اقتباس:
المشاركة الأصلية كتبت بواسطة جانيت
يا الله والله من جد رغم عيشة الشقا اللي عاشوها...وبعض الأحيان يكون كلامهم جلف ومايعرفون يجاملون
بس من جد الموضوع هذا .. يوسع الصدر(أجمل مافيهم بساطتهم..وطيبة قلوبهم)
أتذكر من قصصهم
إنه زمان ماكانوا يعرفون يصلون صلاة العيد..وماحد يعرف يصليها غير رجال واحد(ناسيه إسمه)
المهم
وكل الجماعة كانوا يصفون عنده طابور عشان يصلي بهم..
ولايجون مع بعض..كل شوي يجي واحد يقول له أبغاك تصلي بي صلاة العيد
طبعا أخونا جزاه الله خير..يصلي بهم كل واحد لوحده..وياخذ عليهم ما أدري كم قرش..مقابل إنه يصلي بهم
>>متاجرة حتى في الدين(بس ربي يعطيهم على قد نيتهم)
وأتذكر زمان يقول خالي صليت في مسجد..وصلى معاي واحد من الشيبان
والشايب على طول سلم..ماجلس للتحيات
قال له خالي وش بلاك..ليش ماقريت التحيات..؟؟!!
قال له: يارجال والله الصلاة هذي دوبهم جابوها ..ماكنا نعرفها زمان..!!
|
اضحك الله سنك ., جانيت .,
سبحان الله كان فيه جهل عجيب عندهم
اجل الناس صافه طابور كل شوي واحد جايه بيصلي العيد ., لا وبدراهم بعد ..
بس والله تبقى نوايهم وطيبتهم ., تجمعهم بالخير .,
اما راعي التحيات ., والله مت عليه ضحك .,
جد والله يافيه قصص كثيره تموت ضحك .,
جانيت اسعدني تواجدك الرائع ., شكرا لك ..
اقتباس:
المشاركة الأصلية كتبت بواسطة ≈●• أُتـرَجة •●≈
شكراً جزيلاً يانسيمـ وإن اشتقت لأن يكون لي جد وجده عائشين إلآ أنه بهذا الطرح عشت معهم !
شكراً لكم
|
العفوا اختى اترجة .,
رحم الله اجدادك ., واسكنهم فسيح جناته .,
يكفى الاحساس بالماضي بمن حولنا ., منهم نتعلم ., ونتعرف على شي من حياتهم ,
انثري شي مما سمعتيه منهم هنا ., وشاركينا بشي من عبق الماضي .,
ولكي كل الشكر والتقدير .,
اقتباس:
المشاركة الأصلية كتبت بواسطة Hejabi Najaty
الله يخلي لكم جدانكم وجداتكم قصصكم حلوة قريتها كلها
أنا كل جداني وجداتي توفوا  إلا جد واحد ربي يحفظه كل سنه يتعيد عندنا
ونجلس بالبيت علشانه ربي يطول بعمره ..
احنا نقول أبوي فلان أمي فلانه ..وأمي الحين تقول لولد أخوي لا تقول جدتي
قل يمه يمكن لأنها ماهي دارجه عندنا جدتي
أمي جده متزوجه وهي أم 13سنه ومع أبوي يجونها البنات وتطلع وياهم يلعبون
بالسكة وهي لابسة بشيتها  >>عباية
سالفة جدي أو أبوي س يحكي لنا أن أبوه يضربه ضرب لين يعض الأرض  ومرة
عصب عليه وركله  برجله إلا هو صاك بالــ .. <<نسيت اسمه بس هو شيء
له علاقة بالماء
ومرة جدي يبي يحمل على الحمار ..اللأولين يركبون الحمير  المهم أن الحمار رفسه 
بقوه إلا هي براس جدوو >>ماتقلد 
وللحين الإصابه براسه بس تدرون وشلون عالجوها الأولين ..قامت جدتي وخذت
ودك<<يعني مخلفات البقرولطسته براسه ووقف النزيف وطابت الطقه فيه
وللحين يذكرها ويشرح يرفع الشماغ ويقول شوفوا الضربه مليون مره يعيدها
كل ماجانا إلى متى ياجدوو ترانا ملينا
نسيم الماضي
..........شكراًلك. |
الله يرحم اجدادك ., ويسكنهم فسيح جناته .,
ويحفظ الحي منهم . ويمتعه بالصحة والعافية .,على طاعة الله .,
اما سالفة جدتك الى متزوجة وهي صغيره ., وتطلع تلعب هههههههههههههآآآي والله فله
وحياة بسيطه .,
اما السالفة الثانيه .,
تموووووووووووووووووت ضحك والله .,
وخاصة العلاج الشعبي اللى تعاج فيه
ذكرتنى بسالفة رح اذكرها بإذن الله ..
اشكر حضورك الرائع ..
الله يحفظ جدتك ويشفيها .,
والله قصة تقطع القلب ., حراآآم والله 
اتخيل شكلها وهي تشهد موت ولدها .. لا واللى تسبب فيه من ..!!
