السلام عليكم ورحمة الله وبركاته




كل عام وإنتم بخير




اخواني نويت إنـ شاءالله وبعد تفكير طويل إني أفتح مقهى إنترنت و ألعاب شبكة في نفس الوقت
لقيت محل مهيأ للشيء هذا ومساحته تكفي لأكثر من 50 جهاز..

اللي أفكر فيه إني احط 20 جهاز للإنترنت والباقي بيكون خاص بألعاب الشبكة

طبعاً حاط تكلفة مبدئيه للمشروع بحدود 130 الف مع العلم بأن إيجار المحل 70 الف ريال

المشروع بيكون في المدينة المنورة..موقع المحل ممتاز جداً

ياليت إفادتي يمكن أحد قد فتح مثل هالمشروع هل المبلغ يكفي وهل المشروع وخاصه ألعاب الشبكة بيكون له مردود جيد او لا..؟

وهل يمكن إعطائي رخصه لفتح المقهى لإن من زمان سمعت إن مافي رخص للمقاهي مع إني أشوف كل فتره مقهى جديد فاتح...!

يجي من يفيدك
موفق بإذن الله ... لك مني أجمل تحية .

يعطونك تصريح / والتكلفة حسب مزاجك تقدر تجهز ب 60 وتقدر تجهز بأكثر , وفي أشياء مهمة غيرها , مثل بوكسية العمارة اللي فيها المحل هل تدعم السرعات الجديدة ام لا يعني تكون سرعة
الاتصال 15 الى 20 ميقا (هل البوكسية تستوعب خطوط اضافيه ) ممكن انت تركب خطين لمحلك
هذي اشياء مهمة لضمان رفاهية العميل لكي يتمتع بسرعات عالية ,,, طبعا قبل الكلام هذا كله لابد
من تطبيق اشتراطات البلدية (ومعقدة شوي + قوة قلب ) وهي (عدم وضع ستائر + عدم التدخين
+ازالة الحواجز بين الاجهزة + عدم دخول اقل من 18 عام + شهادة صحية للعامل اذا يبيع مشروبات+ اغلاق المحل الساعة 12 ليلا) وقوة القلب تعني مخالفة الانظمة هذي كلها ,, انا عندي عامل
عنده واسطه قوية في مدير شرطة الحي ويفتح من بعد الساعة 12 بالليل يكونون الزبائن داخل والباب مردود فقط
وفيه اشياء كثيرة عن المشروع لااذكرها , لاكن ساوافيك بها وطريقة بدايتك للمشروع للوصول بطريقة سهله .

موفق يالغلا
ما قصر الاخ يتيم الشوق

والله يا اخوي بالنسبة لمقهى الانترنت احس ان ضرره اكثر من نفعه بالنسبة للذنوب اللي بتتراكم عليك لان الغالبية ما تقدر تتحكم فيه من سماع اغاني ومشاهدة مواقع اباحية ومقاطع يوتيوب وغيره ...

كل عام وانتم بخير
موفق بإذن الله ...

[align=center]

اقتباس:

المشاركة الأصلية كتبت بواسطة عاشق الحمضيات والله يا اخوي بالنسبة لمقهى الانترنت احس ان ضرره اكثر من نفعه بالنسبة للذنوب اللي بتتراكم عليك لان الغالبية ما تقدر تتحكم فيه من سماع اغاني ومشاهدة مواقع اباحية ومقاطع يوتيوب وغيره ...

وانصحك اقلبها كفي شوب للشباب افضل لك.

انا لا أوافقهم الرأي

مقهى الانترنت له استخدامات متعدده مهمه
ليش ما يمنعون بيع الاب توب ؟؟ وش يضمن لك ان اللي بيشتري لاب توب ما بيسمع اغاني ؟؟

انت عليك تضعها في المحل وتبري ذمتك
وكل واحد يعرف الحلال ويعرف الحرام

من بيستخدمها في الحرام الله يحاسبه
انا اتوقع المشروع جيد باذن الله

انا من مرتادي المقاهي ودايم ما تكون فل
لو اجي متاخر ما عاد أحصل مكان


بس زي ما قال الاخ
المهم تاكد من الكبينه والسرعات المتاحه

وبالتوفيق