شباب يرحم والدينكم أحد يعطني وجه ترا للحين مدري وش الأغراض ولا أدري وش السالفه

الحين وش المطلوب من الملابس وؤش المطلوب من الأوراق

وأنا انسان ما أعرف أحد من الجنوب كلها ؤوقت الدورهـ ممنوع الجوال وأخاف يمنعون ادخل البوك حقي يعني لأفلوس ولا جوال كيف بدبر أموري هناك

والوصف حق المركز وينه ترا دخلت بالرابط إلي نزله صاحبنا لاكن لحس مخي أتمنى أحد يصور لنا الكروكي أو يكتب لنا الوصف الصحيح والسهل ترا صاحبكم ملحس مخه مايفهم بسرعه

وان شالله أشوف خششكم متمددين بالميدان ههههههههههه

لبئ قلوبكم نفر نفر والله يسهل على الجميع أن شالله

"الأمن العام" يعلن أسماء المقبولين لـ "رتبة جندي"


عبدالله البرقاوي – سبق – الرياض: أعلنت مديرية الأمن العام ممثلة في شؤون التدريب بإدارة القبول والتسجيل، النتيجة النهائية لأرقام المقبولين للدورة التأهيلية الخاصة رقم (10) في قطاع الأمن العام لرتبة (جندي)، لحملة شهادة الثانوية العامة، التي ستعقد بمشيئة الله بمركز التدريب بقوات الطوارئ الخاصة بمنطقة عسير ابتداء من يوم الاثنين الموافق 1/ 2/ 1433هـ الساعة السابعة صباحاً.

وأكدت المديرية أن الحضور سيكون الساعة السابعة صباحاً من يوم الاثنين الموافق 1/ 2/ 1433هـ أمام بوابة مركز التدريب بقوات الطوارئ الخاصة بمنطقة عسير، مشيرة إلى أن من يتخلف عن التحضير يتم التعويض عنه من الاحتياط.

وشددت مديرية الأمن العام على ضرورة إحضار المقبولين للطلبات اللازمة للدورة، والمتمثلة في ما يلي:
1- ملابس رياضية: فنيلة لون أبيض وبنطلون كحلي عدد (2) + جزمة رياضية بيضاء اللون.
2- الأغراض الشخصية من ملابس داخلية وخلافه، مع حقيبة جلدية قابلة للطي.
3- ملف علاقي أخضر يحتوي على 3 صور للشهادة الدراسية، وعدد 5 صور من بطاقة الأحوال المدنية مكبرة،

وعدد 4 صور شمسية بالزي الرياضي.
4- نموذج برقم الحساب البنكي مصدق عليه من أحد البنوك (ساري المفعول).
5- حلاقة الرأس رقم (1).
6- يمنع منعاً باتاً إحضار أجهزة الجوال.
7- بيجامة نوم لون سماوي عدد (2).

وفيما يلي أرقام المقبولين لحملة شهادة الثانوية العامة لرتبة (جندي) بدورة دوريات أمن وحراسة المنشآت الدبلوماسية التأهيلية الخاصة رقم (10) المنعقدة بمركز التدريب بقوات الطوارئ الخاصة بمنطقة عسير اعتباراً من 1-2-1433هـ:

الصحف التي اعلنت الخبر


http://sabq.org/sabq/user/news.do?section=5&id=34966

http://*******.com/news-action-show-id-31425.htm

http://www.******.com/inf/news.php?action=show&id=31555


رؤية موقع المركز من الاعلى

http://maps.google.com.sa/

حط في المربع هذا

18°19'25"N 42°33'10"E

راح يطلع لك سهم اخضر هذا موقع المركز

معلومات عن عسير .

