متى اخر يوم مقابلات تتوقعون ؟؟؟ علشان نعرف متى نبدى ننتظر النتائج

آخر يوم الاربعاء الاسبوع القادم

الأخ سارق الدمعة

جزيت خيرًا على كل دلالة تفضلت بها .

لدي سؤال يهمني أمره بشده :

اجتزت الاختبار التحريري لوظيفة مشرفة اجتماعية و مقابلتي يوم الاثنين القادم بإذن الله

و أنا قمت بالتقديم المبدئي على الإعادة في جامعة الدمام ، و لا زلنا في بداية التقديم ، يعني أن الأمر سيطول

سمعت مؤخرًا بأن تقديمي على الوظيفة الإدارية - إن كتبها الله لي - سيحول دون التحاقي بالإعادة و سأحرم منها

و سمعت بأني إن رشحت سيبقى اسمي معلقا في ديوان الخدمة المدنية و حتى و إن لم أنال الوظيفة

لذا أصابتني الحيرة

و أنا في الحقيقة أطمح في الإعادة و لكني أخشى أن أخسر الاثنتين معًا .

آمل من حضرتك إفادتي

بالنسبة للبنات واللي لاحظته من تواريخ انه الاسبوع الحالي للشباب و الاشبوع الثاني للبنات و خصوصاا انه د مطلق عضو اساسي في مقابلة الشباب و البنات

الاسبوع الحالي لشباب والقادم للبنات , ومن بعده اسبوعين ايضا لشباب والبنات مجتازين الاختبار العملي

88

توقع شخصي

أخوي سارق الدمعه انا رحت المقابله يوم السبت وكان موعدي 10:30 وكن حاظر هنا الساعه9:45
ومادخلت الا بعد الساعه12:30 المهم مو هذا استفساري ههه

يوم دخلت المقابله كان فيه ثلاثه ما اعرف الا مطلق العتيبي المهم صافحتهم وقلت لهم مساء الخير وكيف الحال وضليت واقف يوم قالو استريح جلست بعد ما أخذو النموذج مني المهم أسألوني عندك دورات قلت اي عندي شهادات حظور في الاكسل والاكسس والبوير بينت قال مطلق طيب انت تشتغل قلت اي نعم الشغل مو عيب قال طبعا مو عيب قلت انا اشتغل حمالي بسوق الخظار قال ممتاز قال حق الاثنين الي معاه فيه اي سؤال قالو لا قال لي بالتوفيق ان شاء الله قمت وصافحتم مره ثانيه وطلعت
س/ هل الوضع هذا في المقابله مطمن مع انه في الاول والاخير التوفيق من رب العالمين سبحانه؟؟
ارجوك أخي الكريم سارق الدمعه تجيب علي في اسرع وقت ممكن وشاكر لك حسن تعاملك وحسن اخلاقك مع الجميع

دمت في حفظ الرحمن...بوفهد الوافي

الله يوفقك اخوي ابو فهد و يرزقك بالخير كله

السلام عليكم
مقابلتي كانت اليوم وتوني اوصل الرياض ... بسردها لكم با التفصيل ..
دخلت وسلمت عليهم طبعا لم اصافحهم لن في طاوله ومريحين في جلوسهم قلت بخاطري السلام نظر . نادى با اسمي الدكتور مطلق العتيبي فلان بن فلان الفلاني ؟ قلت اسمي الثلاثي .
استريح وجلست وخذو الاوراق مني .
اول سؤال :- من الدكتور مطلق قلت دبلوم سنتين قال مشاء الله وسكت الاستاذ صايل اردف السؤال هل الدبلوم معتمد قلت اي نعم ومصنف من الخدمه المدنية كانه مايدري اتوقع وصحح له الدكتور مطلق العتيبي .
سالني الشخص الثالث عن ثلاث اساله بمجال العمل واجبت على سؤالين بشكل سلس والسؤال الاخير لكيت فيه اشوي بس فهمته وقلته .
الاستاذ صايل الشمري :- هل ات مقيم با الرياض ؟ قلت اي نعم , لو انقبلت في الاحساء ماعندك مشكله كموقع ؟ قلت الوالد كان من سكان الاحساء وحنا من زمان كنا هنا وبا العكس احب ها المنطقه قال اوكي شي ايجابي .
الجميع بصوت واحد اوكي الله يوفقك مسكت الباب وانا ادعي ربي ان يكتب لي الخير ....

المقابله بشكل عام :- مضهر خارجي وثقه با النفس وحسن التصرف
وانصح المقبلين على المقابله الابتسامه والهدؤ مع اختيار الباقه با الحديث .

الله يوفقنا وياكم ودعواتكم تكفون