السلام عليكم ورحمة الله وبركاته

حبيت استشيركم بوظيفتين انطرحو علي ..

الوظيفة الاولى من صندوق الموارد البشرية بوظيفة مسماها موظف استقبال في مستوصف الحياة الطبي .. دوامها من 9ص الى 1م ومن 5م الى 9م

الوظيفة الثانيه من باب رزق جميل بوظيفة ممثل مبيعات بوكالة سيارات في البنك السعودي الفرنسي .. ماادري ايش طبيعة الوظيفة بالضبط؟ هل هي مثل مندوب المبيعات واطلع للدوائر الحكومية وغيرها واشحذهم ياخذون من البنك؟ او بس اجل في وكالة سيارات وانتظر العملاء يجون؟
راتبها مثل راتب المستوصف لكن ماادري عن فترة الدوام وقالولي المقابلة غدا 10 صباحا .. سألت الموظف هل الوظيفة من شركة او البنك نفسه؟ قال انتظر شوي .. ورجع قال المسؤول مشغول الحين لكن بكرا اسألهم في المقابلة .. لكن انا اتوقع بنسبة 85% انها من شركة ..


بغيت اخذ رايكم .. الصراحة محتار كثير .. والف شكر لكم

هلا والله ياخوي

بالنسبه لممثل مبيعات سيارات هي (سوفينكو السعودي الفرنسي )تابعه للبنك الفرنسي

وهي يحطونكـ باحدى وكالات السيارات والدوام يكون نفس دوام الوكالة الي حطوك فيها

وطبعا الوظيفه ع شركه مشغله (كونتراكت)

الراتب 3500 ريال وعموله مبيعات ((اذا حققت التارقيت ))

الادراه فاشله

ماذكرته عن الشركه هو عن طريق ابن عمي اشتغل عندهم وماكمل شهر !! والسبب الكرف ولاهم من هذا كله ان قبل مايتوظف تمرمط اكثر من شهر مابين الشركه المشغله و هم (سوفينكو )

ونصحيتي لكـ اي شي حرام او مشكوك فيه ابعد عنه

عساء ربي يوفقكـ ويكتب لكـ الي فيه خير

اذا تبي نصيحتي رح لمستوصف الحياة أفضل ..

مشكورين على النصايح ..

اليوم مقابلتي والله يكون بالعون ..