استمر + الصبر

تحويل نشاطك الى سطحه افضل خيار ممكن تطبقه خاصه ان سيارتك جديدة تحتاج فقط لتحويل الصندوق الى سطحه وحاول تراقب يومين اي سطحه كيف يركب السيارات وكيف ينزلها وكيف يربطها بعد كذا روح محل خطاط يسجل رقم جوال خاص بالسطحه ومكتوب فيه مثلاً الغامدي للسطحات لا تكتب اسمك الكامل او الثلاثي انتبه ترى عقدة السعودي موجوده بكل شي وحاول دايم يكون كلامك قليل لين تمشي امورك ياخي الدنيا بحاجه للمداراه

السلام عليكم ورحمة الله وبركاته ،،،
هذي اول مشاركة لي ويسعدني الرد على موضوعك
اولا اذا ما قدرة تنتصر على اول عقبه تواجهك بيع السيارة وخلك على الوظيفه اصرفلك
ثانيا اذا اصرارك مثل الجبل ثابت استخرج كرت تشغيل للسيارة واستقدم عليها تاشيرة عامل تحميل تنزيل باكستاني ، وصدقني من يوم تستلم التاشيرة دور على هوامير الكراتين الباكستان وبعها عليهم بنصف القيمه بشرط بشتغل على سيارتك ، والا اوصيك اتغابه قد ما تقدر معاهم لانهم يشوفونا اغبياء وما نفهم ولمن تتمكن من الشغل وتفهم الطبخه بدور العجله معاك وبتهيمن عليهم وبتحكمهم وبتطلع بدل السيارة عشرة وعشان اطمئك انت تجاوزت اصعب مرحله وهي استخراج السيارة ، ولعلمك كثير من الشباب ما قدر يعمل اول خطوه انت قمت فيها ، اصبر والطريق باوله وربنا يوفقك يا غالي

وعليكم السلام ورحمة الله وبركاته

والله اني شايل همك وهم الجميع


اخوي بما انك تشتغل من ورى صلاة الفجر الى الساعه 11ليلآ


اجل مالك الاتودي معلمات سولك دعايات بالمحلات التجاريه


والمدارس


صدقني والله انك تطلع فلوس من ورى الشغله


تقبل مروري

الله يوفقك اخوي وييسر امرك

انا بس ودي أعلق على نقطة الأجنبي فمادري ليش احنا مستغربين من تصرفات الأجانب إذا كان أول من يوقف ضدك هو السعودي

طبعاً كلامي ما جبته من قيل وقال .. لا، انا مجرب وعندي محل من تقريباً أكثر من ثلاث سنوات وشفت العجب من تصرفات السعوديين الي من أول ما يشوفك يمشي على طول والبعض والله يالربع انه ينزل من السيارة وبس يشوفك يقفي ويشغل سيارته ويمشي... لدرجة ان العامل يكون موجود وأنا بس واقف جنبه وتتكرر نفس المواقف طبعا صرت اوقف برى كأني زبون لاني صرت مثل البعبع للسعوديين.

من المواقف الطريفة الي صارت اني كنت مره واقف وجا واحد ونزل زوجته تشتري نزلت من السيارة ويوم وصلت باب المحل لمحني داخل .. وبواري وينادي زوجته ويرجعها ويمشون.

عموماً أخوي نصيحة لك خلك من سعودي وافتخر والكلام الي لايودي ولا يجيب ... الي يسألك انت سعودي قول لا أنا يمني أو سوري أو اردني أو أي شي بس لا تقول انا سعودي.

اذا تبي تشتغل بالحديد انا معك وانا من جده

السلام عليكم ورحمة الله وبركاته

والله لو انك قدامي كان حبيت خشمك

اسلام عليكم يناااااااااس اقنعوا بأن الارزاق بيد الله وخلوووووو الاجانب وله يشتغلون ويخاطرون ويتعبون وحنا ياكثر الاكلام الجانب والجانب00000 وأنت ياصاحب الدنه اتجاهك للكارتين خطاء والدنه فيه رزق بس اصبر اصبر وفكر مضبوط وبحث في الاسواق حتى تتنتج طريقه حلوه خل عملك ميداني 0000وأنس الاجانب لان الحسد ينزع البركه000 وأعلم بأن اساس النجاح الفشل باالتوفيق انشا الله 000مجرد رأي

موفق بإذن الله ... لك مني أجمل تحية .

السلام عليكم ورحمة الله وبركاته ... المعذره يا شباب ... أخوي إبن الهيلا والنعم والله تكفى يا ولد أنا داخل على ثم عليك ... أبي مشورتك في مشروع مثل مشروعك من البدايه وأنا عاطل وكل شي متوفر في المشروع بس ما أدري كيف أبدأ ... أعتذر على الإطاله وجزاك الله خير .