياليل مطولك

شكل سهرتنا صباحي ليوم السبت

الحمدلله خلصت الفحص الطبي
بالنسبة للفحص الطبي لأهل جدة
تروحوا اولاً لمركز الدرن يسولكم اشعة صدر ويختمولكم ان ماعندكم درن ان شاء الله والله يعافينا وكل المسلمين
الموضوع ما ياخذ ربع ساعه، هذا موقع المركز
http://wikimapia.org/#lat=21.4640123&lon=39.251731&z=18&l=0&m=b
ثم منه على مركز صحي مدائن الفهد قريب من مركز الدرن وهذا موقعه
http://wikimapia.org/#lat=21.4662789&lon=39.23383&z=17&l=0&m=b
ادخلوا مباشرة على عيادة رقم 6، ياخذوا عينة بول الله يكرمكم وانتهى الموضوع، تراجعوهم ثاني يوم تاخذون الورقة جاهزة من نفس العيادة وتمروا على المدير يختمها لكم
روحوا الصباح لأنه بعد الظهر حسب مافهمت مافي اخذ عينات

بالتوفيق

الغريب ان ادارة جدة جاتها الاوراق والاسماء من يوم الاربعاء الماضي ووزعوا اوراق الفحص الطبي .. وباقي الادارات ماجاهم اي شي

طيب أخوي ٱنااآ تعييني بالخرج وأنااا منن سكان جدة هل بالإمكان أخذ ورقة منن تعليم جدة خاصة بالكشف

لسعني جاي من ادارة التربية والتعليم بجدة ..
وطبعا شفت قائمة الاسامي المعينيين بجدة واسمي للأسف ما كان بينهم ..
وافادني بمعلومات حبيت اشارككم فيها ..
بالنسبة للأشخاص اللي عندهم بعثات ومحتارين بين الوظيفة أو اكمال البعثة .. يقلي يقدر يكمل اجراءات الوظيفة وبعدين يطلب اجازة استثنائية لإكمال الدراسة لأنو قلي في واحد سواها .. وضرب عصفورين بحجر واحد .. واللي مهتم بهذا الموضوع ممكن اول خطوة يعرف فين توجيهه ويكمل اجراءات تعيينه ويشوف امكانية الاجازة الاستثنائية من عدمها ..
وبالنسبة لتعديل الرغبات قلي الموظف بما معناه ترى ماحيتعدل شيء الا عدد محدود جدا في حدود اصابع اليد الواحدة يعني يقلي واحد اثنين شيء زي كذا ، وبالقوة حتى لو طلعت وزارة التربية والتعليم بالرياض .. مالك الا الانتظار سبعة شهور وتفكر بعدين في التكليف هذا ممكن يصير معاك .. اما التعديل هذه صعبة جدا ...
وطبعا بعد التفحص والتمعن في قائمة الاسامي لاحظت انو المساعدين الادارين اللي تعينوا بجدة ماشاء الله مفاضلتهم كانت عاليه .. اقل واحد كان لا يقل عن 73
والعدد الاجمالي للادريين والمسجلين كان كبير جدا .. وواضح جدا انو في ضغط على جدة ومكة أكثر شيء وهذا كمان حسب افادة الموظف ..
هذا وتقبلوا فائق تحياتي ،،،،،

شباب نزلت الاسماء ع الموقع والا باقي ؟؟

دايم تلفونهم مشغول مره