مشكووووووووور على المعلومات المفيده للجميع

مشكور على هالخبرية

الموضوع حاذفين نصه كنت حاطه جميع التفاصيل ومنها الارقام
جروح العالم ابشرك يقبلون الادبي بس لازم تكون تابعه لضمان او للجمعية الخيرية
وهذي هي الشروط
1. أن تكون سعودية الجنسية
2. أن لا يقل تقدير الطالبة في الثانوية العامة عن جيد تخصص علمي أو تجتاز البرنامج التأهيلي لخريجات القسم الأدبي .
3.أن تكون لائقة طبياً وتجتاز الكشف الطبي.
4.أن تجتاز المقابلة الشخصية
وازيدكم من الشعر بيت العمر مش مهم
الرقم المجاني
8001241555
الموقع
http://www.medacademy.info/kaboul.html
وكمان
http://www.medacademy.info/contact_ar.html
لدخلتم الموقع بتشوفون المدن اللي تبنت بها الاكادمية هالمشروع بالتوفيق للجميع ومشكورين على دعواتكم انشرو هالخبر لعل اكبر شريحه من الاخوات يستفيدون على فكره تدفعون فقط 6 الاف ريال بالاقساط بدل ما تدفعون 45 الف وجزا الله خير امير الخير الامير سلطان على ما فعل لاجل بنات حواء

اخي اتصلت عليهم وقالو رسوم 48 الف ريال هذا اول شي ثم في الموقع مكتوب تفع رسوم 600 ريال يعني كذب على الناس حسبي الله ونعم الوكيل

ابو معاذ,,الموضوع ليس كذبا بل صحيح100% لاني احد اللي سجلو بهالمشروع واعتذرت عن الدراسه لترم الاول بعد ان اتتمت اقل من شهرين معهم انت لا تعتمد على الاكاديميه اللي بمنطقتك دق على باقي الاكاديميات اللي بالمناطق الاخرى وراح ياكدون هالخبر ..بخبرك شي انا قدمت قبل زميلتي بيوم ونشرت هالخبر للاخوات اللي اعرف عنهم انهم تابعات لضمان او للجمعيات الخيريه تدري شقالو لزميلتي ثاني يوم ا؟؟؟ وحده قالت اكتفينا وحده قالت ابدا مش صحيح...اتوقع انهم خايفين من العدد الهائل اللي راح ينهال عليهم من يسمعون مثل هالخبريه..دق على الاكاديمية حقت تبوك وحفر الباطن الاخوات اللي هناك متعاونات وقل حرفيا انا ابي اسال عن مشروع الامير سلطان...واخوي اكبر دليل الرابط اللي عطيتك على صحة الخبريه لكن مثل ماقلت انهم خايفين من الاعداد الهائله اللي راح تجيهم خصوصا انهم يقبلون الادبي...والرسوم يا اخي فقط 6000ريال فقط ليس 45 الف هذا العرض فقط لتابعين لضمان الاجتماعي والجمعيات الخيريه سواء كانت بنت او مطلقه او ارمله مراعاة لظروفهم الخاصة كنوع من المساعدة من الامير سلطان جزاه الله خير..اختكم المكافحه

أختي ألف شكر على مجهودك والله يكتبلك فيه الأجر أنشاء الله .والله يوم عمتي درت أنها تدعيلك ......

بس حبيت أسألك شلون قدمتي عليهم ؟ يعني رحتيلهم وين موقع تقديم النساء ؟

وشي الأوراق المطلوبة ؟ يعني مثلا لازم تجيب ورقة من الضمان والا الجمعية تثبت وضعها ؟ ولا كيف ؟

أنادورت في موقعهم وماحصلت أجابات على الأسألة ........... وتصلت فيهم وما يردون . وعلى فكرة عمتي مطلقة وعندها طفلين فهل يقبلونها ؟؟؟؟؟؟؟؟؟؟؟ وهل الدراسة عندهم بلأترام زي الجامعات ولا دراستهم زي المدارس؟؟؟؟؟؟؟؟؟؟؟؟؟؟؟؟؟؟



ياليت تخبيرنا أكثر أختي , وأنا بتظارك .

وألف شكر



.