أه والله ياحياة الشقى.,
ملاهيب كل الشكر والتقدير لحضورك الرائع ..
اقتباس:
المشاركة الأصلية كتبت بواسطة ضيقتني وثيقتي
انا كان جدي ابو امي الله يرحمه توفي من سبع شهور
المهم اذا جلست بمجلس ماتمل منه شعر وسوالف وقصص
كان حكمه رحمة الله عليه ..كانت روحه مرحه
ان شاء بحاول اجيب لكم شي من قصيده وسوالفه
|
اهلين وسهلين .,
ننتظر منك ., سواليف وقصص وعبق الماضي .,
شكرا لحضورك ..
الجميل حضورك استاذي .,
والله إنى استمتع وانا اقراء شي من قصص وسواليف الاولين .,
استاذى اسعدني حضورك ., وننتظر منك تسطير شي تنقله من سواليف وحكاوي الاولين .,
شكرا لك .,
اقتباس:
المشاركة الأصلية كتبت بواسطة فله والاقزام
لما نتكلم احنا البنات عن الزوج والفستان والتصوير والكيك والعصير يقلون الحريم الكبار الله يرحم زمان اول
كانت الوحد ما تدري ان اليوم زواجها تجي المغرب مع الغنم وتتفاجاء عاد اذا مسكوها روشوها واذا ما مسكوها مطاردات بالجبال وفي وحده جلسوا يدورونها خمس ايام هذا كله من الخوف.
|
هههههههههههههههههههههآآآآي
والله جد شي يضحك ., اتخيل جايه من الغنم .,
وهم يمسكونها .. ويروشونها .. يالله زواج ..
وين التجهيز اللى الحين .. تجلس الوحده اقل شي ست شهور ..
وهي كل شوي من سوق لسوق .. ومن مشغل لمشغل ..
اشكر حضورك ..
عودة حميده .,
سمعت شي من ذالك .,
في عهد الملك عبد العزيز ,, او ما شافوا السياره كان ناس تركض خايفه
يحسبونها داب .,
وناس قربت لها البرسيم (( اقصد السياره )) تبيها تاكل ..
لا ويوم طلع التلفون قالوا عنه سحر .. وحرموا استخدامه ..
سواليف وقصص ممتعه .,
شكرا لك ملاهيب .,
اقتباس:
المشاركة الأصلية كتبت بواسطة حُلُمي التدريس
ايه صح ذكرت عمة ابوي الله يرحمها كانت معروفة بقوة باسها
بس أبوها زوّجها واحدن هي ماتبيه ولا قالت ماابيه المهم هالرجال ديرته بعيده عن ديرة
أهلها ويوم عرسها شدوا لديرة زوجها وطبعاً زواجهم أول بدري الساعة٨ كل شي خالص
يوم وصلوا ديرة زوجها مااش ماجاز لها الوضع ولما نام الرجال شدّي وارجعي لديرتس بنص
الليل طبعاً البعد بين الديرتين لانهم يشدون رجلية يعني مشي وهي تمشي بالطريق نامت
وقامت على صوت ذيب بس ماشاء الله كملت مشوارها مارجعت ليين وصلت بيت أهلها المهم
الرجال صحى من نومته ولا حوله مره وخااف وراح لابوها يقول ان المره مالها أثر وكان خايف
من ردة فعل ابو زوجته ويوم وصل الا ابوها يستقبله وهو تسنه مهبول يقول ان بنتك مالقيتها
قال الأبو بنتي وعندي وماتبيك رجل لها طلقها وكان مجبور يطلق لان زوجته طلعت مادرا عنها
وذي عيبة بزمنهم يعني انت ماحافظت عليها ومنت كفو تاخذها المهم طلقها ورجع ديرته
|
ول ول ول .,
والله معه حق الرجال يخاف وينشلع قلبه .,
بس والله قوية قلب ..
اشكر تواجدك الرائع .’,
وامتعتنا قصصك الجميله ,’
اقتباس:
المشاركة الأصلية كتبت بواسطة فاتنه
جدتكي عايشه برا؟؟؟؟؟
اللي اعرفه ان زمان السعوديه مافيها قطار |
القطار موجود في السعوديه من سنة 1370 هـ
اقتباس:
المشاركة الأصلية كتبت بواسطة كفايه بطاله
هذي قصه حقيقيه تقولها جدتي عن الثعابين اللى تنتقم تقول فيه ولد من الباديه تقول قام وضرب ثعبان اسود رجع الولد وخبر اهله انه ضرب ثعبان في الوادي يوم يرعى الغنم قامت امه وشبت النار وقالت خط الله وعويض الله منك ان كان تبي الساني ( الجمل) وراك وان كان تبغي الغنم الغنم وراك وقام الثعبان وذبح 7 من الغنم و اكل جمل بصراحه قصه تخوف
|
سبحان الله .,
هذا جان مو داب .,
خاصة الاسود حضر منه الرسول صلى الله عليه وسلم .,
حتى حصلت قصة في عهد الرسول ان رجل قتل حيه سوداء فمات عندما ماتت
ورجل قال للثعبان اخرج او اقتلك .. فخرج ..
