ياشباب .. ياجماعة الخير ..
انا نزلت موضوع عن المطالبة بالمرتبة المستحقة .. ياريت تتفاعلون معاه .. صدقوني لها فايدتها .. وهذا اقل الايمان .. انك تشارك في المنتدى وتطالب بحقك لو بكلمتين ..
مجرد اخذ موقف من الموضوع افضل من عدم عمل اي شيء والنظر في المشاركات والاكتفاء بتعليقات مالها داعي ومامنها فايدة ولا تقدم ولا تأخر ..
او تعليقات محبطة او تقليل من المطالبة وبث الاحباط ..
حتى لو بس كلام نقوله مجرد اعتراض على المرتبة ولو كانت حتى في منتدى انا اشوفها مفيده في وجهة نظري .. خاصة ان المنتدى متابع من فئة كبيرة جدا من المهتمين ..
على الاقل لو نسوي موقف زي الجامعة العربية نشجب ونستنكر ...
لاااااااا للظلم .. نعم للمرتبة السابعة ..
يلا شباب شدوا حيلكم لو بس بكلمتين مجرد مشاركات .. ماحتأخذ من وقتك كثير وماحتخسر شيء لو تبين موقفك ومطالبتك ..
والله ولي التوفيق ،،،،،،

والله الحميدي مادرى عنكم ياشباب ....ويمكن نسى أساسا انه في حاجه اسمها دفعة 3500

اذا انتوا المتضررين ماطالبتم بحقكم .....تبون الحميدي يجلس يتابع مع وزارة المالية

يعني نقول السبت إن شاءالله يوقعها

يا شباب انا الحين جاي من وزارة التربية والتعليم وقابلت مساعد الحميد انا و ثلاثة شباب من الدفعة 3500 انا حاسب الى وهم اداريين المهم انا سئلتة متى راح يتم التوجية قال ان شاء الله السبت تابعو الموقع والاكيد انها راح تزل مساء يوم السبت هذا عن موضوع التوجية.. وسبب التا خير واضح لان الحميد في اجازة..

اما عن موضوع المرتبة قال راح تكون المرتبة السادسة وقال مافية جديد عن الخطاب الذي رفع الى المالية وسئلتة ممكن فية امل تتعدل قال احنا مستنين الرد منهم يعنى شكلها راح تتطول الله يكون في العون...





تحياتي لكم

ياشباب والله حرام
مظلومين في المرتبه المستحقه
ومظلومين في عدم دخولنا المجال التعليمي
ومظلومين في المسمى الوظيفي ( مسجل معلومات )!!!

يعني حاسب الي وخبرة عدة سنوات و مسمى وظيفي " محلل نظم ""

والحين راح يكون مسمى الوظيفية مسجل معلومات

يعني الوظيفة الجديده حقت الوزارة التربيه والتعليم الي بيدخلها . هل فيه تطوير للموظف
انه ينقل مثلا لوزارات اخرى ودوائر حكومية ؟
مثلا : يعني لو جاء اعلان بوزارة المالية ويريدون محلل نظم راح تكون خبرتي
اول سنوات العمل " محلل نظم "
وخبرة الوظيفه الجديدة : مسجل معلومات"

والله العظيم هبل واستهبال من وزارة التربيه . كيف اتطور وكيف اطمح لدرجات وظيفية اعلى ومراتب اعلى

هل سأكون حبيس درجات المراتب من درجه الى درجه كل سنه حتى اترقى للمرتبه التاليه؟

صراحه لا اعرف نظام الخدعه المدنية .
اذا احد يوضح لنا اكثر عن مستقبل هالوظيفة والتطوير للموظف
ومشكورين جميعا والله يوفق الجميع لمايحبه ويرضاه

شباب طالما الاسماء جاهزة في الاكسل و باقي التوقيع و تنزل في الموقع و قالوا انها على السادسة فما راح تتغير انا مدري انتم متى تستوعبون خلاص الارقام الوظيفية نازلة عالمرتبة السادسة ترا شغلة التعديل ماهي سهلة مثل منتم متصورين لكن فيه حل انا سمعت ان الحميدي قال للشباب اللي راحوله من الدفعة اللي قبلنا و كلموه بخصوص المرتبة يوم رفع خطاب للمالية ان فيه حل غير التعديل و هو اعطائنا راتب المرتبة المستحقة اللي هي السابعة الى ان تحل مشكلة المرتبة بس الشباب اصروا على تعديل المرتبة مع ان شغلت المسيرات سهلة و ما تحتاج غير خطاب للادارة المالية في الوزارة يعني مافيها هجولة و روحوا للوزارة الفلانية و من وزارة لوزارة الزبدة يا شباب اللي بيروحون الوزارة بخصوص المرتبة خلهم يناقشوا هذي النقطة اللي هي راتب المرتبة السابعة و لاحد يقولي مادي على الاقل اذا ما اخذنا حقنا في المرتبة ناخذ حقنا في الراتب و لا تنسوا ان بدل طبيعة العمل اللي هو بدل الحاسب للمرتبة السابعة 20 او 25 في المية و التعديل السنوي افضل و لا تنسون ان اغلب دفعتنا شتتوهم و بعدوهم عن الرغبة الاولى يعني ايجارات سكن و سفر للاهل يعني موضوع الراتب راح يفيدنا