منطقة عسير إحدى المناطق الإدارية بالمملكة العربية السعودية وتقع في الجزء الجنوبي الغربي من البلاد ومقر الإمارة فيها هي مدينة أبها ويتولى إمارة المنطقة فيها صاحب السمو الملكي الأمير فيصل بن خالد بن عبد العزيز آل سعود، تبلغ المساحة الجغرافية لمنطقة عسير 81,000 كم² بعدد سكاني 1,913,392 نسمة 83% سعوديون. تتصل منطقة عسير بحدود صغيرة مع اليمن جنوبياً كحدود دولية، وتشتهر المنطقة عسير بالطبيعية الجغرافية الوعرة والمتنوعة. وكما تعرف مدن كبرى منها مدينة أبها العاصمة الإدارية للمنطقة، إمارة خميس مشيط والتي تعتبر مدينة تجارية هامة.
تقع منطقة عسير في وسط الجزء الجنوبي الغربي للمملكة بين خطى عرض 17.25 و 19.50 شمالاً. وخطى طول 50,00 و 41,50 شرقاً وتقدر مساحة المنطقة بنحو (81,000) كيلو متراً مربعاً. وتمتد منطقة عسير من حدود الدرب والشقيق وبيش (منطقة جازان) في الجنوب الغربي إلى حدود اليمن في الجنوب الشرقي. ومن حدود وادي الدواسر (منطقة الرياض) في الشمال إلى رنيه(منطقة مكة المكرمة) إلى غامد وزهران (منطقة الباحة) إلى منطقة مكة المكرمة في السهل الساحلي التابع للقنفذة.كما تحدها من الشرق إمارة منطقة نجران. ومن الغرب محافظة القنفذة وجزء من ساحل البحر الأحمر ومن الجنوب محافظة المخواة.


المناخ


جبال من منطقة عسير


لا تختلف الظروف المناخية في المنطقة طبقاً للوحدات الجغرافية والخصائص الطوبغرافية المختلفة، وذلك على النحو التالي: أولاً: سلسلة جبال السروات يتسم المناخ بالاعتدال والثبات بعيداً عن التقلبات الموسمية واليومية، ومتوسط السنوي لدرجات الحرارة من 18 إلى 20 درجة مئوية وتهطل الأمطار على مدار السنة، وفي فصلي الربيع والصيف يزيد معدل سقوطها السنوي إلى 200 ملم، وبلغ 500 ملم في بعض المرتفعات والمنحدرات الغربية، وفي فصل الشتاء تكون الحرارة منخفضة جده لدرجة نزول الثلوج على الجبال والمناطق العاليه مثل ابها والسوده والنماص وغيرها من المناطق وقد تنخفض الحراره إلى 5 تحت الصفر أو اقل إلى 10تحت الصفر وترتفع الرطوبة النسبية خلال أشهر ديسمبر، ويناير، وفبراير، لتصل إلى حوالي 85%، أما في شهر مارس، وأبريل، ونوفمبر، فتصل الرطوبة من 60% إلى 70%. ثانياً: الهضبة الشرقية ترتفع درجة الحرارة عن سلسلة جبال السروات مع تفاوت في درجة الحرارة للارتفاع أو البعد والقرب من سلسلة جبال السروات، ويتراوح المتوسط السنوي لدرجة الحرارة من 20 إلى 24 درجة مئوية، أما الأمطار صيفية غالباً ويتراوح متوسطها السنوي من 120 إلى 350 ملم.
ثالثاً: تهامة قحطان وعسير يتميز المناخ فيها بشدة درجة الحرارة صيفاً والميل إلى الاعتدال نسبياً في الشتاء، وتقل درجة الحرارة في المنحدرات الغربية، والمتوسط السنوي لدرجة الحرارة من 36إلى 28 درجة مئوية، أما الأمطار فتهطل في موسم الصيف بمتوسط 300 ملم، وترتفع معدلات الرطوبة النسبية لموقعها على الساحل، كما تتعرض للعواصف الرملية في بعض أوقات السنة.


ابها

وهي حاضرة عسير (القبيلة) وعاصمة المنطقة الإدارية, وأهم مدنها، تأسرك بجمالها الأخاذ بشغاف القلوب وبجوها الثلجي البارد يحيطها الضباب ويبلل معطفها المطر في الأرض، وهي أيضا مدينة تاريخية عريقة



والي حاب يتعمقع في المعلومات عن عسير شوف الرابط هذا


http://ar.wikipedia.org/wiki/%D9%85%D9%86%D8%B7%D9%82
%D8%A9_%D8%B9%D8%B3%D9%8A%D8%B1


اغراض الدوره ...


