لقيت استثمار جيد وحبيت استفسر

رغعحن · #1 (**permalink**) 21-10-2011, 11:38 PM

السلام عليكم ورحمة الله وبركاته
اما بعد
اخواني لقيت في حراج إعلانين بعنوان اربح 10 بالميه كل اسبوع راسلته قالي إذا دفعت 10 الاف اعطيك كل شهر 1000 ريال وش رأيكم لأني متردد خايف منه لو القى ضمانات وشركه دفعت الفلوس من دون ما شاور فإذا احد يعرف واحد عنده ضمانات يقلي

اول الغيث قطره · #2 (**permalink**) 22-10-2011, 12:04 AM

عليكم السلام ورحمة الله وبركاته ..

طيب اخوي هو ما قال لك وش النشاط ؟؟

وماقال لك بيعطيك 1000 ريال شهرياً لمدة كم شهر ؟؟؟

نواف عايض · #3 (**permalink**) 22-10-2011, 01:06 AM

هذا بيدفع لك 1000 ريال كم شهر من راس مالك ثم يحط رجله هذي الحركات قديمة اخوي ومعروفة
نصيحة لوجه الله ابعد كل البعد

الذوق الراااقي · #4 (**permalink**) 22-10-2011, 01:06 AM

انتبه انتبه انتبه

طالب قانون · #5 (**permalink**) 22-10-2011, 02:09 AM

السلام عليكم
اخوى دامه حدد لك المبلغ شهريا بيعطيك 1000 ريال هذا مايجوز لان الربح والخساره بيد الله
وهو هنا جزم لك انه بيعطيك شهرى الف يعنى يقال انه ضامن الربح
طيب اذا ماربح من وين بيجيب الالف لك وهو متفق معك انه بيدبره لك هل بيسرق

طيب بتعطيه 10000 الاف بدون اى اثبات او اوراق تثبت لك معقوله بهالسهوله تضيع فلوسك
واغلب الاعلانات مع احترامى لهم غير صحيحه
والاغلب ركز ع الاغلب
ياخذ فلوسك ولاعاد تدرى عنه

اتمنى افدتك

ولد غنام · #6 (**permalink**) 22-10-2011, 02:37 AM

انتبه انتبه من النصب والاحتيال

العطالة علمتني · #7 (**permalink**) 22-10-2011, 04:31 AM

اذا في اي ضمانات مووثقة ...
شرط تعرف في ايش يشتغل هو ..لانك انت اصبحت شريك
اما اذا ما اتدري فهذي مثل البنوك وسوالفهم ...
واذا ما في ضمانات ب العقل ي اخي كيف تضمن حقكـ ...

روعة احلامي · #8 (**permalink**) 22-10-2011, 04:35 AM

السلام عليكم ورحمة الله وبركاته
من اسلوب الاعلان
وعدم توضيح حتى ايش النشاط
ولا اي ضمنات

هذا تلاعب وووووووووووو واضح
الله يغنيك عنهم اتركه
ماتدري اصلا شغلهم حلال ولا حرام

الله يعوضك
والـ 10 الاف لو فكرت بتلقى لها تنشيط افضل من الف كل شهر