آول شيء " مبروك لكل من تعين على الوظائف الاداريه " انا تعينت على الوظائف الاداريه والحمدلله مبسوط " لان بصراحه اللحين صار التعليم شيء صعب والواحد يشتري راحه راسه والفرق بالراتب ماهوب مثل اول " اللحين الرواتب للاداريين تحسنت " يعني مو مثل قبل تقول " الاداري راتبه ضغيف واذا فرق الف ونص او غيره الواحد يشتري راحه نفسه " بدل الطلاب وكثره الكلام الفاضي وكل شوي طاباً عليك مشرف " اعرف كثير ناس معلمين وتبى تحول آداريين " من زود الملل وانواع التطفيش من الطلاب ..
والحمدلله على كل حإل ..
يقولك لو تجري جري الوحوش غير رزقك يـ إبن ادم ما تحوش ..
وانا الحمدلله راضي بما كتبه الله لي من نصيب وقسمة والله يكتب لي الخيره فيما اختاره لي ..
لكن بالنسبه للمرتبه في الوظيفه " لا نعلم ماهي المرتبه المرشحين عليها " او حتى مسمى الوظيفه ما هو ؟
تعددت الاقوال بسمى الوظيفه " والحال واحد "
يعني اللي ابي اقوله " مثل ما انتظرت . من رمضآن تقدر تنتظر البث في آمرك وياريت اي شخص قريب من الوزاره بالرياض يراجعهم ويجيب لنا الخبر اليقين " انا بشوف الخدمه المدنيه بجده بواسطه معرفة بشوف وش يقول لي " وان شاء الله اذا فيه خير زين نزلته لكم ...
الله يوفق الجميع .. ويكتب لنا الخيره فيما يختاره سبحانه عز وجل ..

يا قوم !

أرجوكم أحد اليوم راح وزارة التربية والتعليم و إلا الخدمه المدنية
أنا إداري ورحت اليوم وعطوني كشف طبي وسألتهم وش الأجراءات قالوا ماعندنا شي ولا نعرف شي !

أنا أسألكم أخواني اذا احد راح هل هنالك تعبئة رغبات للإداريين ؟!
وش إجراءات الإداريين بالضبط ؟!

وشكرا لكم

بلط البحر اذا في انتداب لأنك وظيفتك في مدرسه وعليك كرف حالك حال المدرس يعني حتي انتظار بيعطوك اشرايك. وخر بس

شباب الحين الوزارة مو معترفه فينا كل مانروح ديوان الخدمه و وزارة التربية
يقولون ماندري عنكم ؟!

وش السالفه ..؟!