الاغراض :
4 بناطيل كحلي - 4 فناين بيضاء رياضية
درزن شرابات - درزن سراويل داخليه قطن
4 فناين داخليه - بجامه كحلي
2 كاب ابيض ( قبوع ) - جزمتين ( وحده اصليه شريتها بـ 180 ) و الثانيه رخيصه بـ 45
زنوبتين - شنطه رياضيه
2 عطر - 2 مزيل لرائحة العرق
6 صابون - شامبو
بودره - منشفه كبيره
فرشه ومعجون - مناديل
7 امواس حلاقه - 1 مكينه حلاقه
ديتول - فازلين - علبه بنادول اكسترا - مضاد حيوي- 2
مرهم للعضلات - 2 مرهم للتسلخات ( الحفا ) - قفل اصلي

صور من الشهاده و وصور من البطاقه وصور شخصيه كاشف الراس بـ زي رياضي

بداية 45 يوم ......


قابلت الشباب اللي تعرفت عليهم عن طريق المنتدى ..
و دردشه وسوالف الين الساعه 7 .. ونادو علينا عشان نشكل قدام البوابه ..
نصف في طوابير جنب بعض .. وبدو ينادو على اسمائنا .. وسجلو الغياب
ونبقى واقفين متصلبين .. و اللي لابس قبوع ينزله .. تقريبا 45 دقيقه

وبعدها بدا التفتيش .. ينفضون الشنطه فوق تحت و تفتيش شخصي
اللي خلص يدخل ويتوجه على الميدان
شيل شنطتك على راسك وهروله لفتين على الميدان ( والمدربين يصيحون عليك هرول اسرع )

بعدها صفين طوابير جنب بعض .. وجانا قائد المركز .. المقدم سليم الهذلي ..
رحب فينا .. وعرفنا على المدربين .. وتكلم شوي عن الدوره ..
و اكد علينا ان فترة الاستجداد مدتها 30 يوم بس و ان هذا من حسن حظنا ..
وتكلم عن الانضباط و و و وكلام كثير ما ندري وش قال من ضربه الشمس و التعب

وبعدها بدو يشكلونا مجموعات ( فصايل ) ..
كل 40 شخص ( تقريبا ) يكوونو فصيل واحد ..
وجلسونا في الشمس على الازفلت تقريبا 45 دقيقه ..
كان في المركز وقتها دوره الامن الدبلوماسي رقم 6 .. باقي لهم شهرين وتنتهي دورتهم
ما قصرو والله ..كانو يشترون قوارير مويه من البوفيه و يرموها لنا .. والمدربين يصيحو عليهم

بعدها وجهوونا على السكن الخاص فينا .. كل واحد حجز سرير و حط شنطته تحت سريره ..
وصرفونا بعدها للبوفيه

( البوفيه ) هي مجرد بقاله .. فيها مويه وعصير وبسكوت وشيبس وكيك وامواس حلاقه وشامبو صغير وبعض الاوقات فيها شاي وحليب بس

نص ساعه او اقل .. وبعدها نتجهز لـ صلاة الضهر .. توضينا و صلينا في الميدان على الازفلت ( اذا ما خانتني الذاكره ) ..
وبعدها صرفونا على الميز .. تغدينا .. رز و لحم .. و بعدها صرفونا على السكن .. ممنوع النوم .. او الجلوس على الاسره .. نجلس على الارض .. ريحنا الى العصر .. صلينا

في الصاله او الميدان .. وبعدها اظن تصليبه 45 دقيقه .. و صرفونا على البوفيه .. ورجعونا نجلس في الميدان .. وبعدها نتجهز لـ صلاة المغرب .. صلينا المغرب في

الميدان على فرشتين ما كفتنا .. و بعدها توجهنا للميز .. تعشينا .. ونطلع على البوفيه نص ساعه .. ونتجهز لصلاة العشاء .. برضو صلينا في الميدان ..

