[طلب] صيغة برقية للملك عبدالله

ماااااالقيت اسم · #1 (**permalink**) 04-11-2011, 08:30 PM

السلام عليكم

أخواني طلبي مثل ما هو واضح بالعنوان

محتاج صيغة للبرقية من اجل المخالفات المرورية المقدرة بـ 25100 ريال سعودي

والله ناشبة لي مثل الشوك

سمعت ان الملك يسامح لكن ما يخفى عليكم غشيم بالكتابة واتمنى شخص له خلفيه بالموضوع يساعدني

دمتم بود

عقرب سآم · #2 (**permalink**) 04-11-2011, 08:45 PM

25 الف ., يالهوي بالي ., انت ما توقف للاشارات .؟

او ان بيب بيب يقرب لك .. دايم مسرع ..؟ اعترف .,

بإذن الله اكتب لك معروض
بس اني مشغول الان ., بعد الساعة 10 م .,
برسله لك .,
وفقك الله .,

ماااااالقيت اسم · #3 (**permalink**) 04-11-2011, 09:03 PM

اقتباس:

المشاركة الأصلية كتبت بواسطة نسيم الماضي

25 الف ., يالهوي بالي ., انت ما توقف للاشارات .؟

او ان بيب بيب يقرب لك .. دايم مسرع ..؟ اعترف .,

بإذن الله اكتب لك معروض
بس اني مشغول الان ., بعد الساعة 10 م .,
برسله لك .,
وفقك الله .,

بيب بيب هههههههههههههههههههههههههههههههههههه

والله وانا اخوك خبرك هالقسايم متراكمه علي من خمس سنوات ، وعندنا مرور ما شاء الله تبارك الله يعرف يوصل المعلومه ويفهم السايق بالغصب وكل شارع ادخله تلقى العسكري وقف وقف وين رخصتك وما يلقى ويصكني بهالقسيمة ،،، واغلب رجال المرور يركزون على المراهقين والشباب لأنه عارف وواثق انه مخالف بأي شيء " حزام - رخصه - استمارة لكن وش نقول الحمد لله على كل حال

والمشكلة انها ورطتني بالتقديمات زي بعد القطاعات العسكرية تحتاج لرخصه عمومي والرخصه ما اقدر اطلعها الا بعد التسديد وقبل فترة توهق الوالد بسيارة يبي ينقلها باسمي وما قدر علي مخالفات اكثر من قيمة السيارة وراح سجلها باسم ولد عمي خخخخ تشوف المشوار

لكن وش نقول الحمد لله ،، واملي بالله ثم خادم الحرمين الشرفين كبيره والله ييسرها من عنده

أشكرك على تعاونك وبانتظارك

سآهر 11 · #4 (**permalink**) 04-11-2011, 09:06 PM

الله يعين ... وانا بعد والله انها وصلت 30.000 لكن وش نسوي ...!!!

سآهر 11 · #5 (**permalink**) 04-11-2011, 09:08 PM

اجل اكتب لي واحد معاك يَ نسيم الماضي ..!!

وخلنا نروح سوا يَ بدون اسم ..!!

ماااااالقيت اسم · #6 (**permalink**) 04-11-2011, 09:12 PM

اقتباس:

المشاركة الأصلية كتبت بواسطة سآهر 11

اجل اكتب لي واحد معاك يَ نسيم الماضي ..!!

وخلنا نروح سوا يَ بدون اسم ..!!

انا برسلها عن طريق 969

هذا رقم البرقيات سعر الكلمة بـ 50 هلله

ماااااالقيت اسم · #7 (**permalink**) 04-11-2011, 09:15 PM

اقتباس:

المشاركة الأصلية كتبت بواسطة سآهر 11

الله يعين ... وانا بعد والله انها وصلت 30.000 لكن وش نسوي ...!!!

والله ياخوك انها مصيبه

المشكلة الحين واحد من عيال عمي الله يرحمه العام راح للمباحث وطلبوا منه برنت من المرور وكان عليه 2400 وراح سددها واعطاهم برنت التسديد ،،، خوفي الحين نروح للتقديمات ويطلبون برنت وربي انها مصيبه من وين اجيب 25000 يا دوب جبت 6000 ريال حقت تشطيب النظر تسلفت من هنا ومن هنا لين تيسرت ،،،

ما اقول الا الله يسهل الامور ويعيننا ،، الملك مو مقصر لو وصلت له لكن نقول يا رب توصل له وما توصل لدرج ولد حرام

سآهر 11 · #8 (**permalink**) 04-11-2011, 09:23 PM

الله كريم .. لكن اهم شي نحن في بلد البترول ...<< ايه هين

عقرب سآم · #9 (**permalink**) 05-11-2011, 12:18 AM

السلام عليكم ورحمة الله وبركاته
معليش اخوي ع التاخير
هذا المعروض كتبته على عجلة .,
اتمنى انه يفى بالغرض ويساعدك .,

المعروض

بسم الله الرحمن الرحيم

الحمد لله وحده , والصلاة والسلام على من لا نبى بعده , وبعد ..

سيدي خادم الحرمين الشرفين الملك عبد الله بن عبد العزيز آل سعود .. حفظكم الله
السلام عليكم ورحمة الله وبركاته ..
انا أبنكم المواطن / ..................................................
تكالبت على الديون , وضاقت بى الارض بما رحبت ., وانا في بلد معطاء وانت رمز لهذا البلد .,
سيدي الكريم استعطف قلوبكم الرحيمة في إعفائي من الحق العام للدولة .
وذلك بإعفائي من المخالفات المروريه التى بلغت ....... ريال سعودي
واثقلت كاهلي , واصبحت مقيد اليدين من اثرها , ولم أستطع سدادها حتى الان.
ولكم جزيل الشكر والعرفان .