السلام عليكم ..

يا جماعة أنا مقدم وظايف عسكرية ومن ضمن الشروط ألا يكون المتقدم موظف
حكومي .. وأنا حصلت اسمي موجود في مكتب العمل
مكتوب العامل على راس العمل ولا عرفت إلا قريب بعد ما دخلت موقع وزارة العمل وشيكت برقم السجل المدني .. مع
إني متكي في البيت ولا عمل ولا بطيخ، وبلا شك هناك من قام باستغلال اسمي .. وخصوصاً إني
جات عليّ فترة كنت أقدم في الشركات والمؤسسات الخاصة .. وكالعادة : حط ملفك ونتصل بك .

المهم يا جماعة ودي استفسر عن ما يلي :
هل لو راجعت المكتب سيتم اسقاط اسمي من قاعدة بياناتهم في نفس اليوم ؟
وهل سيتم استبعادي من القبول في حال وجدت تلك الجهة أني على رأس العمل ؟
وآخيراً ما هي الاجراءات اللازمة لأخذ حقي ممن قام باستغلال اسمي ؟ ولمن أذهب لكي آخذ حقي ؟

وشكراً لكم مقدماً

علشان تاخذ حقك مالك الا وزارة العمل



لكن شف الوزارة وانشب لهم لا تخليهم يخدرونك بالكلام الفاضي


وانتبه اسمك لا يكون تسجل بالتأمينات الاجتماعية هي المصيبه والله تاخذ سنين علشان تخلص هالموضوع

والله هاذي اتخوف ومادري عنهاااء

أولا" إنت مانت موظف حكومي إنت مسجل في وزاره العمل على إنك موظف في القطاع الخايس أقصد القطاع الخاص


لا تخاف حبيبي حتى لو عندك تأمينات إجتماعه يمديك تدخل العسكريه خد من العلم الأكيد تراني صادق

مثل م قال أخوي الفريق أول ركن
دام إنك موظف في قطاع خاص عادي جدا تقدر تدخل العسكريه وتتوظف ولا عليهم من أحد
أهم شي إنه مو قطاع حكومي
يعني لا تخاف أبد , لكن مهب مشكله إنك لو تروح وتشوف إسمك ذا بأي مكان وتشوف وش سالفتهم
أما بالنسبه للتقديم مثل م قلت م عليك خوف ي بعدي
أنا أخوي إسمه في شركة وماخذين شهادته الأصل ولا رضوا يعطونه إلا لما يدفع فلوس الدراسه
راح طلع بدل فاقد وقدم بالعسكريه والحين ينتظر رقم تعيينه وأموره ماشيه الحمد لله وإسمه للحين في وزارة العمل والتأمينات
عادي جدا دامها قطاع خاص

افادوك الشباب

لو انك موظف لانك في قطاع خاص وليس حكومي