اهلا وسهلا فيكم اخواني ..

وشكر خاص للمتألق الجميل سارق الدمعة

وانا اليوم سويت مقابلتي في الجامعة لوظيفة المشرف الاجتماعي

و اول ما دخلت عليهم صافحت واحد واحد فيهم .. وبعدها جلست

اول سؤال وجه لي الدكتور مطلق : وش مؤهلك .؟ وفي اي تاريخ استلمت الوثيقة ؟

الجواب : مؤهلي بكالريوس اصولل دين من كلية الشريعة

من اول ما تخرجت .. متى اشتغلت اول مهنة لك ..؟

اول ما اشتغلت بحثت عن مدارس اهلية بالاحساء ولم اجد , فأنتقلت الى الخبر واشتغلت معلم اسلامية لمدة تسع شهور وبعدها انتقلت الى الاحساء واشتغلت معلم اسلامية ايضا .. فصار عندي شهادتين خبرة .
وحاليا ايضا غيرت المدرسة هذه السنة ونفس الشي معلم اسلامية .

---- من هنا انتهت اسئلة الدكتور مطلق ..

الي جنبه بدأ يسألني .. كيف رواتب الاهلية ؟ الجواب : سيئة مرة .. لدرجة ان الخصم للغياب اليوم بيومين

بعدها قال لي ..؟ وش المواد الي درستها ؟ : الجواب : حديث - فقه - تفسير - توحيد - قرآن

------- من هنا انتهت اسئلة الشخص الثاني

اللحين الي جنبه الثالث .. وهو الي خلاني ارتبك اكثر ..

سألني سؤال واحد بس .. وش تعرف عن مهام مشرف الاسكان ؟
الجواب : والله الي انا خابره هو الي يتابع سكن الطلاب ويلبي احتياجاتهم .
قالي : لا .. انا اقصد .. كصفة عامة .. من غير الجامعة ..
قلت له .. ما عندي خلفية عنه ..

هنا انا من الارتباك ما قدرت اتكلم واقول له اني انا مقدم على مشرف اجتماعي ... !! وفي بالي اقول وش دخل مشرف السكن في المشرف الاجتماعي ..

بعدها اشكروني وقالوا لي الله يوفقك

بعدها قلت لهم تأمروني على حاجة !! .. قالوا لي تسلم ..

اخوي سارق الدمعة ... ما ادري هل في شي غلط في المقابلة .. ومتى بتطلع النتايج !

السلام عليكم ورحمة الله وبركاته
ياليت البنات الي راحوا المقابلة يقلون لنا شنو صار معاهم

بصراحة المقابلات اللي ذكروها الاخوان ولهم جزيل الشكر مافيها اي معيار للحكم ع الاشخاص اذا كانوا اوكي او لا ؟! ياليت اذا احد فاهم المعايير اللي من خلالها يستطيعون التمييز بين المتقدمين والاختيار ينورنا ؟!

واحة الورود اتوقع يحكمون على المظهر الخارجي والاسلوب بالحديث والمؤهلات والخبرات فقط هذا اللي استنتجه من الاخوان اللي اجروا المقابلات

اليوم طبعا انلطعت لطعه محترمه وكنت آخر واحد دخلت عليهم وشكلهم تعبانين ههههه

الدكتور مطلق العتيبي مريح جداً واستقباله لداخل يخليه ينسى التوتر انا راح مني التوتر بمجرد دخولي

وسئلني ( 1- ماهي مؤهلاتك ؟ 2-ماهي خبراتك ؟ 3- كلمنا عن عملك الحالي ؟ < تعمق معاي شوي بهالنقطه)

وغريبه ماسئلني عن الجامعه ومعلوماتي عنها وماسئلني عن المهما الوظيفيه للوظيفه المتقدم لها

------

فيه حاجه مضايقتني سئلني الدكتور مطلق متى استلمت وثيقتك وعطيته تاريخ قديم واستغرب وتداركت

وعطيته التاريخ صح بس انا خاااايف كثير أنه ما أخذ باله مني

والله يوووووووووووووووفقنا

الله يوفقكم يارب وتصير من نصيبكم الوظائف آآآمين رب العالمين
عقبالنا يارب نجتاز العملي ونرووح للمقابلة والقبول النهائي ان شاءالله

بس كلا المقابلات شباب والبنات أجل متى مقابلاتهم ؟؟؟؟

[align=center]
مساء الخير
كيفكم مع الانتظار يابنات
الله يوفقكم ياشباب ويجعل الوظايف من نصيبكم يااارب
واضح ان المقابلات كانت سهله وحلوه بس صدق وين البنات اللي سووا مقابلات مالهم حس..!
تعالوا طمنونا وش صار معاكم يابنات
[/align]

الانتظــار صعب ويتعب نفسيا" يا سينيوريتا .. الله يسهل الامور يارب

[align=center]
اي والله ياسعاده الروح حرق اعصاب بعد
آآمين الله يعين ويسهلها علينا يااااااااااااااااااااااارب
[/align]

السلام عليكم ورحمة الله وبركاته

كيفكم شباب وصبايا

انا اللي جالسه اشوف مقابلات الشباب لكن البنات مافي احد يطمن القلوب الراجفة للبنات

وينكم ..........

على الاقل الشباب معهم الاخ سارق الدمعه لكن نحن البنات حتى اللي سووا مقابلات ما خبرونا عن طبيعة المقابله

والله انا جالسه على اعصابي ومتوتره جدا

وما شفت الى الان احد مقدم على وظيفة مشرفه اجتماعيه المرتبه السابعه وينكم

انا مقابلتي الاسبوع الجاي يوم الاثنين 10_1_1433