بسم الله الرحمن الرحيم

السلام عليكم ورحمة الله وبركاته

هديه العيد مع الاضحيه ....

فكرة جديده وما احد يعرفها الا القليل .... وفيها شغل ... من تحت لتحت

الفكرة ببساطه هي : بيع سندوتشات داخل الوزارات والشركات

كلنا نعرف عشان ناخذ بوفيه او كافيتيريا داخل احد الوزارات او الدوائر الحكومية او الشركات لابد من مناقصه

والمناقصه دوخه ووجع راس ....

وكلنا نعرف ان الموظف الحكومي يجي الصباح ويوقع حضور وبعدها يطلع ساعه يفطر

ساعه فطور يعني ساعه تأخير عن العمل .... وكثير من مدراء الدوائر الحكومية يشتكوا من هالشي

مثلهم مثل المراجعين اللي لهم شغل بهذه الدائرة ...

طيب ... بدلا من ذهاب الموظف للفطور .. احنا نجيب له الفطور عند باب مكتبه

كيف ندخل الدائرة الحكومية ونبيع سندوتشات ؟؟؟ بدون ما ندخل بمناقصه و وجع راس ؟؟

اولا :

نختار دائرة حكومية مافيها بوفيه او مكان مؤجر عن طريق مناقصه .. يعني لا تجي تزاحم صاحب المناقصة بمكانه لانه بيطردك ...

بعد كذا او ثانيا :

نروح لمدير الادارة او المسئول في الادارة الحكومية ... ونبلغه انه بدلا من خروج موظفينك برا الادارة للفطور احنا ممكن نؤمن لهم الفطور داخل المقر ...

بيقولك هذي مناقصه وتأجير محل وما اعرف ايش ...

قول له احنا مو محتاجين بوفيهات ولا اماكن احنا راح نؤمن لهم الفطور من خلال عربيات متحركة

ايش العربيه المتحركة ؟؟

اعتقد ان معظمنا يعرف العربية اللي في الفنادق ويجيبوا فيها الاكل للغرفة

نشوف صورتها مع بعض ... حاجة قريبه زي هذي :

:



:


المطلوب عامل يكون شيك ومرتب ولابس اللي بالدولاب كله من الكشخه ...

بعد كذا السندوتشات يتم تجهيزها بالبيت وتغليفها بطريقة صحيحه وعرضها وتزيينها بطريقة جذابه

مثل هيك :





:

اي حاجه المهم يكون شكلها شيك .. ونظيفه ...

كمان نقدم مع الساندوتش حبه منديل معطر وحبة منديل عادي ... وممكن ادخال عصائر طازجه و قهوة ...

كل ماعليكم هو تجهيز الساندوتشات داخل بيوتكم . وتوصيلها للعامل داخل مقر الادارة الحكومية

بتسلموه الاكل .. وهو يقوم بالدوران على الموظفين والبيع لهم ... لازم يدور عليهم مو يوقف بمكان وينتظر الناس تجي له ...

يقدم في البدايه مع السندوتشات اوراق يكتب فيها قائمة الاطعمه المحببه ..

بحيث الموظف يحب بكرا ساندوتش كبده .. يقوم يأشر على الكبده بالورقة وانتم تجهزونها له من بكرا

بالبدايه راح يكون فيه تخوف من الموظفين .. لكن كملوا المشوار ..

راح تخسروا كم ساندوتش بالايام الاولى .. لكن فترة وتعدي

وبتلاقوا ان الطلب زاد عندكم وانتم عرفتوا كم العدد التقريبي اللي تحتاجه الدائرة الحكومية ...

الامر بسيط لكن يحتاج الي :

1 / فنانة شندوتشات

2 / عامل جيد ونظيف وشكله مقبول

3 / معرفه داخل الدائرة الحكومية او الدخول مباشرة لمديرها

الامر بهالطريقة لا يحتاج الي ايجار ولا مصاريف ... فقط عربية + كم غرض للتغليف والتزيين

لو ترتب الامر معاكم واثبتوا شغلكم .. بأمكانكم الدخول لوزارة او دائرة حكومية ثانيه وايضا ممكن الوصول للمعلمات ...

لو الامر كان صعب عليكم بالدوائر الحكومية بأمكانكم البدء مع الشركات الكبيرة والبنوك اللي تحتوي على كم كبير من الموظفين داخل اداراتها ...

الفكرة صالحه : للشباب والبنات ....

الله يعين على عنوان الموضوع

موفقين للخير دوما ....

اخوكم

رووووعه وانا ببدى خلال فترة قريبه على البنووكـ وشكرا لكـ

جزاك الله خير ووسع عليك في الدارين

ذيب من يومك اخوي تسويقار ......... حاطط كل فكرك وهمك كيف تستخرج فكره ممتازه ومقبوله لأعضاء المنتدى

اقول اخوي تسويقار عندي فكره في بالي ليست موجوده في العالم كله ؟؟ هل استطيع ان اجسدها في الصين ومصانعها وهل أستطيع ان اجد من يتبناها مع حفظ حقوقي الكامله ؟؟؟؟
الفكره يحتاج لها كل سائق سياره