فاتوقع انه جان .. في هيئة ثعبان .,
اشكر حضورك .,
اقتباس:
المشاركة الأصلية كتبت بواسطة ضيقتني وثيقتي
نسيم موضوعك روووعه وسوالف الاعضاء اعطته جمال لا يوصف يازين
سوالف الاولين(نسيم حاولت اقيمك بس داخله من جوالي وبداء يخبص بالتقيم
لكن ان شاء اقيمك
هذي سالفه لجدي زوجوه اهله وهو صغير ومايعرف ان الليله عرسه لانه كان يشتغل عند عمه بالمدينه
المهم يوم وصل لاهله قالو له روح لزوجتك (هو مايدري من هي
يوم دخل وشاف زوجته يجلس عندها لين نااامو اهله ويحط رجل
ويهرب للمدينه ههههههه مستحي منها هههههههههه يا حياة الشقاء ههههه
عرفوا اهله بالسالفه وياخذون زوجته ويودونها له بالمدينه هههههههه ابوكم هو مفرك منها ومستحي ليش
تودونها ههههههههههههه لبى حياتهم كلها تساهيل
|
شكرا لك ., واعتبر التقيم وصل .,
اما سالفة جدك ., والله تحفه .,
زوجه وهو صغير .. وانحاش 
شكرا لحضورك الرائع .,
اقتباس:
المشاركة الأصلية كتبت بواسطة قاصر الشر
خبر عاجل: تم تعيين الامير فيصل بن تركي بن عبدالعزيز امير على نفسه والمبايعة بكرة في المعارض بخمسين ريال
|
ألف مبروك .. لقد سعدت بهذا الخبر 
اقتباس:
المشاركة الأصلية كتبت بواسطة فله والاقزام
سبحان الله اغلب سوالف الكبار في السن عن الجن والذيابه والثعابين اذكر مره جده قال زمان نام برة القريه على تله ما صحي الا يد وحده ورجل وحده تشيله وانفجع جدي وكبر وسمه ,وجدتي الله يرحمها تقول في جن مسلمين يعني يساعدون الناس تقول في حرمه نفاس لما اذن الفجر الا جنيه تدقع عليها الباب تقول ياخيتي خذي الفطور خبزه بس تراه سماط(بدون ملح ) بسم الله علينا لان الجن ما يحبون الملح
|
اعوذ بالله منهم .,
والله شي يخوف .,
شكرا لحضورك ., وننتظر المزيد منك .,
سبحان الله ., هذى من الرؤي الطيبه .,
الله يجزاها خير .,
وياكثر ما سمعنا مثل هذى القصص .,
الله يسعد اصحابها ., ويغفر لهم .,
والله يسعدك .. تواجدك رائع ., وقصصك ممتعه .,
لا تحرمينا من المزيد من سواليف الاولين .,
كل الشكر والتقدير لك ..
مادري والله كيف كانوا عياشين
خاصة القصة هذى كثيرمانسمعها .,
ودي اعرف حقيقتها ., وكانها احداث فلم مرعب والله
ليت احد يعرف لها مصدر واضح .. وش هو ذا اللى كان عاثي فيهم فساد .,
ولا يدرون عنهم ..
اما توقعتى ديناصور ., والله فله .,
شكرا لحضورك الرائع .,
الشيبه .,
طيب حدثنا عنها اكثر
كيف شكلها .. متى تطلع .. على كم تمشي ..
وش حقيقتها ..
نبغ نعرف عنها اكثر .,
اشكر تواجدك .,
اقتباس:
المشاركة الأصلية كتبت بواسطة كبتن عتيبه
موضو ع جميل
وما اذكر منها شي آلآن
الا أذكر إن جدي فتح معآهـم القسطنطينيه ومكتوب اسمه بكتاب التاريخ
مع اللي فتحوها بس ايام الدوله السعوديـه الاولى
وراح كتاب التاريخ ماعاد مكتوب اسمه هنا بس موجود في المكتب في إسطنبول موّثق
نسيم شكراً لك |
هلا والله بكابتن عتيبه
صح صح اذكر اسم جدك الله يرحمه في كتاب التاريخ وانا بصف ثالث ابتدائي ..
الله يرحمهم ويسكن روحهم الجنه.,’
انا سمعت ان جدي بعد شارك في تحرير الرياض مع الملك عبد العزيز
يقولون انه كان يرمون قصر المصمك بالمدفع من برج المملكة والفيصليه ., حتى تم التحرير
ياخي احس اللاب تب يطالع فينى ومو مصدق بس لا عليك .
اقتباس:
المشاركة الأصلية كتبت بواسطة خريجه حاسب عاطله
انا اعرف ان اسمهم نمانم جمع نمنم |
اعوذ بالله منها والله سمعت عنها ,.,
إذا عندك معلومات اكثر عنها اذكريها لنا ,, او قصص سطريها هنا ,,
كل الشكر لك ..
02-11-2011, 07:26 AM
, متابع لكم بصمت وسعاده 
العرض العادي
