اتمنى تفيدوني بمسالة العمر

انا مخلص كلية ومعي حاسب ولغتين اجنبيه

وقدمت بموقع وزارة الداخليه وسجلت معلوماتي بكل دقه بما فيها العمر حسب البطاقه الشخصيه

وتم قبولي مبدئيا بمدينة تريب مكه

وسافرت لمكه

وحضرت الساعه 3 فجرا وانتظرت ومادخلونا الا تسع صباحا

وملفي معي وحالق راسي صفر ولبس رياضي

نادونا بالاسماء وخذو بطاقاتنا وطابقوها وبعدين ودونا بالباص داخل المبني

وجلسونا بالصاله ونادونا على حسب الاحرف الابجديه

ولما نادوني المكتب الي يختم الشهادات ناظر بالورقه الي فيها الاسماء وخذا بطاقتي

قال انت تعديت السن المطلوب بااربع شهور مانقدر نقبلك

ولم يتعب نفسه بالنظر في ملفي ولا حتى قال ويش مؤهلاتك ابداااا

قلت كيف تقبلوني وتعبوني واضرب مشوار واخرتها بكل بساطه تمشيني حتى ماتنظر في ملفي

قال كبيررر وعمرك فوق الثلاثين

قلت طيب انا بروح لمسؤل اعلى منك واقدم له شكوى قال والله لو تروح الامير محمد بن نايف نفسه مايفيدك بس لاتحرج نفسك محد يفيدك خذ القرار مني وتوكل على الله


بصراحه رده استفزازي ولم يكن محترم هل هو على حق انه السن مشدد عليه ولو يتعدى شهرين ولا اربعه

ولا حركه من الموظف هذا عشان يزحلقني ويجيب شخص واسطه بدالي

وهو مايدري ولا فكر انه منتظر قدام الباب من الساعه 3 الفجر كله نطرد ورى هالوظيفه

تكفوون لاتبخلون علينا

وهل فيه مجال اوصل لمحمد بن نايف او من ينوب عنه في مكه لاشكو له ماحصل معي وكيف ابرد حرتي فيه


مع العلم انه لايوجد لدي واسطه

واحنا عارفين الواسطه فوق القانون

صراحه تعبت ابي اتوظف عسكريوالملك يبي يوظف الشعب واصدر قرارات بذالك
بس وش نسوي بالصعاليك الي مقفلين الوظايف بوجيهنا
وحتى مايحترمون سعينا وتعبنا ويردون باحترام

ووش الحل ؟؟

الله يكون بعونك


مالك الاواسطه


لو تعدى بيوم السن 30


مايقبلونك

نصيبك يا رجال

نصيبك والكلام صحيح انهم ما يقبلون اللي عمرهم فوق 30 سنه لاكن سالفة ان لو تروح لمحمد بن نايف ما راح يقبلونك احب اقول لك لو رحت لمحمد بن نايف واراد ان يوضفك والله ليوضفك لو عمرك 40 عام بعد توفيق الله ..

شف اخوي العسكري معه حق في العمر

من شروطهم لا يقل عن 17 ولا يتعدى 30

ولكن الواسطه فوق الكل لو تدبر واسطه تدخل بكل سهوله وخاصتاً

ان عمرك توهـ 30 واربع شهور يمديك تلحق على عمرك ومالك الا الواسطه

روح للجيشاو روح شركه

موفق بإذن الله ... لك مني أجمل تحية .

يآعمي النظآم على عيني وراسسي .. بس لو مكانك وكلمني يأسلوب أستفزآزي .. مابقول له بشتكيك لفلان وعلان .. أبمسك وجهه وألصقه بالمآصه أسوي لوجهه صنفرهـ أنظف وجهه الأجررب ليه هو عآيش بالدنيآ لحاله " أتعب كل سنيني ويجي يرد بكل أستفزآز ...." ؟؟