( الميز ) الوجبات مكرره ..
الفطور : بيضه وملعقه (عدس او فول) و 8 حبات زيتون اسود و(مكعبين جبنه بيضاء او حبتين جبنه مثلثات) وعلبة (عسل صغيره او حلاوه طحينه او مربى) و كوب حليب او شاي و

خبز .. ويقعدو يشكلونها لك وكل يوم ينقصو شي او يزيدو شي ..
الغداء : رز + ( لحم او ربع دجاجه او شريحة سمك فيليه مقليه ) + ملعقه ( ايدام او ملوخية ) + سلطة خضروات مشكله ( طماطم و جزر وخيار و ملفوف و بقدونس ) و ((

احيانا ً ملعقة شطة)) + حبة فواكة ( برتقاله او موزه او تفاحه + عصير ( برتقال او مشكل او ببسي او سفن )
العشاء : (( رز ولحم او دجاج )) او مكرونه + ايدام ( دجاج مع بطاطس او بطاطس مع لحم مفروم" ما ينفع بريال الله يديم النعمه " او ايدام دجاج ) + ملعقة شوربه + ملعقة

سلطة + موزه او تفاحه + عصير برتقال او مشكل


بعدها تصليبه 45 دقيقه .. و جلسونا بعدها .. بقينا تقريبا الى الساعه 9 ونص .. وصرفونا على السكن نوم



احتمال كبير من اليوم الاول او الثاني .. يبدأون اختيار ضباط الصف منكم
يختارون عريف و رقيب فصيل لكل فصيل .. مهمتهم حفظ النظام و تلقي الاوامر وتوجيهها للفصيل
و يختارون رقيب الدوره .. رقيب لكل الدوره .. وفي اغلب الاوقات اللي راح يختاروهم في البدايه راح يغيروهم بعد اسبوع او اسبوعين ..
ويختارون بعد :

الكاتب : هذا عايش اقوى ايامه في الدوره .. مهمته تسجيل التكميل اليومي .. كتابه المحاضر .. ادخال البيانات .. يقدر خلال الـ 45 يسحب على نص الحصص ما يحضرها ..

وبعد الـ 45 يقدر يسحب عليها كلها ..

عريف الصحه: وهذا مهمته تلقي طلبات الخروج للعياده من الافراد .. ويسجل اوراقهم ويقدمها للرقيب المناوب .. ( وبالنسبه لنا .. ماعندنا عياده في المركز زي الامن

العام .. فـ يطلع اللي طالبين عياده في اسعاف خاص بالمركز .. ويوديهم على مستشفى قوى الامن في العزيزيه في مكه او مستشفى الملك فيصل بالششه .. فـ يطلع معهم العريف

ويبقى معهم الين ما يخلصون .. يعني بيكون اكثر واحد طلع من المركز ) وغالبا ً ما يحضر نص الحصص ..

عريف الخفارات : وهذا مهمته ترتيب و وتوزيع الخفارات على الفصايل و الافراد و توزيعهم على مواقع خفاراتهم .. ومتابعه الخفارات ويشوف من انسحب ومن يجي وقت خفارته و

عيا يصحى .. طبعا يصير وجهه يجيب الهم من تشوف تتذكر الخفاره .. و ما يناديك الا وانت تلعن وتسب فيه .. تظن انه يبيك تمسك خفاراه .. الا اذا زبطت وضعك معه .. ويصير

يلغي الخفاره اللي عليك و ينقز للأسم اللي بعد اسمك((مده الخفاره ساعتين))

طبعا ً اذا كان عدد الدوره كبير .. راح يزيد عدد صف الضباط .. عريف الصحه يصير له مساعد .. والكاتب يصير له مساعد

المميزات اللي يكسبها صف الضباط ..
قرب من المناوبين .. وتوثيق علاقات تفيده كثير فيما بعد .. ما يتجازا مع العموم اذا تجازت الدورها كلها .. ما يتجازا قدام الافراد .. يا اما يتجاز مع صف ضباط او

يتجازا لحاله .. و اصلا نادرا جدا انه يتجازا صف ضابطً .. ما يمسك خفارات .. لهم سكن خاص لهم يمديه ينسحب و يرقد فيه .. لهم طاوله في الميز خاصه لهم .. و مميزات

ثانيه راح يعرفوها مع الوقت ..




