وعليكم السلام ورحمة الله وبركاته


بس اللي انصحك فيه هم العماله ركزي عليهم ممكن يخسرون مشروعك وممكن ينجحونه

وحاولي ان لا تشترين
البضاعه ينزلون لك الموزعين على التصريف على شان لا تخسرين كثير

مشكور اخوي على ردك

جزاك الله خير ..

بس ممكن توضيح بخصوص


وحاولي ان لا تشترين
البضاعه ينزلون لك الموزعين على التصريف على شان لا تخسرين كثير

الله يوفقنا وياك لكل خير

علشان تستفدين انزلي للمكاتب التي في بلدك وتعرفي على طبيعة عملهم وعلى طريقة البيع وكذلك على البضاعه واذا اقتنعتي لا تستجلبين عامل جديد بل عامل ذا خبره في نفس المجال حتى يقف مشروعك وبعدها استجلبي عمال جدد ووكلي الإداره للعامل القديم هذا طبعل بعد الثقه التامه فيه !! الله وفقنا وياك لكل خير يارب

ما عندي خبرة بهالموضوع بس انا تقريبا نفسك من ناحية الطلب من المواقع الصينية!!...اذا مشت الامور بحول الله بقول لك وش صار معي


و ان شالله تستفيدين !!!

مشروع المكتبة ادوات مدرسية مشروع موسمي يعني يبدء قبل اسبوع من بداية الدراسة وينتهي في نهاية الدراسة يعتمد الربح فيه بشكل كبير على البحوث يعني تحتاجين لعامل اخر يقوم بكتابة وطباعة البحوث وكلما كانت المكتبة اقرب الى الجامعات كلما زاد الدخل اكثر ايضاً تحتاجين الى الاتفاق مع المدارس القريبة حتى تقومين بكتابة الملخصات والملازم الدراسية لهم فهذه تعتبر سحبة رجل لولي امر الطالبات حتى يأتي للمكتبة وبالمرة يشتري ايضاً مستلزمات اخرى من المكتبة .

ايضاً لو تقدمين خدمات الكترونية مثل حجز مواعيد للوزارات والادارات الحكومية ستكون اضافة جميلة .

لا اعلم كم الرواتب المتعارف عليها في قطر لكن ارى ان الراتب يجب بأي حال الا يتجاوز 1500 ريال سعودي لأنه اذا زاد عن ذلك يبدء العامل بالتكاسل ايضاً العامل الاخر المختص بالبحوث والطباعة العمل بالنسبة معه ممتاز بحيث 40% له و 60% للمكتبة من البحوث ستشجعه على الاستمرار بالعمل معكم

بالنسبة للبضاعه لا علم لي بها لكن لو كان هناك مندوب ينزل بالتصريف فهم الافضل حتى يقوم المشروع على رجوله

اختي المكتبه على الرسم البياني تعطينا رأسين مدببين للاعلى

وانخفاض للأسفل بقوة ارتفاع الرأسين ...

بمعنى :

المكتبه موسمية العمل بحال كنا نريدها ان تكون موسميه ...

المكتبه تعمل وترتفع للاعلى في بداية الدراسة بكلا الفصلين الاول والثاني ... من اسبوع لثلاثة اسابيع فقط في كل فصل

اثناء الدراسة يقل العمل وينخفض الدخل بشكل ملحوظ

في اجازات المدارس خلينا نقول انها تموت فعليا نظرا لعدم الحاجه لها ....

ما ربحتيه خلال بداية السنه ستخسريه في الاجازة كرواتب وايجار ومصاريف ...

لكن ......

هناك عمل ممكن يرفع من دخل المكتبه طوال السنه سواء اجازة او موسم .. واتمنى ان تطبقيها :

معظم المؤسسات والشركات تحتاج الي ورق تصوير ... والعمل لديهم لا يمكن ان يتم بدون ورق تصوير ...


من اين يشتروها ؟؟؟؟

معظم الشركات التي تتاجر بمثل هذا الصنف من البضائع مثل جرير و العبيكان و مؤسسة بيت الرياض الجريسي

لا يبيعون الا كميات فقط ... ( جمله )

بعض الموؤسسات لا تحتاج الي تلك الكميات الكبيره فيضطرون ان يشتروها من المكتبات بالحبة او الحبتين او حسب الاحتياج ...

هنا اللعبه تكون :

سيارة + ورق تصوير + سواق يصل للمؤسسات والشركات وبيبع عليهم علبه او علبتين او حسب الكمية المطلوبه

كمان لا انسى الاقلام .... وبعض الادوات المكتبيه ( المستهلكة بشكل يومي ) التي تحتاجها المؤسسات والشركات بشكل مستمر

من وين نجيب ورق التصوير ؟؟؟؟

من الصين وبأسعار منخفظة جدااااااااا لكن مشكلتهم لا يبيعوا الا كونتينر كامل ..

لو عندك الاستعداد للوصول لهذا المستوى من العمل فتوكلي على الله

اما مكتبه فقط .. انا من رأيي انها لن تفيد كثيرا ...

ملاحظة : الامثله هي لمؤسسات سعوديه عدا جرير فلديكم فرع في طريق سلوى ....

دمتي بخير والف الحمد لله على سلامتك

[align=center]بيض الله وجيهكم ماقصرتوا

والله يجعله بميزان حسناتكم

احرجتوني بطيبكم وكرمكم

بخصوص الي يقول المكتبه موسميه

احنا بقطر ماتتعدا الاجازه عندنا 40 يوم ياحسره

ثانيا انا بسوي مكتبة صغيرونه على قدي راح اوفر فيها الاسياسيات فقط ومن ضمنها

الة تصوير وطباعه الاوراق ..

ثالثا المكان الي بفتح فيه المكتبه هو عباره عن فريج او كماتطلقون عليه حي

ومنطقتي هاذي تفتقر لوجود مكتبه واشوف ان الناس تعاني من هالشي وانا من ضمنهم

لان اقرب مكتبه لمنطقتنا تاخذ مسافه بحدود الربع ساعه واكثر على حسب الزحمه

فمش معقوله ناس محتاجه تصوير ورقه او تشتري غرض معين وتمسك هالمسافه كلها !!

لهذا السبب حبيت اوفر مكتبه في منطقتنا ,,

وعندنا مدارس خاصه اجنبيه لابناء موظفين اجانب يشتغلون في البترول والغاز

هالمدارس تسكر لما تفتح مدارسنا يعني العكس ..

الحين بخصوص الادوات انا افكر اجيبها من الصين بحكم خبرتي القليله مع موقع علي بابا

بس مشكلتهم ان اقل كميه للطلب ساعات توصل عشرة الاف قطعه !!

ممممممممم

ابي نصايحكم عن هالموقع واذا تعرفون شركات زينه لاتبخلون علي

ابي دفاتر حلوه وغريبه وشنط اطفال عليها شخصيات كرتونيه


انتظر ارائكم ,,

ومشكورين لاخلا ولا عدم [/align]

بالتوفيق ان شا الله

روحي اقرب مكتبه وشيكي على الاسعار

و حطي من كل نوع 100 بالكثير

مثال 100 دفتر الواحد بـ ريال
انباع منهم 3 يعني الربح 3 ريال منها و نقص من الـ 100 دفتر 3
و اتمنا تكونين كل شهر تحسبين الاغراض الي تدخل و الي تطلع و تفضين لها فالبيت حسبه

عشان غشش العماله

مشكورين اخواني وخواتي

يعطيكم العافيه ماقصرتوا


اننظر باقي الاعضاء