يعني هم بيشاورونا ع الوظيفه اذا نبيها اولا ؟؟

ع حسب ماسمعت يخيرونك ثلاث وظاائف اذا رفضتيها خلاص يستبعدونك من حافز

الله يوفقك

بالتوفيق

الله يوفقك ويوفق الجميع

يوفقك ويوفق الجميع بس يااختي اللي ماحصلت مواصلات كلميها واشرحي لها ضرفك احسن لك ,, والله يوفق كل عاطل والله يرزقني بوضيفه سنعه قولوا امين ,, امين يأررب

حافز بيسرمك فيكم البحر < < ههههههههههههه
عادي لا تنسي اسئليها قولي لها في تجديد مع حافز 6 سنوات قدام وكذا ههههههههههه
بروب خخخخخخخ

الله يوفقكم ان شاء الله


هذا رد وحده دقوا عليها وهم من جده مثلك :


السلام عليكم ورحمة الله وبركاته ...

ببدا بالموضوع على طول .......

بدايتي زيكم سجلت بياناتي ... بعدين طلبوا مني احدثها وتم التحديث ...

وبعدها باسبوع جتني مكالمه من وحده وعرفت بنفسها انها من برنامج حافز مركز طاقات ..

وطلبت مني الحضور لاجراء مقابله وحددنا الموعد المناسب لي ...
(متعاونين جدا من ناحية الوقت )


ورحت باليوم المتفق عليه ..

وكان المكان بجده طبعا والموقع هو مبنى الموارد البشريه الدور الخامس مركز طاقات وارسلوا لي التفاصيل على الايميل والعنوان ..


طبعا الموقع بعيد جدا جدا عن بيتي انا بشمال جده وهو بأخرها .. لكن الحمد لله وصلت على الوقت ..

دخلت لقيت بنات زيي ينتظرون سجلت اسمي عند االدخول ..

وانتظرنا شوي وبعدين قسمونا مجموعتين بقاعتين مختلفه وكل قاعه جتنا محاضره ...

وشرحت لنا فكرة البرنامج ومعلومات عن شركة طاقات (INGUES) .
طبعا هالشركه ماسكه جده بس والرياض اتوقع شركه ثانيه


طبعا الشركه شركه استراليه لها خبره بموضوع القضاء على البطاله ولها تجارب ناجحه ب 8 دول ولهذا السبب تم الاستعانه بها .......

وبعدين شرحت لنا فكرة البرنامج وكيف راح نسوي .. وعطونا ملفات فيها اوراق ومعلومات عن كل شئ ..

ولما خلصت جلسنا ساعه تقريبا .. طبعا لما كلمتني قالت لي انه لازم اجلس عندهم ساعتين يعني تعطيك خبر كم المده ..

طبعا لكل متقدمه مشرفه خاصه بالتوظيف لها ..

بعد المحاضره اخذت فينا جوله عالمركز وعرفتنا على اماكن العمل الخاصه بالمتقدمات دورات المياه ومكاتب المحاضرات وكذا ..
بعدها ..
جو المشرفات الخاصات بالتوظيف وكل وحده نادت اسم وحده مننا ..

واول مقابله معاها تكون تعريفيه تتعرف فيها عليك وعلى طوحك وطلباتك ورغباتك الوظيفيه وكذا ..

وبعدها تحدد مدى جاهزيتك ...

طبعا الفكر بشكل عام انه راح تستمرين بالمركز لمدة 4 شهور يتخللها لقاءات متكرره بالمشرفه الخاصه فيك و محاضرات تطويريه لمهاراتك الذاتيه مثل
طريقة عمل سيره ذاتيه ..
فن اجراء المقابلات الشخصيه ويصلحون لك مقابله للتجربه وكذا ..
كيفية البحث عن وظيفه بالطرق الصحيحه ..
وعلى هالمنوال باقي المحاضرات تكون ..
طبعا بعض ورش العمل تستمر لمدة 3 ساعات ..
وكل محاضره راح يعطونك واجبات وتطبيقات تسوينها لهم اما بالبيت او بالمركز ومخصصين مكان عمل خاص تتوفر فيها اجهزة الكمبيوتر وتلفونات لاجراء طلبات التوظيف الي تلقينها ...
وطبعا خلال هالـ4 شهور يتم توظيفك ان شاء الله وتستمر مشرفة التوظيف بمتابعتك اول 3 شهور للاطمئنان من راحتك واستمرارك بالوظيفه

طبعا المده ال 4 شهور تطول وتقصر حسب جاهزيتك وحسب عطاءك معاهم بالمحاضرات واللقاءات ..

انا لظروف خاصه طلبت تأجيل موضوعي وانتظر الرد منهم

طبعا بتسألوني وش مؤهلاتي الي خلتهم يكلموني قبل بعضكم اقولكم شهاده جامعيه وبس يعني الاختيار عشوائي بالكمبيوتر و مالها دخل المؤهلات وكذا بالاسبقيه ..

وايضا للمعلوميه الوظايف كلها اهليه وليست حكوميه ..





وموفقين وان شاء الله اكون افدتكم ...
ودعواتكم لي يتحقق كل الي اتمناه ويصلح ذريتي يارب ..

اهلين وسهلين اختي الكريمه حلا العبدالله مشكوره كثير على النقل الرائع والله يعطيك العافيه سلمت يداك اختي الكريمه على النقل اللي ان شاء الله يستفيد منه الكثيرمن هم من سجل في هذا البرنامج والله يوفق الجميع .. تحياتي لـشخصك الكريم ,, ولاتحرمينـا من اي معلومه يخص برنامج حافز للعاطلين والباحثين عن العمـل وان شاء الله نسمع بالايام القليله القادمه المرحله الثالثه لهذاالبرنامج وباذن لله سيستفيد منها من له الاحقيه في هذه الاعانه التي امر بها الملك اطال الله في عمره وسدد خطاه ,,

معك قلبي ~

جزاك الله خير ان شاء الله ..

وانا ما كنت اعرف عن بدايه المرحله الثالثه ولكن لاحظت ان اللي دقوا عليها من مدينه جده فقط ..

وان شاء الله احنا بعدهم , ونشوف وش راح يصير وش بيقولون لنا , ون شاء الله نكتب تجاربنا هنا

حتى يستفيد منها اللي راح يروحون عقبنا ..

يعطيك العافيه و ربي يوفقك ويسعدك ..