بدايه كل يوم في الدوره

راح يكون عندك برنامج ثابت ( نادر جدا ً يتغير )

الساعه 3:30 او 3:45 .. يجيك المناوب يصحيك ..
تقوم تغسل و جهك و تتوضى للفجر .. وتروح البوفيه تاخذ لك كوب حليب وبسكوت نص ساعه
بعدها ( تشكّل ) وتتوجه للمسجد
تصلي الفجر ..
تنزل للميدان .. تشكّل وياخذون التكميل ( الغياب لو فيه )
وتاخذون الحصه الاولى .. مشي لفه او لفتين و هروله لفتين على الميدان و تمارين اطاله ..
الساعه 7 تقريبا ً( تشكّلون ) و انصراف للميز فطور ( ما تغسل ايدك ) .. وانصراف على البوفيه ربع ساعه او اقل
الساعه 8 تقريبا .. تنزل الحصه الثانيه ( حصتين ورا بعض ) يعلموك المشاه و الاستعداد و الاستراحه و الدورانات ( الدوران لليمين و اليسار و الخلف )
الساعه 10 تقريبا ( تشكلون ) و تنصرفون على البوفيه .. راحه لمدة ساعه تقريبا .. وبعدها ( تشكل ) و تنصرف تتوضى لصلاة الضهر .. بعدها ( تشكل ) و تنصرف للمسجد ..
تصلي .. وتطلع من المسجد ( تشكّل ) وتنصرف للميز تتغدا .. بعدها ( تشكل ) وتنصرف للصاله الرياضيه تريح الين الساعه 3 .. بعدها تطلع تتجهز لصلاة العصر .. و ( تشكل )
و تنصرف للمسجد تصلي العصر .. بعدها ( تشكل ) وتنصرف للبوفيه الى الساعه 5 العصر .. وبعدها ( تشكل ) وتتوجه للميدان للحصه الثالثه ( احلى حصه ) تمارين سويديه
وتمارين اطاله العضلات .. وبعدها ( تشكل ) وتنصرف من الميدان للساحه امام البوفيه .. و ( تشكل ) وتنصرف للبوفيه .. وبعدها ( تشكل ) و تتجهز لصلاة المغرب .. و (
تشكل ) و تتوجه للمسجد ..
بعد الصلاه ( تشكل ) وتنصرف على الميز تتعشى .. وتنصرف تغسل و البوفيه و تتوضى لصلاة العشاء ..
و ( تشكل ) و تتوجه للمسجد .. تصلي و تطلع ( تشكل ) و داخليه ( تصليبه ) 45 دقيقه .. وبعدها (( اعمال اداريه " انقريه " )) .. وبعدها ( تشكل ) و تنصرف على السكن للنوم

اكثر حاجه راح تسوونها .. التشكيل .. تطفش من كثر ما تشكل

( داخلية )
او التصليبه .. يوقف الفرد او الفصيل ثابت في وضع استعداد بدون اي حركه ..
الحركه المسموحه لك .. تحرك اصابيع رجولك داخل البوت ( الجزمه ) عشان لا يوقف الدم و تجيك دوخه

( الاعمال الاداريه) ( انقريه ) :
تنظيف الميدان و الساحات المقابله للبوفيه و المركز كامل .. تلقط علب العصير و الكراتين و الاكياس .. او تشيل اللي يطلبوه منك لما يحتاجون في التموين نقل اشياء

مكاتب او كراسي او دواليب او اسرة نوم او اي شي يبي ينقولنه .. ياخذوكم تشيلونه

( السكن ) ( البركس ) :
المكان المخصص للنوم .. اسرة نوم دورين للفصيل كامل .. على العاده يكون فيه دواليب للأغراض .. كل اثنين يشتركون بدولاب واحد

(الصاله الرياضيه ) :
صاله مخصصه لتدريب الدورات التخصصيه ( جودو و كاراتيه و كونغ فو ) ..
على العاده تكون صاله كبيره ارضيتها مفروشه مشمّع مكيفه .. تنصصرف لها للراحه في الظهر خلال الـ 45 ..

