السلام عليكم ورحمة الله وبركاته

كيف حالكم عساكم بخير

ياجماعة انا من حفر الباطن

عمري 23 سنة وشهادتي كفائة متوسطة وعندي رخصة نقل ثقيل

ومن حوالي شهر او اكثر رحت للقاعدة كذا والله وقلت بسجل وش خسران

المهم سجلت فيها وعطاني موعد بعد 15 يوم

جيتهم بعد 15 يوم العسكري اللي بمكتب التجنيد عطاني ورقة وقالي بعد العيد تروح لسلاح النقل بالرياض

ماادري ياجماعة اروح للرياض بعدين وش راح اسوي ؟؟

اخاف اروح ويحذفوني من مكان الى مكان وبالاخير مااستفيد شي .. والمسافة من الحفر للرياض 500 كيلو مو بسيطة علي

تكفون ياجماعة عطوني خبر والله خايف عقب مااروح للرياض يروح تعبي عالفاضي

انتظر ردودكم على احر من الجمر..


ويعطيكم ألف عافية والله يجزاكم الجنة