السلام عليكم ورحمة الله وبركاته

ياقوم



أنا اليوم رحت وزارة التربية والتعليم وأول موظف سألته قال روح لشؤون التعليميه ورحت لها وكلمت المدير قال ماعندنا شي ؤوح لشؤون المعلمين رحت لهم قالوا لي ماعندنا شي ورح لشؤون الادارية .
ومسكت المدير وقلت له وش الحكاية ترى تعبتونا كل واحد يقول رح للقسم الفلاني انا ماني طالع من هنا الإ لما تتصل على وزير التربية وأكلمه الكلام الفاضي اللي يسويه فينا هذا ماله داعي إحنا مو هنود تطلع اسامينا ونجلس نتسلتح من ادارة في ادراه وفي الاخير مانلاقي احد يدري عن شي ..,


قال اجلس وروق وانا اقولك وش اللي صاير المهم جلس يتكلم بكلام طويل يقول انو الادارة والله ما أعطتنا اي معلومات عنكم احنا بس تجينا اوامر وننفذها ما عندنا اي شي بصراحه يقولي ما ادري ليش الوزارة ما أعطتنا اي معلومات الوزارة .... !
قالي بصراحه كلام خطير عن الوزارة و يعني بالمختصر يقول فيه تسيب في الادارة ومو راضي عن الوضع ..,

المهم سألته عن المراتب قال لي أعتقد ان جميع التخصصات على المرتبه السادسه وما احد تعين عندنا على المرتبه السابعه قلت انت وش تخصصك وعلى اي مرتبه متعين قال انا على المرتبه السادسه تعينت وتخصصي اعلام , قولت له انت مستحق المرتبه السادسه لان تخصصك نظري وانا أستحق المرتبه السابعه لان تخصصي عملي قال والله مادري !
المهم قولت له والله ياوزارة التربية والتعليم يبغى لها تربية أصلا ..,
وضحك وطلت .,

المهم رحت لديوان الخدمه بعد عناء شديد بصراحه المبنى شي يقرف ما تحس إنها دائره حكومية مادري وين تروح الميزانية .., المهم وانا رايح للموظف قابلنا واحد تخصصه لغة انجليزيه قافله معاه ويهم له يبكي قلت وش فيك قال ياخي من الصباح وانا هنا اول مادخلت على الموظف قال انت جتك رساله قولت ايوا قال جيب لي الرساله المهم الشريحه كانت بالبيت ورحت وجبتها وبعد ماجبتها قال والله مادري عن شي ...,
انا بصراحه انقهرت منه قول اوريك في الموظف وربي لأجننه المهم دخلت عليه وقلت له انا اداري و رحت للوزارة وقالوا لي روح لديوان الخدمه يفيدونك ..,
قالي والله ماعندنا شي واللي خلقك ماجانا شي وجلس يحلف لي قولت طيب ليش ما جاكم شي وش هالاستهتار تطلع اسامينا و في الاخير تقولوا ماندري عن شي وشو ذا شغل مبزره وش هالوزاراات اصبحت قرارات الملك لعبه في يد الوزارة قال لي وربي ديوان الخدمه وزارة التربية مادري وش هالانطمه عندهم وجلس يحلف لي انه مستاء من الوضع اللي حاصل لنا .
قلت المهم احنا تخصص علمي على اي مرتبه يعينونا قال انتم على المرتبه السابعه والنظري على السادسه قولت طيب وزارة التربية مجبره تعيينا على المرتبه هذي قال لي بالحرف الواحد وزارة التربية تعين على كيفها المهم انا رحت عن المدير ودخلت عنده وقالي والله ماجانا شي الى الان وماندري عنكم يمكن على العيد يمكن بعد اسبوع اصبروا ..,

المهم بعدها رحت افطرت على كبده و فلافل و فتحت النت و هديت لكم السالفه كلها
وهذي علومي وسلامتكم




بالتوفيق لكم

السلام عليكم ورحمة الله وبركاته
نفس كلام اخوي اللي فوق يقول اللي بالخدمه المدنيه الرغبات موجوده بجداره وانتظروا رساله منا تجون تدققون بياناتكم وتسوون الكشف الطبي
لكن الخبر اللي جابلي الضغط انه يقول ذي ترشيح مو يعني انك تبي تعين الحين
قلت له كيف هالكلام احنا مشمولين بالامر الملكي
قال واذا مشمولين يعني مومترشحين قلت طلع اسمي مع الدفعه الاخيره وقالي عادي رح نتطابق بياناتك ومو معناته انك موظف
الله لايوفقهم وين مايروحون

.
.
.


انا أداري

ورحت لديوان الخدمه بالمدينه

وعطوني كشف طبي وكتبوا على الكشف اداري

اما عطوك كشف طبي ...؟
انا اشك في هالكلام بس انت الي عطوك يعني ..

صح كلام اللي من المدينة .. انا اليوم رحت ديوان الخدمة في المدينة وشفت واحد معاه كشف طبي متعين اداري