كل اللي صار معي في الامن العام 3/12 الاحد

ابي اي قطاع · #1 (**permalink**) 31-10-2011, 01:23 PM

السلام عليكم ورحمة الله وبركاته

اول شي اشكر الله سبحانه انها تيسرت معاي كذا ومشت اموري
ثاني شي اشكركم عضو عضو(

) لاني استفدت منكم الكثير من المعلومات
من ناحية التقاديم العسكريه خااااااصه الامن العام

طبعا وصلت من المدينه المنوره للقصيم الساعه 11 الليل يوم السبت
واخذت شقه طيبه و نمت و صحيت على الساعه 5 عاد مدري ان الاوقات مختلفه المهم انها راحت علي الصلاه و صليت و دعيت ربي انه يوفقني و يبعدها عني ان كان لي فيها شر
(رتبتي عريف)<< ماشالله
المهم و البس بدلة الرياضه و اتجه لمدينة التدريب رحت هناك عاد تعرفوا لابد من الزحمه و جا عسكري وقف عندنا و قال اللي اقول اسمه يروح للباب و يصف عالجدار
المهم انا طبعا ادري ان الحظ عااااثر في كل شي وتوقعت ان اصلا ان اسمي ما يكون موجود بالقائمه المهم سمعت (مشاري) كم مره احسب انا و يطلع مهو انا الزبده طلع اسمي تقريبا من اول 30 شخص و اقول الحمدلله تسهلت
وبعد انتهاء الاسماء دخلونا للميدان و دخلنا صالة احتفالات المهم جلسنا بالكراسي شوي قالوا اللي معه ثانوي بسسس يجي عالكراسي اللي باليمين و فرحوا و راحوا لليمين المهم قال العسكري يا شباب اليوم مافيه الا اللي على رتبة عريف ووكيل رقيب و كلها تحتاج شهادات و مؤهلات اكثر من الثانووي المهم كرشهم
شوي قال اللي معه ثانوي و دبلوم من 6 شهور وفوق الين سنه و نص يجون عاليمين و راحوا لليمين و الظاهر كرشوهم للرياض على رتبة جندي اول
انا للحين جالس على اعصابي المهم قاسوا الطول بالدور انا كنت بثاني صف
طبعا ومدري هم وش يقيسوا بالضبط الطول ولا الوزن ولا الطول و الوزن مع بعض لأن وزني زايد

المهم شافوا الشهادات اللي معي و قالوا روح للطول رحت و قابلت البيشي الله يعطيه العافيه و طولي طلع 174 ولله الحمد وقال الوزن لارحت بالكشف الطبي يقيسونه هناك ارتحت
المهم و جلسنا ننتظر دورنا في تعبئة البيانات الاساسيه طلب الالتحاق مع العسكري و و عبيناه و بعدين عطونا ورقة الموعد و رحنا بعدها للكمبيوتر يسجل الرتبه و ارقام الجوال للتواصل
المهم بعدها عطونا اوراقنا و ملف الالتحاق و قالوا تجون بالموعد المحدد لكم انا موعدي الجاي انشالله في 11/1

##طبعا ملاحظات صارت هناك##
1/ في 2 معهم واسطات و اخذوا منهم الطول و كل شي قبلنا عاااادي كل واحد يدبر نفسه<< غير مهم
2/ قالوا تعالوا بالزي الرياضي و حلاقة الشعر مكينه (1) و مافي الا انا و كم واحد اللي مطبقين هالكلام لا و انا جاي حالق راسي زيرووو لكن الاغلللللللب ثياااب و شعورهم طويله ولا دققوا على عالموضوع
3/ التنظيم كان جيد مع انهم طولوا علينا يعني المفروض مخلصين الساعه 10بالكثير لكن ما طلعونا الا 11:30 الظهر<<< عااااادي المهم انقبلنا
4/ الطول طبعا ا واحد قدااامي رده البيشي عشان سااانتي واحد بسسس و ادري انه حرام لكن هذا الصح
لان لو بيمشوه كان مشوا اللي طوله 166 و هكذا... شوي الا العسكريه كلها اقزام

...............................
الله يوفق الجميع و دعواتكم لي بالقبول النهائي

وسلااااامتكم

كل اللي صار معي في الامن العام 3/12 الاحد

إستفسارات ونتائج الوظائف العسكرية

السلام عليكم ورحمة الله وبركاته اول شي اشكر الله سبحانه انها تيسرت معاي كذا ومشت اموري ثاني شي اشكركم عضو عضو(:w) لاني استفدت منكم الكثير من...

كل اللي صار معي في الامن العام 3/12 الاحد

تسجيل الدخول

كل اللي صار معي في الامن العام 3/12 الاحد

إستفسارات ونتائج الوظائف العسكرية

السلام عليكم ورحمة الله وبركاته اول شي اشكر الله سبحانه انها تيسرت معاي كذا ومشت اموري ثاني شي اشكركم عضو عضو(:w) لاني استفدت منكم الكثير من...

كل اللي صار معي في الامن العام 3/12 الاحد