~ من مواقف الأمير سلطان بن عبد العزيز -رحمه الله- مع العسكريين ..

الجعفر راجي · #1 (**permalink**) 27-10-2011, 03:35 PM

السلام عليكم ورحمة الله وبركاته

حبيت انقل لكم كم موقف مما قالوا الرجال اللي كانوا قريبين من سلطان ..

يقول احدهم كان الامير سلطان جاي لحفر الباطن لأن فيه استعراض عسكري ..
والعسكر هناك دام يقولون اذا جاء سلطان يوافق يوم امطار .. المهم الامير سلطان كان بالطائرة وعرف ان الجو بارد وممطر في الحفر ..
سأل الامير الرجال اللي معه وقال الحين هم يستعدون تحت المطر
قالوا له ايه ياطويل العمر قال الآن تتصلون عليهم وتقولون لهم يحتمون من الامطار والاستعراض نأجله ليوم ثاني .. الوقت مطر ما نبي نضرهم

وايضا له موقف آخر في حفر الباطن
كان الامير في زياره في وقت الشتاء و أحد العسكر لابس فروه .. وبعض الضباط كانوا يقولون له
ممنوع لبسها هنا .. والامير سلطان رحمه الله عرف انهم مختلفين مع العسكري لأنه لابس فروه على البدله
قال الامير لا ما نمعه ليه العسكري يعني ما يبرد ..خلوه يلبس الفروه وأمر الرجال اللي معه انهم يجيبون فرى لكل العسكريين اللي موجودين

وموقف آخر للأمير يوم كان جاي للقصيم وكان فيه الكثير في انتظاره بعضهم في مكتبه وبعضهم في طريقه ..
ومن ظمنهم كان فيه 3 شباب وطال فيهم الانتظار وموكب الامير تأخر كثير
والشباب ابتعدوا عن الناس اللي تنتظر الامير وجلسوا يرتاحون في مكان منزوي شوي ..
يوم وصل موكب الامير شافهم وقال لأحد رجال شف لي حاجته هالشباب
المهم ونزل لهم الرجل اللي تبع الامير واخذ وسيلة للتواصل معهم على شان يدخلون على الامير ويآخذون موعد معه ..
من بكرا طلبوا من الشباب انهم يجون للأمير سلطان الله يرحمه
الامير سألهم عن حاجتهم وطلبوا عده اشياء من ظمنها سياره لكل واحد فيهم
وقال لهم الامير وش بغيتوا بعد قال اصغر واحد في الشباب الثلاثه ..
انا خريج ثانوي ولا حصلت وظيفه .. قال وش الوظيفه اللي تبيها ..
قال الشاب انا ابي ادخل كلية الملك عبد العزيز الحربية ابي اكون مرافق لك يا سيدي
قال الامير ابشر على هالخشم ..
المهم الشاب دخل الكلية وتخرج ملازم .. لكن ما حصل له يكون مرافق مع الامير لأن الامير كان مريضا في الفتره الماضيه وفي رحله علاجيه ..
الامير سلطان توفي فجر السبت فعلم الضابط بوفاته والكثير من اللي حوله قالوا انه حزن بشده وتوفي هذا الملازم في حادث مرور ظهر يوم السبت .. ( اسأل الله ان يكونا سوياً في الجنه)

وموقف آخر للأمير عندما كان في رحلة او رحلة صيد في احد الدول والجو بارد
والعسكريين طبعا من واجبهم انهم يأدون دورهم بأي حال الامير واللي معه كانوا في الخيام والعسكر لا ..
الامير قال الحين الجو بارد وهم برا .. قالوا شغلهم يا سيدي ..
قال الان تطلبون شاحنه فيها فراء للعسكر وكل اللي شغلهم عندنا في البرد ..

ولا انسى الامير سلطان عندما اهدى ساعة يده الخاصه للأول على الطيارين (الملازم عبد الله القحطاني) من خريجي الدفعة العشرين من كلية الملك فيصل الجوية
http://www.youtube.com/v/g8bgutOrHr4?version=3&hl=ar_EG&rel=0

الله يرحم الامير سلطان ويغفر له ويوسع مدخله ويجعل قبره روضه من رياض الجنه
اللهم ابدله دارا خيرا من داره واهلا خيرا من اهله وزوجا خيرا من زوجه آآآمين
الله يذكرك يالخير يا سلطان الخير

[align=center][mark=#FF9999].[/mark][mark=#FF9999] لا إله إلا الله ,, فدا العسكرية

[/mark][mark=#FF9999].[/mark][/align]