قصتي مع النصابين (( تحذير ))

ولـيـد · #1 (**permalink**) 29-01-2008, 07:19 PM

السلام عليكم جميعا

كيف الحال عساكم بخير !!؟؟

بصراحه كنت متردد اكتب هالقصه لكن الشكوى لله لازم اكتبها عشان

محد يصير له اللي صارلي وينخدع مع النصابين الي مايخافون ربهم

المهم القصه بدايتها اني كنت موظف في شركه وراتب قليل

وكارفينا ومكرهينا بالشغل والمدراء اجانب وضاغطينا بالعمل

المهم انا كنت ادور عن شغل في مكان ثاني

وقدمت على ارامكو عن طريق موقعهم وعطوني رقم

وتعرفون ارامكو لازم يبيلها واسطه قويه عشان تدخل فيها

المهم كتبت موضوع في احد المواقع عشان لو فيه احد عنده

واسطه في ارامكو ويفزع لنا المهم بعد كتابتي للموضوع

اضافني واحد على الماسنجر وقالي حنا نقدر ندخلك

ارامكو لكن كل شي بحقه وبسعيه وقلت له حقك

ماهو ضايع المهم قال حنا بندخلك بعشره الاف

ومن هنا الى هنا نزلت المبلغ الى 6000 ريال

قالي هو خلاص نبيك تدفع لنا دفعه اولى

عشان نعطيها الرجال الي بيتوسط لك

واتفقنا على 2000 ريال وحولتها على حساب

احد الاقارب في الشرقيه وقابله وعطاه اوراقي

ووقع على بطاقه احواله انه استلم مبلغ 2000 ريال

من عندنا وجلست اعقب وراهم وكل ماكلمته

قال اصبر لين الحين مابدا التقديم بس اوراقك

عند الرجال المهم كلموني بعد فتره قالو الرجال

يقول لازم تزيد المبلغ عشان نكمل الشغل !!

المهم دريت ان الشباب نصابين يوم قالي جب زياده

قلت له اول شي سنعني واعطيك باقي المبلغ كامل

وكل ماكلمتهم بدوا بشغل التصريف والاعذاار

عرفت اني ماراح اخذ منهم لاحق ولا باطل

ولنا الحين اكثر من سنه ماصار شي

والحين لمن اتصل عليه يقول كلم خويي

وكل واحد يتعذر بالثاني ولا وصلنا لحل

واخرتها اتصل على الي خذا المبلغ من عندنا

يقول انا شاري الجوال ماهو انا راعيه !!؟؟

يعني شين وقوي عين !!

وحاولت اخليهم يرجعون المبلغ ولا فيه امل يرجعونه

ومانفع معاهم اي اسلوب لاالي حنا توظفنا

ولا اللي حنا خذينا فلوسنا ؟؟

فمادري وش رايكم ؟؟

للعلم انهم قالولي ترا حنا نوظف في ارامكو وخذينا

من ناس مبالغ توصل لـ 30 الف يعني معقوله

كل هالاشخاص قدرو يلعبون عليهم ؟؟؟

على العموم انا حبيت اكتب هالموضوع عشان تاخذون الحذر

لانهم يتصيدون المحتاجين واي واحد يقول نبي وظيفه

يكلمونه ويستغلونه ويوهمونه بانهم يقدرون يسوون شي

وهم ماعندهم الا الدجه حسبي الله ونعم الوكيل عليهم

على العموم هذي اساميهم وارقامهم

والحذر الحذر منهم والله يعوضني خير

النصاب الاول محمد الدوسري

0507226686

النصاب الثاني احمد الدوسري

0502368018

بالنهايه اتمنى منكم الدعاء لي لاني الحين عاطل

والله يزرقني بالوظيفه الي تغنيني عن الحاجه

ت ح ي ا ت ي

مملكة الورد · #2 (**permalink**) 29-01-2008, 07:27 PM

الله لا يوفقهم أنشاء الله ذولا النصابين لا وبعد سعوديين تفيييية عليهم الوصخان

أدع عليهم أخوي ترى ربك بلمرصاد والله يعوض عليك .

الدماار الشاامل · #3 (**permalink**) 29-01-2008, 07:30 PM

مالك الى الصبر ويش وداك له

أبو سلمان · #4 (**permalink**) 29-01-2008, 11:18 PM

الله لا يوفقهم ولا يبارك فيهم الدجالين عيال الحرام

والله يرزقك بالوظيفة اللي تثلج صدرك ...@

sss-mm · #5 (**permalink**) 30-01-2008, 12:09 AM

لاحول ولاقوة إلا بالله
كل هذا بسبب البطاله خلى العاطلين ينصبون على بعض
الله يعوضك ويرزقك الوظيفه إلى تتمناها

فارس الشمال · #6 (**permalink**) 30-01-2008, 12:16 AM

حسبنا الله ونعم الوكيل .. على كل ظالم ومحتال ..

ثانيا ليش الطيبة الزايده عند بعض السعوديين .. مو اي واحد تثق فيه .

لاكن عليك بالدعاء .. فالمظلوم لاترد له دعوة

يارب اتوظف · #7 (**permalink**) 30-01-2008, 12:20 AM

حسبنا الله ونعم الوكيل .. على كل ظالم ومحتال ..

ثانيا ليش الطيبة الزايده عند بعض السعوديين .. مو اي واحد تثق فيه .

لاكن عليك بالدعاء .. فالمظلوم لاترد له دعوة

متعب العتبي · #8 (**permalink**) 30-01-2008, 12:24 AM

لاحول ولاقوة إلا بالله

حـرف ( الواو ) · #9 (**permalink**) 30-01-2008, 12:32 AM

حسبنا الله عليهم والله لا يبارك في أي واحد يستغل أنسان محتاج

أنا صار لي نفس الموقف

طلب مني مصري 30 ألف مقابل توظيف

بس بصراحه كان عرضه مغري

بعد توقيع العقد وأستلام الوظيفة تدفع المبلغ كامل

بس تركته والحمد لله ربي بيعوضني

تحياتي

AMOUR · #10 (**permalink**) 30-01-2008, 01:02 AM

اخوي الله يرزقك من واسع فضله
بس اللي صار تعتبر رشوة
ولعن الله الراشي والمرتشي
الله يهديكم بس
هذا يعلمنا مانشمي في طريق الرشاوي لو ايش
اتمنى اخي تكون تعلمت من الدرس هذا ، والله يعوضك عنه خير

والله من وراء القصد