السلام عليكم ورحمة الله وبركاته

ياشباب بالنسبة للي مقدم على ( المرتبة الخامسة - نآسخ الة بلغتين )

انا كان عندي مقابلة اليوم الأثنين .. وكان موعد الحضور الساعة 5 مساء

توكلت على الله ورحت لهم ..

طلعت من البيت تقريبا حول الساعه 4 ، وكل شوي موقف عند بقالة ومرة عند بوفية > اخوكم كان

خرمان شاهي

وبعدها وقفت عند مغسلة اكوي الشماغ واشوف البرستيج حقي يناسب اني اكون موظف ولالا

المهم

كان المكان في مركز الجامعة الدور الرابع ،، يوم جيت الا قدامي خمس شباب حلوين ، سلمت

عليهم ، وجلسنا نسولف شوي ، وبدآ الوفد السعودي في الوصول للمقر

قعدنا طول الله اعماركم لين أذن المغرب ، قاموا ينادون بالاسامي ، ويخلونك تكتب اسمك وتوقع

انك حاضر للمقابلة ، وصلينا صلاة المغرب ، وبعدها قاموا ينادون علينا بالدور

كان المقرر حضورهم للمقابلة الشخصية 17 بس ماجاء الا 15 الاثنين الباقين الظاهر انهم

خارج الفورمة مدري ناسين عندهم مقابلة ولا طالعين البر ، الوكاد بسلامتهم

وكل مادخل واحد من اخويانا عليهم وطلع جانا يقول لنا وش صار عز الله انهم ذيابة

يوم جاء دوري الا وانا ادخل عليهم ، الا قدامي اربعة جالسين على طاولة وانت تجلس مقابل لهم

، سلمت عليهم وردوا السلام كلهم ، بصراحة حبوبين مرة ومتواضعين وكانوا قمة الذوق

سـآلني اللي في الوسط ، قال لي تكلم عن نفسك ، قلت له :

اسمي / فلان بن علان بن فلان الفلاني

عمري / .. هـ

ساكن في الحي الفلآني ، والحالة الاجتماعية أعزب

سـآل اللي ع اليسار ، مطوع حبوب مبتسم

قـآل لي ، لو تعطلت عليك لوحة المفاتيح شلون تطبع ؟

قلت له ادخل على (ابدأ) ومناك على ( لوحة التحكم ) وتطلع لي الطابعة

وقآل لي الاختصارات التـآلية وش تعني :

ctrl+c = قلت له هذي نسخ

ctrl+v = قلت له هذي لصق

ctrl+f = قلت له هذي بحث

ctrl+p = قلت له هذي تطبع

ctrl+b = هذي اللي جبت فيها العيد وقلت انها بعد تطبع وهي تعرض الخط

وفي الاخير قآل لي : لو تعطلت عليك لوحة المفاتيح شلون تكتب ؟

قلت له احمل البرنامج حق الطباعة من قوقل واكتب عادي ..

وجاء دور اللي على اليمين ، وسـآلني :

اخر مؤهل حصلت عليه كان عام كم ؟

وهل أنت موظف حاليا ولا عآطل ،،.؟

وخلال الفترة هذي وش سويت ، ؟

يوم جاوبتهم الا قـآلوا خلآص الله يستر عليك ويرزقك وبالتوفيق ان شاء الله ..

قلت لهم قبل مآاطلع ، متى موعد النتائج ؟

قـآلوا ، احنا بنتصل على المقبولين ، الله يجعلنا وياكم منهم قولوا آمين ...

قبل الختام :

ترى المقابلة سهلة جدا لاترتبكون ولا شي بالعكس رجال وداخل له على رجاجيل ،، وخليك مبتسم

وواثق من نفسك واذكر الله قبل تدخل عليهم واطلب من الله التوفيق ، مابه الا الله سبحانه ..

ولاواصيكم طبعا بالكشخة والترسيم ... والله يوفقنا ويآكم لكل خير .

موفق باذن الله
بس حلوه اشوف البرستيج .
طيب ومشغلي الحاسب الالي من عنده خبر ولى على الموعد ؟23/3/1433

يا جماعة الخير طالبين خطاب بالخدمة ماذا يعني الله يجزاكم خير

هلآ آخواني طيب مشغلين اجهزة حاسب عندهم اختبار مو مقابلة صح .. !!

نبي طريقة الاسئلة تكفووووون بلا سحبات .. !!

بانتظاركم ..

شباب الي عندة معلومة عن خطاب الخدمة يفيدنااااااااااا

السلام عليكم ورحمة الله وبركاته :
أبغى منكم ياشباب الوصف ( مبنى الإدارة العامة للنشر العلمي ومطابع الجامعة بالمدينة الجامعية بالدرعية) انا اعرف الجامعة نفسها بس المبنى وينه فيه بالضبط في الجامعة ) ... شاكر ومقدر تعاونكم معنا ... متمنياً لكم وافر الحظ والنصيب

بسم الله الرحمن الرحيم
السلام عليكم ورحمة الله وبركاته

أخواني أنا أحد المتقدمين على وظائف جامعة الملك سعود على وظيفة مسجل معلومااااااات
ولقد تابعة موقع جامعة الملك سعود ورايت موعد الاختبار وهو يوم الثلاثاء تاريخ 1433\03\22

لاكن المشكله يااخوان انني لم أطلع على اسماء المقبولين هل فيه اسماء اعلنو عنها لوظيفة مسجل المعلومات او انه كل من تقدم على هذه الوظيفة يحضر في الوقت المحدد أعلاه للامتحان ياليت احد يفيد اخوكم لأني خايف اضرب مشوار من شروره إلى الرياض وبعدين يقولون اسمك غير موجود
واذا فيه اسماء اعلنوا عنها لهذه الوظيفه ياليت تدلوني كيف احصل على هذه الأسماء
تكفوووون ردووو بأسرع وقت

مع تحيات فتى شروره