تجمع المتقدمين على وظائف الرجالية { جامعة الملك سعود }

الملازم نايف · #**161** (**permalink**) 21-12-2011, 04:59 PM

هههههههههههههههههههههه والله ماالومك ابد وحاس فيك
وكلنا منقهرين ونفس وضعك
بس مالنا الله الله ^_^
الله يوفقك يالطيب لكل الخير *

قصيميك · #**162** (**permalink**) 21-12-2011, 06:16 PM

اقتباس:

المشاركة الأصلية كتبت بواسطة ليمتى عاطل !

حتى القطاع العسكري القبول فيه صعب

قول انت ماتبي تتوظف ؟ البحريه فيها تقديم , القوات البريه فيها تقديم , الأمن العام دايم على النت ,الشركات فيها وظايف لليل , لكن انتم يالسعوديين لازم مكتب ومكيف , الله يهديكم ويرزقكم الجنه والوظيفه والزوجه الصالحه .

نواف الروقي · #**163** (**permalink**) 21-12-2011, 08:01 PM

لي انقبل السنه لي راحت ويشتغل في جامعة الملك سعود

اقول لهم مبروك ألف مبروك والله يوفقكم

وياليت تعطونا الاخبار كم يبي لهم ويطلعون الاسماء

قصيميك · #**164** (**permalink**) 21-12-2011, 08:11 PM

اقتباس:

المشاركة الأصلية كتبت بواسطة نواف الروقي

لي انقبل السنه لي راحت ويشتغل في جامعة الملك سعود

اقول لهم مبروك ألف مبروك والله يوفقكم

وياليت تعطونا الاخبار كم يبي لهم ويطلعون الاسماء

النتايج نهاية شهر 3 ياغالي , خذها نصيحه حاول تقدم في اكثر من مكان لان الموظفين بيختبرون معكم لتحسين مراتبهم , والوظايف قليله جدا , والأرزاق من عند الله , نصيحه اخويه قدم في كل قطاع واكثر من مكان , عشان لاتنصدمون بالنتايج .

الرسام انييستا · #**165** (**permalink**) 24-12-2011, 03:27 AM

[align=center]

اخر الاخبار الي وصلتني ..

قبل اسبوع ، الاسماء ارسلت من الجامعة لوزارة الخدمة المدنية عشان تطابق البيانات وتعلن من عندهم ( يعني الي يعرف احد بالخدمه المدنيه يستفسر منه )
عموما ، انا بإذن الله صبح السبت مواعد واحد تكانه وبإذن الله بجيب منه العلم الاكيد وبجيكم طاااير بس لا تنسوي من دعواتكم ، يارب اسمي يكون معهم.

مصدري
شؤون الموظفين بالجامعه

والله يوفق الجميع يارب

[/align]

نوافيتش · #**166** (**permalink**) 24-12-2011, 05:10 AM

اخوي الرسام انييستا

يعطيك الف عافيه على جهدك

وكلنا بانتظار افادتك

والله طفشنا من الانتظار

الله يوفق الجميع

الملازم نايف · #**167** (**permalink**) 24-12-2011, 10:50 AM

الرسام انيستا
جزاك الله خير الجزا ويوفقك لكل ماتتمناه ويكون اسمك من المقبولين
لكن غريبه يرسلون الاسماء للخدمه المدنيه وهم ماختبرو ولا سوو المقابله
يعني التوظيف مباشره بدون شي ولا شلون؟
ولاتبخل علينا باخر الاخبار الله يعافيك

عادل الضحيان · #**168** (**permalink**) 24-12-2011, 10:53 AM

السلام عليكم ورحمة الله وبركاته :
سؤالى الى العضو ( الرسام انييستا ) :

هل كل الاسماء الى قدموا عن طريق موقع جامعة الملك سعود راح تروح للخدمة المدنية ؟؟ حيث ان عدد المتقدمين وصل الى الآلاف !!! ارجو منك توضحي الية الاختيار بالنسبة للمتقدمين ... وبعدين بيني وبينك ممكن اعطيك اسمي تشيك لي انو اقبلوني ولالا خخخ ( عن جد اتكلم ) والله يوفقك ويسعدك ياطويل العمر

ليمتى عاطل ! · #**169** (**permalink**) 24-12-2011, 03:07 PM

اقتباس:

المشاركة الأصلية كتبت بواسطة قصيميك

قول انت ماتبي تتوظف ؟ البحريه فيها تقديم , القوات البريه فيها تقديم , الأمن العام دايم على النت ,الشركات فيها وظايف لليل , لكن انتم يالسعوديين لازم مكتب ومكيف , الله يهديكم ويرزقكم الجنه والوظيفه والزوجه الصالحه .

شف آخر رد لي حق الحرس الوطني

الرسام انييستا · #**170** (**permalink**) 24-12-2011, 04:26 PM

هلا بالجميع واعتذر عن التأخير.