هلا فيك اختي جروح انا ارسلته لهم ايميل لاني كنت مسافرة مش قريبه منهم ارسلته على ايميل الدكتوره الشخصي المسؤوله عن المقابلات ...لكن تقدر عمتك تروح بنفسها للاكاديميه وتقدم...
الدراسه زي الجامعات بالترم ..الاوراق المطلوب اللي اذكر
1- ورقة تثبت انها تابعه لضمان او للجمعية انا رحت لضمان وحكيت مع المدير شخصيا قلت ابي تعريف اني من المنتسبين لضمان وما قصر زودني بالتعريف
2- صورة من بطاقة العايله او الاحوال اذا عند عمتك بطاقة احوال
3- صورة من شهادة الثانويه
4- صورة من حسن السيرة والسلوك
4- صورة بطاقة العايله اللي مكتوب بها اسماء اطفالها (انا كتبت بورقة خارجية ان فلانه الفلاني وهؤلاء المرفقين ببطاقة العائله هم ابنائي ويعيشون معي
وهم:
1- الاسم العمر :
2- الاسم العمر:
ذكرت اسم كل واحد وعمره جنبه )
5- صورة من صك الطلاق (مذكر بالظبط لاكن اتوقع اني ارفقتها احتياطا)
_________________________
معلومه .....الدراسه باللغة الانجليزيه والمواد قليله خمس او ست كتب المتعب بها الدراسه الترجمه كانت تاخذ كل وقتي والامتحانات سهله اختياري او صح او خطا تعرفين هدف الاكادميه مادي لانها خاصة لكن النجاح الحقيقي هي الاسئله التي تجي من هئية التخصصات الطبية من الرياض هي اللي تنجحك او لا على حسب اجاباتك على الاسئلة التي تجي من قبلهم
------------------
المقابله بالعربي والانجليزي بالعربي اغلب الاسئلة جتنا ليش حابه تدرسين التمريض وش طموحاتك اسئله سهله اما اللي بالانجليزي حتى تشوف تمكنها باللغه الانجليزيه لكن لا تحاتي مجرد روتين اهم سؤال بيكون تحدثي عن نفسك خليها تعرف احد شاطر بالانجليزي ويكتب لها عن هالشي وتحفظه والباقي اتوقع اشياء سهله وحده سالتها عن عمرها واسمها وين سافرت اتوقع هالشي للي يحسون ان مو هناك معرفتهم بالانجليزي حتى يعدون المقابله
انا درسن معاي بنات ما يعرفون يركبون جملتين على بعض ....بالتوفيق

اتوقع اختي لازم التعريف انتي لو اطلعتي على موقع المشروع حتلاقي الجهات المشاركة
المسؤوله عن دراسة هؤلاء الفئه وكمان ما يقبلون الا 300 طالبه كل سنه مثل ما ذكر بالموقع(وقد تكفل صاحب السمو الملكي الأمير سلطان بن عبد العزيز ولي العهد ونائب رئيس مجلس الوزراء ووزير الدفاع والطيران والمفتش العام حفظه الله بتحمل تكلفة دراسة الطالبات في هذا المشروع بعدد(300 ) طالبة سنوياً في كل مناطق المملكة )
الجهات المشاركة في تنفيذ المشروع
أولاً : الهيئة السعودية للتخصصات الصحية .
ثانياً : الصندوق الوطني الخيري .
ثالثاً : مكاتب الضمان الاجتماعي
رابعاً : الجمعيات الخيرية

الله يجزاك خير بس هل يمدي عمتي تسجل ؟.................... ووين موقع النساء ألي يسجلون فية ؟؟؟؟؟؟؟؟؟؟؟

وياليت تشرحين أكثر عن أسألة المقابلة ؟؟؟ تكفين سواء الأسألة العادية أو الأنجليزية

وهل ممكن تعطيني رقم الدكتورة الخاص وترسلينة على الخاص إذا أمكن ؟

لأن مدري أحس حوسة ونخاف روحلهم ويسحبون علينا مايعطونا وجهه ؟؟؟؟؟ وش الحل في نظرك ؟؟؟؟؟؟؟؟؟؟

وألف شكر ياأختي وسا محيني على كثرة أسألتي .......... والله يجعلها في موازين حسناتك .


.