رفع للاهميه

ينقل للقسم المناسب

وعليكم السلام ورحمه الله وبركاته :

بالنسبه لي راح أفيدك عن شركه زين وماأدراك ما شين ؟؟؟؟؟ حكم أني اشتغلت بالكول سنتر بالدمام

أولا الاداراه للكول سنتر بجده أو باالدمام أردنيه يعني شغل عائله المنسف الاردني موجوده وتخرب جوك

اذا مروقين طقطقواعلى رأسك وأذا متخرب مزاجهم يرد السلام من خشمه الرياض الله وأعلم والله ثم والله أني أشتغلت بزين

من قبل ماتفتح الشركه أيام التدريب يعني من 1/3/2008 الى 20/8/2010 يوم أستقالتي وقسم بالله أني ما أرتحت يوم واحد طبعا المدير كان أردني ؟؟؟ ونقل لجده وجابوا اردني للدمام عشان متزوج الاخ وساكن بالبحرين وكل يوم دوام من البحرين للدمام والعكس وتكون المسافه أقرب طبعا ,الكول سنتر ممثل خدمه عملاء
الدمام - الرياض - جده كلهم كونتراكنت يعني مو رسميين بزين تشغيل عن طريق الحلول الممتازه أو شركه رواسي النظم ؟؟؟ وأغسل يدك يكون ترسيم سمعنا الكلام من بدايه التدريب الى استقالتي وكله كذب بكذب . طبعا عندك واحد بالدمام سوبر فايزر أردني أسمه هاني الله لايهنيئه عيشته يارب ؟؟ أنا جتني أصابه عمل من السماعه بالاذن اليسرى طنين ونقص سمع سبب لي دوخه من شهر 10-2009 الى الان وأنا أتعالج من الاصابه ولا حسبوا لي اصابه عمل في غيرك طبعا ,اجتمع فيني وائل باعقيل سوبر فايزر سعودي أحسبه عون طلع فرعون وهاني الاردني سوبر فايزر طبعا ناوين يفصلوني قالوا لي قدم استقالتك قلت اسمعوا استقاله والله لو تحلمون ما أقدم أستقاله بعد أصابتي ولا واحد منكم ساعدني أعطوني اصابه عمل وحولوها للتامينات الاجتماعيه وأنا أقدم أستقالتي قال لي الاردني 90 بالمائه روح شوف لك وظيفه ثانيه قلت له أمعصي طلعت غضبان كلمت المدير قال شوي وارجع لي
قلت حتى أنت, كلمت خوي لي يعرف واحد بالرياض قال من الاسبوع الجاي يجي عندنا بالرياض طلعت وتغربت عن أهلي 6 شهور واشتغلت بقسم الجوده بالرياض ورجعت للدمام حول شهرين حتى جتني وظيفه واقدم أستقاله وارميها بوجيههم. الراتب 3000 ريال أساسي +بدل النقل وبدل السكن,2000 ريال بونص شهري على حسب أدائك الشهري 350 بدل سماعه .طبعا هذا راتب زين سابقا الان يمكن نقصوه. وأنا الحين مرتاح بعملي. موبايلي مدري عنهم بس على الاقل في منهم مترسم بالكول سنتر اللي يثبت وجوده يترسم لكن زين أمعصي كلهم مافي ترسيم الى الان حتى اللي بالدعم الفني والمبيعات والشبكات يعني الموظفين المترسمين في زين بس 500 والباقي عقود .... والله على ما اقول شهيد ونصيحه لك ابعد عن السماعه ...

[align=right]
انا كنت موظفة بموبايلي قبل سنة لاننا كنا على عقد مع شركة موبايلي وكان اجمالي الراتب يوصل 6000 ريال والحمدلله كنا جدا مبسوطين بالراتب والدوام لان الدوام كان فقط 5 ايام بالاسبوع بقسم السيدات اما الان كما اعلم انه ممكن يداومو خميس وجمعه او باول ايام العيد بسبب الشركة الجديدة
لكن من بداية 2011 قامت شركة موبايلي بتحويل اغلب موظفينها وموظفاتها الى شركة حلول الاعمال ncbs
طبعا الشركة الجديدة تابعة لموبايلي بس تستهبل موبايلي علينا
الاغلبيه مننا استقال من الشركة بسبب الراتب المتدني من شركة حلول الاعمال حيث الراتب بالعقد الجديد لايتجاوز 2700 تخيلي من 6000 الى 2700
انصحك تستخيري الله تعالى واذا اول مرة تتوظفي جربي ماراح تخسري شي انا لان عندي خبرات مارضيت بالراتب الجديد وتركتهم
وربي يوفق ويكتبلك كل خير
[/align]

اخت دريمي وشلون اقدم طيب ؟

ودي اقدم بموبايلي او زين او حتى الاتصالات ولا عرفت

اشوف باس تي سي موظفات وعطيتهم السي في حقي ولا حس ولا خبر ؟

مواقعهم مدري وش تبي بالضبط ؟

دلوني الله يجزاكم خير

اختي حاملة المسك خليه يقدم ويتوكل على الله على الاقل ياخد خبره لان الشباب اسهل للوظيفه بشركات الاتصالات من البنات ويمكن يلاقي عروض حلوة بعدين لان كثير من الاخوان اللي كانو معانا بموبايلي حصلو ببنوك اوشركات كبيرة
وان شاءالله تتعدل الامور باذن الله وربي يوفقه ويرزقه