ايه صح ذكرت عمة ابوي الله يرحمها كانت معروفة بقوة باسها
بس أبوها زوّجها واحدن هي ماتبيه ولا قالت ماابيه المهم هالرجال ديرته بعيده عن ديرة
أهلها ويوم عرسها شدوا لديرة زوجها وطبعاً زواجهم أول بدري الساعة٨ كل شي خالص
يوم وصلوا ديرة زوجها مااش ماجاز لها الوضع ولما نام الرجال شدّي وارجعي لديرتس بنص
الليل طبعاً البعد بين الديرتين لانهم يشدون رجلية يعني مشي وهي تمشي بالطريق نامت
وقامت على صوت ذيب بس ماشاء الله كملت مشوارها مارجعت ليين وصلت بيت أهلها المهم
الرجال صحى من نومته ولا حوله مره وخااف وراح لابوها يقول ان المره مالها أثر وكان خايف
من ردة فعل ابو زوجته ويوم وصل الا ابوها يستقبله وهو تسنه مهبول يقول ان بنتك مالقيتها
قال الأبو بنتي وعندي وماتبيك رجل لها طلقها وكان مجبور يطلق لان زوجته طلعت مادرا عنها
وذي عيبة بزمنهم يعني انت ماحافظت عليها ومنت كفو تاخذها المهم طلقها ورجع ديرته

هذي قصه حقيقيه تقولها جدتي عن الثعابين اللى تنتقم تقول فيه ولد من الباديه تقول قام وضرب ثعبان اسود رجع الولد وخبر اهله انه ضرب ثعبان في الوادي يوم يرعى الغنم قامت امه وشبت النار وقالت خط الله وعويض الله منك ان كان تبي الساني ( الجمل) وراك وان كان تبغي الغنم الغنم وراك وقام الثعبان وذبح 7 من الغنم و اكل جمل بصراحه قصه تخوف

^^^
بسم الله العظيم الأعظم جد تخووووف القصة
بس اذا فكرتوا راح تلاقون ان الرسول اللهم صلّ وسلم عليه
نهى عن قتل الثعبان والواحد إذا شاف ثعبان فبيته
يقول أعوذ بالله من ان تكوني في داري ثلاث مرات واذا اتجهت للباب
يتركها اما اذا ماجابت خبر تنذبح عادي وبعدين الصلاة على الرسول
اللهم صلّ وسلم عليه تخلّي الثعبان مايتحرك سبحان الله تجمده بمكانه
واعتقد ان النهي عن قتلها جاء لان بعضها يكون متلبس اللهم صلّ وسلم عليه

شـكرا لك وبارك الله فيك ... لك مني أجمل تحية .

^^^^
هههههههههههههه ملاحيب نجد ترى بحر الهلاك فيوزه ضاربه
بحر الهلاك اليوم 5-12 الحق اتجهز للحج احفظ كتاب المناسك

نسيم موضوعك روووعه وسوالف الاعضاء اعطته جمال لا يوصف يازين
سوالف الاولين(نسيم حاولت اقيمك بس داخله من جوالي وبداء يخبص بالتقيم
لكن ان شاء اقيمك
هذي سالفه لجدي زوجوه اهله وهو صغير ومايعرف ان الليله عرسه لانه كان يشتغل عند عمه بالمدينه
المهم يوم وصل لاهله قالو له روح لزوجتك (هو مايدري من هي
يوم دخل وشاف زوجته يجلس عندها لين نااامو اهله ويحط رجل
ويهرب للمدينه ههههههه مستحي منها هههههههههه يا حياة الشقاء ههههه
عرفوا اهله بالسالفه وياخذون زوجته ويودونها له بالمدينه هههههههه ابوكم هو مفرك منها ومستحي ليش
تودونها ههههههههههههه لبى حياتهم كلها تساهيل