طبعا ً هذا برنامجك من السبت الى الاربعاء خلال الـ 45

اما الخميس و الجمعه .. نفس البرنامج .. بس بدون حصص ..
يعني ماعندك الا تشكيل و صلاه و ميز و بوفيه و اعمال اداريه و داخليات و هي الفرصه الوحيده المسموح لك فيها انك تتروش وتاخذ راحتك في الدش ..
وراح تطفش فيها .. وتحس ان اليوم طوووووووييييل

( الزياره ) :
من ثالث اسبوع في الدوره .. كل يوم الخميس مسموح الزياره من بعد صلاة العصر الى قبل المغرب..
من بعد الفطور او الغداء يصرفوكم على السكن .. مدة ساعتين او ثلاث ..
تريحون و تتروشون .. واللي ما يبدل ملابسه الوسخه ما يطلعوه زياره ههههههه
لازم تكون نظيف .. ومافي على ملامحك اثار تعب او ارهاق .. ويشوفوك اهلك بهالمنظر ..
و الزياره مسموحه شبابيه او عائليه .. مدتها تقريبا ً من ساعه الى ساعتين ( على حسب مزاج ضابط خفر )
بالنسبه للمركز عندنا .. ممكن يزوروك اهلك ( العائله ) يجلسون في المواقف الخارجيه ويخلوك تطلع لهم
و الشباب يدخلون المركز و يجلسون في الميدان او الساحات الداخليه ..
طبعا اللي بيجيك يجيب معه بساط تجلسون عليه .. و مسموح يجيب لك اللي نفسك فيه من اكل وشرب واحتياجات شخصيه .. وفرصه حلووووه انه يدخل لك جوال و شاحن او دخان وانت

تخبيه في الميدان وترجع تاخذه في وقت ثاني ( في الليل مثلا )
(( فيه ناس عندنا جابو مفطحات وقت الزياره .. ما تشوف الا التباسي داخله ههههههههههههههه ))
بعد الزياره تشكيل وتفتيش شخصي .. وعلى حسب مزاج المناوبين .. منهم اللي يمنع حتى البسكوت انك تاخذه بعد الزياره .
بعدها انصراف تتوضى وتصلي المغرب .. ويستمر البرنامج ..

من الاسبوع الرابع .. تبدا الحرب النفسيه من المدربين و المناوبين .. اللي يقولك بعد يومين الخروج و اللي يقولك بعد اسبوع .. و تجيك الاشاعات من كل صوب .. ان

صدقتهم فـ الله يعينك .. بتضيق عليك الدنيا على وسعها .. وبتنفس ..

لا تصدق لا جندي ولا عريف ولا رقيب ولا الضباط ولا حتى قايد المركز نفسه ..
لا تصدق انك بتطلع .. الا لمن تتعدى بوابة المركز بـ 10 متر
احتمال كبير .. يقولك خروج .. واحمل متاعك .. وتوصل الين البوابه .. ويقولك (( قف ))..( للوراء در )رجعك متاعك للسكن و انزل الميدان .. يخلون نفسيتك تقفل


الموضوع منقول ومجمعه من كل محل..

يا الذيابه حطو في بالكم الجو هناك برد زبط وضعك في الملابس الشتويه

بي اختصار الواجهه حقتك راح تكون على ابها ومن هناك اقرب كداد تقول

له ودني مركز طوارى عسير نصحيه نام عند المركز ولاتتاخر عن موعدك

هذا مستقبلك ولاحد بينفعك

وهذي صور المركز اتمنى اني افدت الجميع

[align=center]
يا شباب الفنايل ضروري تكون الرقبة سبعة ماتكون خناق
[/align]

شباب فيه عندهم امانات يعني لو معي جوال او شي ثاني يحطونه عندهم حتي اخلص خمسه وربعين يوم
اخذه وثياب والكوت اقدر ادخله معي الدورة ثوب والكوت في الشنطه..؟ السجن لي السجن فيه امانات
افيدوني

اما الثوب ؟؟

بالنسبه للكوت اعتقد عادي وانا اول حاجه اشتريتها الكوت
عادي حطه في الشنطه طال عمرك