السلام عليكم توي مسجله
ويشهد الله اني حبيت هذا المنتدى الي كل واحد يساعد الثاني ويتمنى له الخير

بدايه انا افكر اسوي مشروع مشروبات ساخنه في كليه وخبرتي زيرو
وانا احتاج منكم الافكار وكم يكلف
وانا قبل فتره قرات موضوع للاخ وهران مندوب لجهاز القهوه الي تسوي خمسه مشروبات الي اخذها او شافه يخبرني عن مميزاتها وعيوبها تكفون محتاااااجه دعمكم من الافكار

وعليكم السلام
اعتقد انا ماكينة القهوه سعره غالي
بس قبل تشترين شي
هل المكان جاهز البلديه له علاقه في مشروعك الكليه موافقه على طلبك
موفقه خير

هلا فيك كيلو ذهب ليه البلديه وش دخلها في الموضوع
وكليه بروح لها بكره باذن الله
ومشكور على ارد

معقوله المشاهدات 50 والرد واحد
ولا احد عنده خبره

الامر يسيير

شوفي اعرف معلمات يبحثن عن من تعمل لهن يوميا وبالصباح ترمس شاهي وترمس قهوة

فكرة رائعة لو تلقين كذا مدرسة

واكيد حاولي يكون الشغل بامانة وشغل جيد
وقبلها حاولي تتعلمين اتقان المشروب الساخن كما حكيتي لانك تقدرين تزيدين شاهي اخضر , احمر , زنجبيل
يعني ..

الا ان كنتي تحبين الوقوف والجلوس ساعات حتى يأتي لك زبونة بالجامعة
خاصة لو كان موجود فيها بوفيه اوو

يجب أن تعرف ان

الاجار والمكائن والتجهيزات والديكورو الأثاث علي الاقل لازم يكون 130 الف ريال

ولازم تعرفين ان شغلك راح يكون ثمانية شهور واربعة شهور اغلاق وحتي الصيفي لو كان فيه صيفي عدد قليل جدا

انا مانصحك

لانك ماعندك خبرة

ولازم تشتغلين بكوفي نسائي فترة سنة علي الأقل علي الأقل وركزي علي كلمة سنة

وبعدين تفكرين بفكرة مثل كذا

اولا اختي لازم تحددي لنا طريقة المشروبات ؟؟

قصدك كوفي واجهزة قهوة ؟؟؟

او قصدك مكان وتجيبي قهوتك من البيت ؟؟؟

اذا الاولى فهي مكلفة جدا ..

اذا الثانيه فالامر يسير ... بتلاقي عند محلات الدعاية والاعلان كونتر صغير يجي متر ونص بأرتفاع متر ونص

يفك ويتركب بشكل بسيط ... قيمته تقريبا 170 ريال او 270 ريال والله ما اذكر بالضبط

هو يشبة الطاوله اللي يحطوها بالسوبرماركت ويوقف عليها واحد ويخلي الناس تتذوق من منتجه .. نفسها تقريبا

لكن السؤال الاهم :

كيف راح تدخلي الكليه ؟؟؟؟

هنا المشكله .... بيقولوا لك المواقع هنا عن طريق المناقصه الحكومية

وان كانت بيدهم فالايجار غالي جدااااااااااااااا

اذا مشروعك نسكافه وشاي ساده وبالحليب واخضر .. مومحتاج لا راس مال ولا شي

فقط دوام مستمر .

اما اذا كان كوفي شوب ... اللهم بلغت اللهم فاشهد

المكان لا يناسب ابد ابدا ابدا

مكينة سلاش 13.000 ريال
2 طواحين للقهوة 1.000 ريال
دعاية كاسات 5.000 ريال
قهاوي 8.000 ريال
10 جلسات 30.000 ريال

مكينه الكابتشينو ثلاث عيون فيه بـ 27.000 ريال وهي الافضل
وفيه بـ 16.500ريال
ولك حرية الاختيار


وان كنتي قصدك الاخ عالم القهوه .. عندما شرح موضوعه فاليك الرابط ..

https://www.btalah.com/t156257.html

بالتوفيق ان شا الله

انا قصدي كشك صغير لاجلسات ولا يحزنون والجهاز الي استخدمه الجهاز الي عرضه لنا الاخ وهران من شركه باسلات جهاز الخمسه مشروبات وقيمته 4000 وصناعته كوريه وضمان سنه
يعني الكشك 2متر في 3متر
واسال الله التوفيق لك من رد