وهو كلامك صحيح وأزيدك من الشعر بيوت مو بيت موبس الوزاره مهمله حتى الإدارين بالمدارس ألحين بمدرسة بنات بالمحافظه اللي أسكن فيها وأختي تدرس فيها المديره مهمله حارس المدرسه الفراش ينام بغرفته أو يروح السوق ومخلي المدرسه بحالها
لا جا رجال بيروح ببنته أو أخته في نصف الدوام لأي عذر ما لقى الفراش يكلمه وتلفون المدرسه عطلان ولا ذي المديره طلبت تصليحه

خلها على ربك تصدقون مدرسة البنات الثانويه عندنا يوم طلعو لها الاهالي
مهندس قال الي يبي بنته يطلعها من هالمبناء المصيبه ان ماله الا٣سنوات تقريبا
يقول المبنى قابل لسقوط ..تجمعوا الاهالي مره ثانيه وراحو للوزاره والى يومكم هذا ما صار شي
ينتظرون متى تسقط المدرسه على البنات (وتتشيطر وزارة التعليم وتقوم بواجب العزاء
تحت مسمى القضاء والقدر
تدرون وش المصيبه ان مزانية الدوله العام الماضي كان نصيب الاسد للوزارة التربيه والتعليم
وين تروح !!!!
ناظرو كرش وزير التعليم وربعه وتعرفون

ان الاوان ان تخجلي على نفسك ياوزارة التربيه والتعليم
لا مناهج سنعه ولا مدارس عدله ومثل الخلق
تسقط وزارة التربيه والتعليم تسقط تسقط (متأثره باثورات الدول العربيه
ههههههههههههههههههههههههههه

بالنسبة للموضوع
وزارة التربية والتعليم أذن من طين وأذن من عجين..
كلٍّ يلعب براحته..وما أحد يدري عن أحـــــد


بالنسبة للأخ الأخلاق الحسنـة
راح أقول لك قصة حصلت معانا أيام الدراسة
مديرة المدرسة مهملة .. البنات كانوا يختبرون في الحر لأن المكيفات خربانة
مع إنه كانت المكيفات الجديدة موجودة..بس ماتبغى تركبها
كلمنا أخوي وقلنا له ع المشكلة
راح اتصل على المديرة من مكتبه في العمل..وقال لها معاك سكرتير(واحد من المسؤولين..ما أتذكر والله مين بالضبط)
وقال لها أنا عندي شكوى مقدمها واحد من أولياء أمور البنات اللي عندك بسبب المكيفات...
وإنك إنت مهملتهم ولا انت راضية تصلحينها..تتصرفين والا نتصرف..؟؟

يقول المديرة ارتبكت وقالت له والله المشكلة بسيطة وماتستاهل شكوى..خلاص أنا راح أتصرف
وربي من بكرة المكيفات تركبت..

تدرون ان اكبر ميزانيه للتعليم ...!!


تدرووون انهااا ربع ميزانيه الدوله...!!!


وتدروون ان من مشاااكل التعليم في السعوديه المبااني المستأجره ....بينما في الدول الاخرى لااا !!




وتدروون ان قريبتي سلموهم مبنى جديد ..... والدور الثالث مكيفاااته جميعهاا عطلاااانه واكتشفواا ان الغطاااء بس جديد \!!!!



تدرووون انهاا في سبااقااات مع الزمن لتطبيق قرارات فااااشله ....!!!




تدروون ان اي امر يطبق في التعليم المفروووض يقيم كل خمس سنوااات ...!!!!!



وتدرووون ان التقيييم في الابتدااائي اثبت فشله ولم يتعرض للتقويم لاختبار نجااحه ام فشله....!!!




وتدروون ان مخرجاااات التعليم عندنا فااااااشله والدليل خريجين المرحله الابتدااائي ...!!!




وتدرون وتدرون وتدرون ......!



والحلووووه نااايمه في العسل ...




لكن طبعاا المفروووض ما نسكت نرسل فااااكس او اي شي ...... حتى لو ما ابدوا اي تفااعل




يكفي ان احنا ارضينا ضميرناااا ,,,,

حسبي الله ونعم الوكيل ياخوان الكلام هذا حصل قبل تقريبا 4 سنوات او اقل مو متذكر تمام

بمدينة جده بكلية البنات بالبغداديه وانهار جزء منها وش سواء نقلو البنات بكليه الادب وموقعها لتعريف مقابل مستشفى عرفان ونقلو مجموعه من الشباب كبيره بالكليه المنهاره يعنى حنا حشرات ولا ايش مالنا رب

ما عندنا نقول الا حسبنا الله ونعم الوكيل نصب * نصب

وصلنا لدرجة يرثى لها من الفساد ، ومن المفترض أمر واضح وجلي زي هذا ماينسكت عنه

احنا نعرف ان الملايين جالسه تنصرف من الدوله بسخاء وكرم مو بس بقطاع التعليم بكل القطاعات

لكن بما ان الكاتب ركز في موضوعه على وزارة التربية والتعليم ، فتجد فيها كبقية الوزارات اختلاسات مالية وتجد

بعض الشراذم المنتسبين في الوزارة بارعين في التدليس والتمويه والطبطبه

ومن ثم لهف الميزانيه ، ومن المشين ان المرء يكذب على وطنه وأهله

ويجب ان يعي هؤلاء انهم هم العدو الحقيقي للوطن والمواطن وانهم وان فلحوا في التمويه على المسؤولين والمواطنين فلن يفلحوا في الإفلات من حساب الملك الديان يوم القيامة

كان الله في عون المواطن وعوضه خيراً فيما كان وان شاءالله يوضع حد وحلول حازمة لمواجهة الفساد

والف شكر لك اخوي ..