[align=center][align=center][/align]السلام عليكم ورحمة الله وبركاتة


هلا بكم اخواني فرداً فردا ,

يا اخوان انا كتبت الموضوع هذا من أجل ان اسمع نصيحة صادقة منكم


انا الحقيقة افكر من فترة بالمقاولات لما رأيت فيها من أرباح عالية ما شاء الله تبارك الله ,
لكن خبرتي في هالمجال قليلة نوعاً ما , وايضاً لا اعلم ماهي الصعوبات التي ممكن اواجهها
وانا صراحة اخاف من الحكمة التي تقول ( ليس كل ما يلمع ذهب ) , وكلنا نعلم
ان اول مشروع يحتاج لقرض وتكاليف , فلذلك لابد ان الشخص ينتبه لكل خطوة يخطوها .

الان اخواني الموضوع متاح لكم [/align]

شوف اخوي ...

المقاولات فيها شغل وفيها ربح ممتاز ... لكن فيها نصب واحتيال وسرقه فوق ما تتخيل

طالما معلوماتك وخبرتك قليله فيها فالافضل الابتعاد عنها .. لانها متعبه جدا

المسألة وانا اخوك عماله .. والعمال اليوم يطفشون الواحد ويكرهونه عمره ...

لو انت مصمم على المقاولات انصحك بمقاولات التشطيب .. وكمان تخصص بنوع واحد من التطشيب

سيراميك وبلاط / او لياسه / او دهان / او حجر ورخام ... فقط

وابتعد عن مقاولات الانشاء لانها راح تكلفك خشب وهدر خشب مو طبيعي

وابتعد عن تشطيبات السباكه والكهرباء .. لانها افضل مكان للسرقة من العمال

التخصص بالمقاولات امر مطلوب ومهم ... ولو نجحت في تخصص واحد تأكد انك راح تطلب بالاسم فيما بعد

الامر الاخر المزعج هم الملاك ...

ملاك المباني يتعبك بكثرة فلسفته .. يجيك الواحد كأنه بن لادن يعرف كل صغيره وكبيرة بالمقاولات وهو من جنبها

يتعبك بالتعديل والاضافه وهذا ماعجبني وهذا انت ما سويته حسب الاصول .. وهو ما يدري لكنه يسمع من اصحابه بالاستراحه ويجي يطقطق على راسك ..

وبالاخير الدفعه الاخيره من شغلك يكرهك عمرك عشان يدفعها لك ... قالك من باب كن ذئبا ..

المؤسسة تحتاج الي مقر ( مكتب ) سواء مكتب شقه او محل ... الايجار حسب كل منطقة

تحتاج الي سجل تجاري + اشتراك بالغرفة التجارية

ترخيص البلديه

2000 ريال عن كل تأشيرة تصدر لك ...

بعد كذا قدامك حلين بعد صدور التأشيرات :

اما انك تستقدم العمال وتشغلهم عندك .. وعادة العمال يأخذون بالمتر وليس بالراتب

او انك تبيع التأشيرات عليهم ويعطونك مبلغ كل شهر

بالنسبة للارباح :

يتم حسابها بالمتر ... انت تاخذ المشروع بسعر للمتر وتسلمه لعمالك بالمتر ايضا ولكن بسعر أقل مما اخذته من صاحب المبنى ...

والفرق هو ربحك ...

بالتوفيق

اخوي انا اشتغل بالعقار والمقاولات الشغله اذا ماتوقف فوق راس العمال مستحيل تربح كثير انا على اني احاسبهم بالمتر اتعبوني هم وصاحب العقار كل يوم طالع لي بسالفه اخرتها صرت اجيب اراضي وابني وابيع وهاذا افضل شي الخشب شاريه وانقله من موقع لموقع افضل شي اشتر اراضي وعمر وبيع
بتوفيق اخوي

اخوي تسويقار كفى ووفى