السلام عليكم ورخمة الله وبركاته

انا والله اكتب واعيوني كانها عيون اندونوسي صغار من التعب لكن ابي اكتب كيف توظفت

قبل شهر لقيت اعلان في المنتدى عن احدى الشركات البترول في المنتدى وقدمت عليهم ودقو علي قالو يا مرحبا ويهلون ويرحبون بي المهم قالولي الاختبار عندك يوم السبت قلت خير انشاء الله ( طبعا الشركه كل ابوها اجانب) المهم نزلت وانا فرحان بالاختبار ولا وصلت عند السياره الا وجوالي يدق الا واحد هندي يقولي انت موجود تعال مدير شؤون لموظفين ( الله يجزاه خير مطوع) يبي يقابك انا استغربت والله ورجعت له قلت انك تبي تشوفني وكانت الصاعقه عندما قال لي هذه اسئلة الاختبار وتعال الاسبوع الجاي قلت قالولي يو السبت قال ما عليك منهم واذا اساولك كل المدير قالي كذا وحاول انك تاخذ توجيه من مكتب العمل والعمال قلت ليش انت تساعدني قالي بالحرف الواحد المدير المالي حاط هذا الاختبار تعجيزي المهم رحت البيت وانا والله ما بين مكذب ومصدق المهم حاولت احل الاختبار قدرت احل شي منه لكن والله صعب المهم اخوي مدير في احدى الشركات الكبيره ودها للمدير المالي حقهم وقاله حلها له والله والله قال منهو المدير المالي الي يبي يتوظف ( يحاسب هذا اختبار مدراء ماليين ههه) ما هو محاسب على قده ..
..
.
.
.
وبعدين اكمل لكم القصه والجاي والله هو المهم لكن والله براسي نوم كثير وراح تشوفون الدنائه للدى الاجانب


راعي الجوف

ننتظر منك الباقي......

ألله يوفقك يارب ويهنيك بوظيفتك وعقبال الباقين يارب

نتظر الباقي لكي نحسن التعليق

يازينك وزين سواليفك ^^^^^^^^^^^^^^^ كمل بكرة الحين روح نم ومن أصبح أفلح

==============>>نحن بانتظار البقية

انا اعرف كل السالفه بس خله هو يعلمكم هههههههههههههههههههههههههه

ياله تراني متحمسه حيييييييييييييييييييييييييل

ان شالله ننتظرك بكرى علي احر من الجمر

وتراني مجهزه الدعاوي علي الاجانب بس ابي اشاره علشان ابدا>>>مقهوره منهم

الله يوفقك يالجوفي بس لاتاخر علينا بالقصه نبي نشوف هالخساس وش عندهم (الاجانب)