قبل ادخل في التفاصيل، استحضرني مشهد سينمائي للكوميديان محمد هنيدي من فيلم (جاءنا البيان التالي) الي كان يجسد فيه دور مذيع تلفزيوني يجري لقاءات عن احتفالات رأس السنه، أجرى حوار مع احد المساجين ودار بينهم هذا الحوار.

هنيدي: اعزائي المشاهدين واحنا داخلين ع السنه الجديده بنقابل احد المواطنين نتعرف؟
السجين: متولي
هنيدي: عم متولي بمناسبة السنه الجديدة تحب تقول إيه ؟
السجين: اقول حسبي الله ونعم الوكيل

أما التفاصيل، فطبعا صحيت بدري، تكجولت وتروشنت ومريت المغسله اخذت شماغي وسيده ع وزارة الخدمة المدنية، طلعت الدور الثالت اقابل خويي قالولي انه مُجاز ، قابلت شاب لطيف وطلبت منه اتعرف على مكان الاستعلام عن معاملة توظيف ماقصر دلني بنفس الدور على صالة كبيرة فيها كمية اجهزة حاسب وأدراج ودواليب مالها آخر وللاسف مافيها إلا موظف واحد بس، مخلينه يستقبل طابور من المراجعين الي جايين يسفسرون عن معاملات رجال ونساء !!!!

وصل دوري بعد ساعة إلا ربع تقريبا، طلع الشاب هذا حبوب جدا ، بس للاسف طيبته هذي مصطنعة لأنه جالس على يوزر مافيه صلاحيات وماغير يطقطق بأصابعه ويدخل رقم الهوية الوطنية على الصفحة الي كلنا ندخلها من موقعهم المنسدح، يعني موظف ديكور ههههه

طلعت من عنده ( يائس ) وأنا ببالي أقرب طريق لماما نوره بدون زحمه، مير ألقى مكتب صغيرون وفيه واحد(ن) أجودي، قلت له بنشدك عن وظائف جامعة الملك سعود قالوا لي باشر السبت الجاي ويوم رحت أكمل اوراقي قالو دزينا ملفاتكم للخدمة، بس ابي اعرف وش مصيرها لا اكثر.

قال: هذي بتلقاها في الفرع !! قلت وش الفرع ياجدي ، قال ياخوي انزل عند السيكورتي وهو يدلك !! <<< وجع رده يذكرني بأحمد حلمي يوم يقول، هوا ليه مفيش حد طايق حد في البلد دي

نزلت السكيروتي وماقصر دلني على الفرع الي يبعد عن الوزارة ثلاثة كيلو تقريبا، وصلت هناك ونشدت عن الوظايف إياها ، وقالوا اطلع الدور الثاني عند واحد يقاله ن.ع هو المندوب حقها !!

يؤ يؤ يؤ .. وش سالفة المندوب ؟؟

ركبت المصعد وجلست اهوجس، كلمة (مندوب) ماهي بسيطه، لحظتها حسيت اني مقبل على مرحلة صاعقة تتطلب رباطة جأش، دخلت على مكتب المذكور وسبحان الله مقيولة (سيماهم في وجوههم) كتلة ضخمة هامدة على كرسي دوّار ترد من طرف خشمها على اشياء تصورك أنها ملكية فردية!!

شغلت اسطوانتي، يافلان انا صار لي كذا كذا ، وقالوا لي باشر السبت الجاي ويوم رحت للجامعة قالوا الاوراق عندكم وانا مدري وش اسوي؟

قالي - والفطور يلوك بخشته (الله يقلب تسبده) - ياخوي ماعندي شي، هم يختارون الملفات وتجيني جاهزة من عندهم وانا أأشر عليها هذا مطابق وهذا ماينفع!!

وبكذا نوصل للخلاصة ( حسب ماقاله المندوب حق الجامعه )
الأسماء رفعتها الجامعة منذ مبطي وبإختيارها ( المحسوبية )
يعني التوظيف عندهم بـ ( الـواو ) لا مسابقة ولا هم يحزنون
واليوم أنا ماقول غير ( يخرب بيت الدجل والنصب الاحتيال )
والحين ياحلوين تذكرتو مشهد ( حسبي الله ونعم الوكيل) ؟

تجمع المتقدمين على وظائف الرجالية { جامعة الملك سعود }

إستفسارات ونتائج الوظائف المدنية

بسم الله الرحمن الرحيم والصلاة والسلام على سيدنا رسول الله وعلى آله وصحبه وسلم طبعاااا الموضوع باين من العنوان بالتوفيق للجميع

تجمع المتقدمين على وظائف الرجالية { جامعة الملك سعود }

تسجيل الدخول

تجمع المتقدمين على وظائف الرجالية { جامعة الملك سعود }

إستفسارات ونتائج الوظائف المدنية

بسم الله الرحمن الرحيم والصلاة والسلام على سيدنا رسول الله وعلى آله وصحبه وسلم طبعاااا الموضوع باين من العنوان بالتوفيق للجميع

تجمع المتقدمين على وظائف الرجالية { جامعة الملك سعود }