السلم عليكم ورحمة الله وبركاتة
اخواني حبايبي ارجوكم ساعدوني انا جامعية وللاسف ماتوظفت وتعبت ومليت من حياتي ومن جلست البيت واتمنى بكون لي دخل وعمل اشغل نفسي فيه والله نفسيتي تعبانة من التفكير والوحدة بس مادري وين اروح انا فكرت اقدم على ريادة بالمعهد التقني عشان يدعموني بمشروع بس المشكلة وش المشروع فكرت اعمل مركز لجميع مستلزمات النسائي طبعا لازم يكون نسائي مية بالمية بس بصراحة خفت لانه شكلة مكلف حييل وخفت يفشل واتورط بقرض وانا ماني بوظيفة
ارجوكم يااخواني اللي عنده فكرة مشروع ماتكلف كثير ونسائي وفكرة حلوة يقولها لي او اللي يقدر يعمل لي دراسة جدوى للمشروع اللي قلت مركز نسائي ابيع فيه ملابس عطور جزم شنط وملابس اطفال وموظفات اقل شي 3 يرسل لي الدراسة مشكورا اذا مايكلف كثير يمكن ابدى فيه واتوكل على الله
ولكم جزيل الشكر

بالتوفيق يارب

السلام عليكم ...
آختي بنت الحيد انا من وجهة نظري ارى انكـ ما تكلفين علي عمركـ في البداية ..
محل وقرض ورخصة وعور رآس وهم ومدري وش ..
انا اقول ابدأي من البيت ..
اشتري بضاعة مبسطة بمبلغ بسيط غامري بمبلغ بسيط كـ بداية من البيت ...
وان شاء الله تتيسر الامور شوي شوي ...
توكلي على الله واشتري بضاعة ممييزة ولو تقدرين تسوين لها زاوية في البيت وتسوين لها ديكور مبسط بس يكون كل شيء مرتب ،،،
ولو ماا تكسبين في اليوم ولا شيء لو تخسرين عادي بس اهم شيء تتعلمين شيء جديد في التجارة..
فكري ب شكل جدي وشوفي الفكرة تناسبكـ ولا لا ..
كم فكرت اني اسويها لآهلي في البيت بس المشكلة اننا في قرية ولسنا في مدينة ...
وتعرفين القرية ومجتمعاتها ... عندهم بعض التحفظات المادية ..
موودتي واحترامي ..
مجرد وجهة نظر ..

السلام عليكم ورحمة الله وبركاته

حياك الله

حبيبتي موضعك يحتاج لاكثر من رد على اكثر من شئ طرحتيه

اولا الخوف وقلقك من الخسارة: بعد تتوكلين على الله وتستخيرين ابدئي بالتخلص من هذا الشعور بالجد والاجتهاد
بالدراسة والبحث الشخصي الذاتي فيك

انتي اقري بهذا المجال الين تحسين انك سرتي تعلمين بلد
وهذا شئ بسيط وسهل على جامعية مثلك ان شاء الله....

هذا موضوع تجمعنا فيه كل البنات : نقاش (خاص) بين الفتيات ومشاريعهن..
وتطرقنا لكثير امور
منها القروض والمشاريع والافكار والنصائح وكثير اشياء

وسار تجمع اساسي والصفحات مرجع لكل اسالتك موجوده بين الصفحات
اقري ولا تملي..راح تلاقي الي يفيدك


مواهبك وقدراتك وهوياتك هيا الي تحدد نوعية مشورعك
وهل هو ناجح او لا

الكل بيحاول يفيدك لكن بالحكم على نفسه بيقترح عليك

انتي قيمي نفسك اختي الغاليه
وابحثي بجد واجتهاااااااااد عن ادق التفاصيل المنتدى وقوقل فيه اجابه لكل سؤال

واي شئ يصعب عليك ويستعصي عليك بتلاقين كثير من يرغب بمساعدتك

بس انك تطرحين كل شئ وتتركين الجهد كله على الاعضاء هذا صعب عليك وعلى نجاحك

واحنا اخواتك بالموضوع مثبت بالقسم راح نفيدك بكل الي نقدر عليه


موفقه يارب

لو تبتدين ببيع الجلابيات والمستلزمات النسائيه عن طريق المنتديات كبدايه ثم اذا الله وفق تتوسعين فيها مكاسب كبيرة

موفقه ان شاءلله

اين تجدين نفسك

يعني هل لك روح ونفس في التسويق

ان كان لك جراءة ولباقة وقبل ذلك حب ورغبة في العمل

اختاري بضاعة مميزة ـ سعر جيد يناسب مستوى من تسويق لهمـ

تقدرين تسويق في المدارس بين المعلمات , في العيادات ووو اكيد بين الجيران والصديقات والاهل

ـ بالنت تقدرين بشرط بضاعة مميزة ونادرة
لو تقدرين تطلبين من مواقع عالمية وتسوقينهاا ونفس طويل ...


وربي يييسر لنا ولك كل خير وبركة ورزق ..

اختى انت ايش ميولك
هل تعرفين تغليفين هدايا وشغلك حلو ابدي بمشرووع التغليف الهدايا
واذا انتي فنانه مكياج وتسريحات اشتغلى من البيت كوافيره مب لازم تفتحين مشغل في البيدايه
اما اذا حابه في العطور والبخور وشغله ماشي عندكم ابدي فيه
افكار كثيره امامك اختى بس اهم شئ العزيمه
وبعد طباعه البحوث الدراسيه
اي استفسار ومساعده انا حاضره

اهلين ياعسل اول شي اهنئك على رغبتك في اعمل وتنمية قدراتك واستغلال وقتك وتنمية طمووحك

انااا رائي من رائي اختي رووعة احلاامي

حددي الشي الي انتي عارف نفسك تبدعين فيه ويكون عندك نفس طويل فيه اي مشروع اي بيع وشراء لازمه نفس طويل وطولة بال حتى لوو كانت بداية المشروع بسيطه

وحددي ميزانيه تقريبيه تبدئين فيهااا او كم ممكن مشروعك يكلف لا تفكرين بقرض وغير ه بالبدايه خلي القرض اخررر شي بعد مده من بدايتة نشااطك تكوني تعلمتي من بداية الصح والخطاء

سوي بحث بالنت واقرأ عن نشاطك زودي معلوماتك عنه

اذااااااااا جمعتي نقاطك ابدئي حطيه على الحروف حبه حبه وبتركيز وهكذا

اتمنى لك التوفيق

السلام عليكم ورحمة الله وبركاته
شوفي يااختي انا بقولك على فكرة قلتها لاختي..وان شاءالله تفيدك..
الفكرة انك تاخذي دورة مكياج وبعد كذا تشتغلي في اي كوفيرة..وتفهمي الشغله وتطوري نفسك وتثبتي وجودك.. ووبعد كذا افتحي محلك الخاص وبكذا يكون عندك فكرة كامله عن المشروع..ولكي زباينك الخاصيين ومستعديين يجونك لاي مكان.
موفقة ان شاءالله

السلام عليكم ورحمة الله وبركاته

اذا كنتي في الرياض

توجهي الى مركز بشرى النسائي واستاجري كشك وبيعي اكسسوارات نسائية واتمنى لك التوفيق