بسم الله والصلاه على رسول الله / مالقيت غير هالقسم أكتب فيه معاناتي ..

قبل سنتين تقريبا سجلت في معهد قطاع خاص تدريب منتهي بالتوظيف والامور كلها كانت ماشيه عال العال

بعد مادخلت هالمعهد اللي منكد علي في حياتي وحارمني من كل شي للوقت هذا . تركت المعهد لـ اسباب عائليه خاصه جدا وتم فصلي من المعهد ، يوم رحت لهم على امل اني ارجع او اخذ شهادتي وارجع اشوف لي اي حل ثاني . قالو لازم تدفع كل المكافات اللي أخذتها من أول ماسجلت الى هالوقت ، وطلع علي مبلغ مدري من وين جابوه حسبي الله ونعم الوكيل / حاولت باللتي هي احسن مافيه فايده / وللحين حاجزين الشهاده الثانويه الااساس الاصليه يعني ، واسمي له سنه معلق في التامينات الاجتماعيه ومن زود النذاله اللي فيهم حاطين الحاله فعال !!! وأنقبلت في وظائف عده في شركات كبيره وزينه لكن كل مارحت محل قالو انت مدعوم من الموارد البشريه واسمك في التامينات !؟
حاولت رحت وجيت ولا فيه أمل . النفسيه صارت زفت وكل شي تقفل في وجهي ، الا أملي في ربي سبحانه انه يفرج همي وهم الكثير غيري . ولعل وعسى اللي يعرف لي حل او طريقه يفيدني فيها : ياليت يقولها لي وله الاجر / وماكتبت هالشي الا من زود الضيقه اللي فيني واللي هو في نظري شي بسيط لمشاكل نإس غيري وأصعب من حالتي لكن الله كريم .

قال عز وجل في كتابه الكريم ( إنما أمره إذا أراد شيء أن يقول له كن فيكون )
صدق الله العظيم .

اسئل الله لي ولك التوفيق

واتمنى ياتي من يفيدك ليس عند علم

اخي العزيز

الله يسر ربي امرك

جزانا الله وإياكم خير الجزاء

دعائكم هو خير وسيله للبهجه والتفائل خيرا

شاكر مروركم ..

الله يوفقك يارب

الدنيا يبيلها صبر وان شاءالله يحقق اللي في بالك
دعواتك لي

لاحول ولاقوة الا بالله
طيب حاول معهم بالتي هي أحسن
واذا لابد روح لديوان المظالم وقدم شكوى وبإذن الله تتسهل أمورك
على فكرة ديوان المظالم كل الأمور فيه بساطة ولازحام ولا إجراءات معقدة
جرب روح لهم
ربي يوفقك

ام نواف الله يصبرنا واياك يارب لاهنتي على التواجد ..

أبو عبدالله حياك منور أخوي / اذا كان وزاره العمل وصندوق الموارد البشريه طلع نفسه من هالسالفه

مع انه ب امكانه يسوي هالشي خصوصاً ان المعهد ما ارسل ولا فاتوره او اي شي يخصني للصندوق !!

ما اعتقد ديوان المظالم راح تسوي شي لكن الامل موجود : وسمعه هالمعهد اللي أصحابه من اللي له أسم معروف في السوق يعني وضع المجاملات والوجاهات شغال ومن الناس اللي يفيد البلد في شغلات كثيره وله اسمه يعني كل شي بينصب في صالحه / لكن أملي في ربي كبير ولا راح أفقد هالشي وهو اللي مصبرني

وشاكر لك هالتواجد اخوي الغالي ..

هلا بك أخوي الرأي العام
الشهاده لو ابي أطلع خمسه بسيطه إن شاء الله
لكن الله محيرني ويخلي المخ يتلخبط ان أسمي اذا سويت استعلام في التامينات يطلع لي ( انت مسجل في التامينات ولا تعمل )
اما صندوق الموارد البشريه اذا سويت إستعلام عن الحاله يطلع لي ( فعــإل )
يعني معلقين الاسم ولا فيه اي معلومات ثانيه ..

لكن على كلامك الجميل اللي يسعد الخاطر : أهم شي ان الواحد يعرف ان الله قادر على كل شي

( وعسى أن تكرهوا شيئاً وهو خيراً لكم )

أسعدني مرورك العذب .. أستغفر الله العظيم وأتوب اليه

قدم شكوى لمكتب العمل والامر بسيط ,,,وفي التامينات ايضا.