ساعدوني .. المقابلة الشخصية والترشيح للوظيفة

لهفة مشاعر · #1 (**permalink**) 26-10-2011, 04:25 AM

صبـــــــــــاح \ مســـــــــــــــاء الخير

اتمنى انكم تفيدوني وتساعدوني من ازمة التفكير اللي عندي ..

انا سويت اختبار تحريري (تقييم للغة الانجليزية) في مستشفى القوات المسلحة
والحمدلله عديت الاختبار ..

بس باقي لي مقابلة شخصية الاسبوع الجاي !!
انا شايلة هم المقابلة الشخصية .. ايش الاسئلة اللي بيسألونها لي
وهل في اسئلة شفوية في تخصصي ( اللغة الانجليزية )
هذا أولا ..,

اما ثانيا ..,
لو اجتزنا المقابلة الشخصية انا وبعض المتقدمين مثلا
كيف سيتم ترشيح احد منا ع الوظيفة ..؟

يعني .. راح يشوفوا معدلات التخرج من الجامعه وبعدين يقرروا
او , الخبرات والدورات .. << ويقرروا ع حسبها .,

علما ...,
اني حاليا ادرس في معهد متخصص للحاسب الالي واخذت من عندهم مشهد اني ادرس عندهم .

ام انو في الأخير اللي عندو واسطه هو اللي راح يترشح ؟؟

يعني ودي افهم ع اي اساس بيختاروا احد منا ع هالوظيفه بالرغم ان اللي اجتازوا الاختبار والمقابلة عددهم فوق عدد الوظائف الشاغرة ..,؟؟

شــــــــاكرة لكم مساعدتكم لي ..,

دمتـــــــــــــــــــم بحـــــــب ..,

اذكرو الله دائما · #2 (**permalink**) 26-10-2011, 04:39 AM

ام انو في الأخير اللي عندو واسطه هو اللي راح يترشح ؟؟
هذا شي طبيعي لاكن خلي واسطتك ربك واكثري من الاستغفار
وبالنسبه للمقابله نعم راح تكون اسئله بالانجليزي وعن تخصصك واسأله عامه واسأله لتحليل الشخصيه نفس اي مقابله شخصيه ... والمقابله الشخصيه طبعا كلها شفوي
انا خبره في المقابلات ...
وبالنسبه على اي اساس يتم الترشيح في ناس تقول حسب المعدل الجامعي والخبرات وسنة التخرج والدورات ..
وانا اقول حسب الي معاكي اذا كلهم واسطات راحت عليك .... لاكن انشاء الله انك تكوني من المقبولات
واخيرا ... نصيحه لا تشيلي هم نهائيا الي مكتوبلك راح تشوفينه ... خليكي ريلاكس جدا واهم شي ثقتك بنفسك
طبعا راح يحاولو يغلطوكي في المقابله خليكي واثقه من كلامك لا يتغير.. وايضا راح يحاولو يرفعون ضغطك يشوفو ردة فعلك ..
وانشاء الله اكون افدتك
وبالتوفيق
وبالتوفيق لكي

^يويو^ · #3 (**permalink**) 26-10-2011, 12:24 PM

اخوي الله يسعدك يارب ويفقك وربي ان لفرح لك من كل قلبي لو وظفوك

سامية المشاعر · #4 (**permalink**) 26-10-2011, 12:30 PM

موفق بإذن الله ... لك مني أجمل تحية .

مبرمج قد الدنيا · #5 (**permalink**) 26-10-2011, 01:58 PM

توكلي على ربك هذا اهم شي

لهفة مشاعر · #6 (**permalink**) 26-10-2011, 03:02 PM

اذكروا الله دائما مشكور ع التوضيح والرد .. وجزاك الله الف خير

محبوب نجد .. المميزة دوم .. مبرمج قد الدنيا
مشكورين ع الاهتمام والرد

وين باقي الأعضاء .., محتاجة ردود كل اللي جربوا او عندهم خبر !!