[align=center]
السلام عليكم ورحمة الله


اخوتي الأفاضل في هذا المنتدى العريق

انا عندي مشروع بالمدينة اللي انا فيها ... بس المشروع هذا يتطلب مني اني كل يوم لازم العامل يضرب مشوار للرياض يجيب البضاعه ويرجع بنفس اليوم ... والمشوار من الرياض للمدينه اللي انا فيها يستغرق 300 كم ذهاب و300 اياب يعني 600 كم يوميا غير المشاوير داخل الرياض يجيب البضاعه ويرجع ...


هل يوجد عامل يتحمل هذا العناء ؟ وكيف اثق فيه ؟ وش الاجراءات اللي تخليه يخاف عشان مايلف ويدور وينحاش ويمكن يكره الشغله اليوميه هذي ؟ وأي نوع من العماله يمكن ان يتحمل هذا العناء (هندي , فلبيني , سوري , مصري مافي أمل , سوداني والا وشو )

هو شغلته بس يجيب البضاعه فقط وباقي اليوم مرتاح ...

هل ممكن القى عامل يتحمل المشوار اليومي 600 كم كل يوم ؟ وممكن يكونون عاملين يتناوبون عشان مايملون الشغله هذي ...


ومشكورين مقدماً ..


وسؤال الله يخليكم ....


كم أسعار شاحنات التبريد الديزل ... أبيها كاملة ... أبي مستعملة مثل اللي بهالصورة ..
[/align]

أخو الجميع
حياك الله
عندي اقتراح بسيط
ليش ماتعطي العامل بدل الراتب ( مقطوع ) يعني رايح جاي تعطيه مبلغ عليها كمثال ( 50 ريال) اسهلك في حساب تكلفة بضائعك و اريحلك من مماطلة العامل و اضبطها بشروط
صدقني بعدها لوتبيه يروح مرتين في اليوم ما عنده مشكلة
وبالنسبة للنقطة الثانية اليوم قريت اعلان في جريدة الحياة او المدينة من حلواني عن بيع سيارات تبريد.
موفق يالغالي

أخي الكريم مثل ماقال أخونا عبدالعزيز
وزد على ذالك أن تشتري مايكفي ليومين أو ثلاثة أو أكثر إذا كان في مجال ولايترتب على بقاء البضاعة عندك فسادها

بالتوفيق

لا طبعا بدون راتب ما له الا مبلغ معين
يعني كمثال تعطيه 50 ريال تروح للرياض و ترجع للديرة
انتي علمني وش طبيعة شغلك اللي تبيه من سواق الدينا بالضبط
و أنا اعطيك اللي اعرفه

شد على نفسك وخذ ثلاجات تبريد وراح توفر على نفسك يصير من كل يوم في الأسبوع مرة أو مرتين ويصير العامل بالراتب وكل مشوار مثل ماقال الأخ عبدالعزيز 50 أو 100 مصاريف وتستفيد من العامل في المحل....
العامل يمكن هندي أو باكستاني أفضل وهذه وجهة نظري0

فالك التوفيق

طيب تشترط عليه أن يكون موجود في محلك معه البضاعة كاملة و سليمة
ما يستلم البضاعة من المورد الا بعد مايشوف اللي انت تبيه من البضاعة
يعني :
1- رص البضاعة في السيارة بشكل آمن يضمن وصول البضاعة بدون تلف .
2- الوصول للمورد في الوقت المحدد واخذ البضاعة منه والذهاب الى منطقتك واستلام البضاعة منه ايضا في الوقت الذي ترغب بشرط اخذ المسافة في عين الإعتبار .
3- في حالة تغيبه عن العمل يتعهد بأن يأتي بسائق يغطي عنه فترة غيابه .
خل معاملتك معه كأنه ناقل خارجي
و أي سؤال تحت أمرك

افضل العمالة للنقل
الأفغان والباكستانيين