11-11-2011, 05:30 PM
|
 |
عضو سوبر
|
|
تاريخ التسجيل: Aug 2009
المشاركات: 480
معدل تقييم المستوى: 10585
|
|
اقتباس:
المشاركة الأصلية كتبت بواسطة السوويدي
السلام عليكم ورحمة الله وبركاته
.. كل عام وانتم بخير
كيفكم يا وحوش .. ادري منفسين و منتظرين النتايج على احر من الجمر
لكن تطمنو كلكم راح تطلع ارقامكم ان شاء الله
انا وعدتكم اني اكتب كل شي بالتفصيل الممل في موضوع مستقل
و انا عند وعدي .. بس ما اكتمل الموضوع ..
لكن حاب اسليكم بـ الجزء اللي من قبل طلوع الارقام الى قبل نهاية الـ 45 ..
وبكره او بعده بالكثير انزل الموضوع كامل ومستقل من اول يوم تقديم الى ساعه كتابه الموضوع ان شاء الله
هذا الجزء من وقت انتظار طلوع الارقام :
ومع النفسيه و القلق و الانتظار على احر من الجمر
طلعت النتائج في يوم 7/15 وكااااااااااانت المفاجأه ..
دورتي اللي كانت المفروض رقم 8 وعدد افرادها 400 .. قسموها دورتين
دوره 8 بالرياض ( السلي ) وعدد الافراد 250 ..
و دوره 9 بـ مكه ( المغمس ) وعدد الافراد 150
وقتها انا بالجنوب وماعندي نت .. اتصل علي وبشرني ( شقى العتيبي ) اخ و عضو بالمنتدى وزميل بالدوره
ما صدقت ان الدوره بـ مكه الين ما تأكدت بنفسي ..
ما تتخيلون كبر فرحتي .. الحمد لله طلع رقمي
و الدوره بعد في مكه قريبه من اهلي وبيتي .. ياااااارب لك الحمد و الشكر
و بدينا مرحله التجهيز للدوره ..
نظامي كان :
من العصر للمغرب .. في الصاله الرياضيه
من المغرب الى الساعه 9 : في السوق اكمل الاغراض اللي ناقصتني
من الساعه 10 الى 12 مشي و هروله في الممشى اللي بالسليمانيه في جده
عشان ارفع مستوى اللياقه شوي
الاغراض اللي اشتريتها :
4 بناطيل كحلي - 4 فناين بيضاء رياضية
درزن شرابات - درزن سراويل داخليه قطن
4 فناين داخليه - بجامه كحلي
2 كاب ابيض ( قبوع ) - جزمتين ( وحده اصليه شريتها بـ 180 ) و الثانيه رخيصه بـ 45
زنوبتين - شنطه رياضيه
2 عطر - 2 مزيل لرائحة العرق
6 صابون - شامبو
بودره - منشفه كبيره
فرشه ومعجون - مناديل
7 امواس حلاقه - 1 مكينه حلاقه
ديتول - فازلين - علبه بنادول اكسترا - مضاد حيوي- 2
مرهم للعضلات - 2 مرهم للتسلخات ( الحفا ) - قفل اصلي
وطبعا ً ..
صور من الشهاده و وصور من البطاقه وصور شخصيه كاشف الراس بـ زي رياضي
و في انتظار يوم 8/1
في يوم 8/1 .. الساعه 5 ونص وانا عند المركز التخصصي بالمغمس ..
قابلت الشباب اللي تعرفت عليهم عن طريق المنتدى ..
و دردشه وسوالف الين الساعه 7 .. ونادو علينا عشان نشكل قدام البوابه ..
نصف في طوابير جنب بعض .. وبدو ينادو على اسمائنا .. وسجلو الغياب
ونبقى واقفين متصلبين .. و اللي لابس قبوع ينزله .. تقريبا 45 دقيقه
وبعدها بدا التفتيش .. ينفضون الشنطه فوق تحت و تفتيش شخصي
اللي خلص يدخل ويتوجه على الميدان
شيل شنطتك على راسك وهروله لفتين على الميدان ( والمدربين يصيحون عليك هرول اسرع )
بعدها صفين طوابير جنب بعض .. وجانا قائد المركز .. المقدم سليم الهذلي ..
