من سوالف الشيبان .. عن الزواج

يقول واحد من الشيبان ان النساء في وقتهم كانوا قليل جدا
واللى عنده بنت تحصل كل القبيله تدري عنه .,
وكل شوى قدامه رجل يتميلح .,
يقول والله إنى كنا نسافر من مكان لمكان عشان نسمع ان فلان عنده بنت وباقي ما تزوجت .,
نروح نخطبها ..

معقوله كانوا النساء عليهم كل الطلبيه هذى ..؟
يعنى وصلوا لمرحلة الانقراض إلا شي بسيط ..دوعابه الانقراض..

( جعل السونبق ماينبوق )

^
^
^
^
هذي الجمله تطلقها عمتي عندما تشعر بالغضب من احدهم وخصوصا صغار السن

هههههههههههههههههههه اتحدى اذا عرفتوها

محدثتكم اللى اليوم ماتعرفها هههههههههههههههههههه

سونبق ب...؟؟؟
اييش الهرجة لا احنا دعاوي عجزنا غير
١- صعقتن تبرمك
٢-طايفن يزلبك
٣-مرن يمر تسبدك
٤-لا وجملة عجييبة تقولها وحدة أعرفها
هيّّن أوريكم ياعيال الشياطين؟؟؟؟مدري وش قصة اومها
ايه صح
صلّوا فصليصل وإلى الحين مدري وش صليصل
صلّوا فصالٍٍٍن يصلى جلدكم
قوموا فقاامّة
واذا مسخوها ماقاموا وحدة من ثنتين
١-نومة أهل الكهف
٢- نومة جدي اللي نام وماعاد قام
هالجملة بالذات تفززع والنايم يطييير طيرااان للباب
ههه
لاا وإذا صار أي حديث فأي موضوع فيه واحد عاصي
تنط لك وحدة ايه النار موعوتن ملاها
يعني رعععب بعيد عنكم طفولة قاسية اهي اهي

يا الله والله من جد رغم عيشة الشقا اللي عاشوها...وبعض الأحيان يكون كلامهم جلف ومايعرفون يجاملون
بس من جد الموضوع هذا .. يوسع الصدر(أجمل مافيهم بساطتهم..وطيبة قلوبهم)

أتذكر من قصصهم
إنه زمان ماكانوا يعرفون يصلون صلاة العيد..وماحد يعرف يصليها غير رجال واحد(ناسيه إسمه)
المهم
وكل الجماعة كانوا يصفون عنده طابور عشان يصلي بهم..
ولايجون مع بعض..كل شوي يجي واحد يقول له أبغاك تصلي بي صلاة العيد
طبعا أخونا جزاه الله خير..يصلي بهم كل واحد لوحده..وياخذ عليهم ما أدري كم قرش..مقابل إنه يصلي بهم
>>متاجرة حتى في الدين(بس ربي يعطيهم على قد نيتهم)


وأتذكر زمان يقول خالي صليت في مسجد..وصلى معاي واحد من الشيبان
والشايب على طول سلم..ماجلس للتحيات
قال له خالي وش بلاك..ليش ماقريت التحيات..؟؟!!
قال له: يارجال والله الصلاة هذي دوبهم جابوها ..ماكنا نعرفها زمان..!!

شكراً جزيلاً يانسيمـ وإن اشتقت لأن يكون لي جد وجده عائشين إلآ أنه بهذا الطرح عشت معهم !
شكراً لكم

الله يخلي لكم جدانكم وجداتكم قصصكم حلوة قريتها كلها
أنا كل جداني وجداتي توفوا إلا جد واحد ربي يحفظه كل سنه يتعيد عندنا
ونجلس بالبيت علشانه ربي يطول بعمره ..
احنا نقول أبوي فلان أمي فلانه ..وأمي الحين تقول لولد أخوي لا تقول جدتي
قل يمه يمكن لأنها ماهي دارجه عندنا جدتي
أمي جده متزوجه وهي أم 13سنه ومع أبوي يجونها البنات وتطلع وياهم يلعبون
بالسكة وهي لابسة بشيتها >>عباية

سالفة جدي أو أبوي س يحكي لنا أن أبوه يضربه ضرب لين يعض الأرض ومرة
عصب عليه وركله برجله إلا هو صاك بالــ .. <<نسيت اسمه بس هو شيء
له علاقة بالماء
ومرة جدي يبي يحمل على الحمار ..اللأولين يركبون الحميرالمهم أن الحمار رفسه
بقوه إلا هي براس جدوو>>ماتقلد
وللحين الإصابه براسه بس تدرون وشلون عالجوها الأولين ..قامت جدتي وخذت
ودك<<يعني مخلفات البقرولطسته براسه ووقف النزيف وطابت الطقه فيه
وللحين يذكرها ويشرح يرفع الشماغ ويقول شوفوا الضربه مليون مره يعيدها
كل ماجانا إلى متى ياجدوو ترانا ملينا

نسيم الماضي
..........شكراًلك.

__________________
"لله دُر أمي إذا ابتسمت
تهادت جروح قلبي والتئمت"