رحب فينا .. وعرفنا على المدربين .. وتكلم شوي عن الدوره ..
و اكد علينا ان فترة الاستجداد مدتها 30 يوم بس و ان هذا من حسن حظنا ..
وتكلم عن الانضباط و و و وكلام كثير ما ندري وش قال من ضربه الشمس و التعب
وبعدها بدو يشكلونا مجموعات ( فصايل ) ..
كل 40 شخص ( تقريبا ) يكوونو فصيل واحد ..
وجلسونا في الشمس على الازفلت تقريبا 45 دقيقه ..
كان في المركز وقتها دوره الامن الدبلوماسي رقم 6 .. باقي لهم شهرين وتنتهي دورتهم
ما قصرو والله ..كانو يشترون قوارير مويه من البوفيه و يرموها لنا .. والمدربين يصيحو عليهم
بعدها وجهوونا على السكن الخاص فينا .. كل واحد حجز سرير و حط شنطته تحت سريره ..
وصرفونا بعدها للبوفيه
( البوفيه ) هي مجرد بقاله .. فيها مويه وعصير وبسكوت وشيبس وكيك وامواس حلاقه وشامبو صغير وبعض الاوقات فيها شاي وحليب بس
نص ساعه او اقل .. وبعدها نتجهز لـ صلاة الضهر .. توضينا و صلينا في الميدان على الازفلت ( اذا ما خانتني الذاكره ) ..
وبعدها صرفونا على الميز .. تغدينا .. رز و لحم .. و بعدها صرفونا على السكن .. ممنوع النوم .. او الجلوس على الاسره .. نجلس على الارض .. ريحنا الى العصر .. صلينا
في الصاله او الميدان .. وبعدها اظن تصليبه 45 دقيقه .. و صرفونا على البوفيه .. ورجعونا نجلس في الميدان .. وبعدها نتجهز لـ صلاة المغرب .. صلينا المغرب في
الميدان على فرشتين ما كفتنا .. و بعدها توجهنا للميز .. تعشينا .. ونطلع على البوفيه نص ساعه .. ونتجهز لصلاة العشاء .. برضو صلينا في الميدان ..
( الميز ) الوجبات مكرره ..
الفطور : بيضه وملعقه (عدس او فول) و 8 حبات زيتون اسود و(مكعبين جبنه بيضاء او حبتين جبنه مثلثات) وعلبة (عسل صغيره او حلاوه طحينه او مربى) و كوب حليب او شاي و
خبز .. ويقعدو يشكلونها لك وكل يوم ينقصو شي او يزيدو شي ..
الغداء : رز + ( لحم او ربع دجاجه او شريحة سمك فيليه مقليه ) + ملعقه ( ايدام او ملوخية ) + سلطة خضروات مشكله ( طماطم و جزر وخيار و ملفوف و بقدونس ) و ((
احيانا ً ملعقة شطة)) + حبة فواكة ( برتقاله او موزه او تفاحه + عصير ( برتقال او مشكل او ببسي او سفن )
العشاء : (( رز ولحم او دجاج )) او مكرونه + ايدام ( دجاج مع بطاطس او بطاطس مع لحم مفروم" ما ينفع بريال الله يديم النعمه " او ايدام دجاج ) + ملعقة شوربه + ملعقة
سلطة + موزه او تفاحه + عصير برتقال او مشكل
بعدها تصليبه 45 دقيقه .. و جلسونا بعدها .. بقينا تقريبا الى الساعه 9 ونص .. وصرفونا على السكن نوم
|
هلا والله
برفيق الدرب
وحبيب القلب
ماشاء الله
عليك ياعبودي
والله ماقصرت كفيت ووفيت
جزاك الله كل خير
|
العرض العادي
