السلام عليكم ورحمة الله وبركاته

كيفكم وكل عام وانتم بخير

تككفووون ابي فزعتكم هذا خامس منتدى اسجل فيه
وكل منتدى محد يرد علي
الله يوفقك ويسعد كل من يساعدني
بقولكم سالفتي كلهااا وابيكم تشورون علي
في رمضان بداء التسجيل في برنامج المنح للجامعات الاهليه
ارسلوه لي البنات وقالوا سجلي وانا مدري وش هي المنح
يوم طلعت النتيجه طلعت مقبوله في المنح كليه الرياض طب وجراحه الفم والاسنان
كل ماكتبت موضوع محد يرد قلت ارح للكليه واستفسر يوم رحت للكليه قالت خطأ تسجيلك المفروض تسجلين في الكليه بعدين تسجلين بالمنحه واذا قبلولك تكملين ع حسب المنحه قلت طيب ليه مسمينها منحه لو عندي فلوس بدرس على حسابي ماراح اسجل بالمنحه
قالت ادفعي 5000 ع حساب بنك الرياض وبعدين ندق عليك في شهر 1/1 ميلادي عشان اختبار القبول
طيب انا عندي استفسار هل اذا دفعت ه 5000 الاف واختبرت اختبار القبول وماعديت الاختبار ياخذون الخمسه ولا يرجعونها لي
ثاني شي تنصحوني فيها ولا لا احس الوضع معقد شوي اختبار قبول +مقابله شخصيه +فلوس
ثالث شي وحده من صحباتي سجلت بيناتها خطأ حطت قدرتها 65 وهي اقل من كذا وتم قبولها بالمنحه وش تسوي يعتبر تسجيلها خطأ ولا وش وضعها
رابع شي ادري طولت عليكم والله اني ضايعه مدري وش اسوي
خامس شي الله يوفقكم ويسعدكم ويسّر اموركم ياااااااارب
والله مانساكم من دعوه بظهر الغيب
الله يخليكم لاتطشوني تككفون شوروا علي

اتوقع ادا ماقبولتي راحت عليك الخمسه خلاص تأخدها الجامعه لانها تعتبر رسوم تسجيل

لان اخويه قدم في كليه و دفع 900 ريال اختبار القبول ومانجح ورفضوا يدوه المبلغ قالوا تعتبر رسوم الاختبار

وهو مسجل في برنامج المنح وانقبل في المنح بس ماعدا اختبار القبول

بس فيه بعض الجامعات تطلب رسوم الدراسه علشان تبدي معاهم وبعدين لو طلع اسمك مع المقبولين في المنحه يرجعوها لك

بس انتي لاتعتمدي ودقي على الجامعه واسأليهم علشان تتأكدي

اما بخصوص صاحبتك مأعرف وش بيكون وضعها

وبالتوفيق لكي

طيّب محد يعرف كيف طريقه اسألتهم يعني يتكلمون عن ايش
اختيارات ولا انا اكتب كمبيوتر ولا على ورق
الله يجزاكم الجنّه

مبرووووووووووك قبولك في المنحه الله يوفقك ويسهل أمورك ,, ماشالله تخصصك حلو ,, الموظفه كلامها صحيح المفروض إنك سجلتي أول في الكليه ثم في المنحه بس بما إنك إنقبلتي في المنحه معناته تدرسين على حساب الدوله روحي للوكيله وكلميها لأن بعض الموظفين يفتي من عنده قوليلها أنا إنقبلت في المنحه بس لمى رحت للموظفه قالت لي أدفعي فلوس ,, وإن شالله تتيسر أمورك لأن الكليه ماتبي تخسرك لأنها هي المستفيده الدوله بتدفع لها تكاليف دراستك يعني ماراح يستغنون عنك بالعكس هم يبون يزيدون عدد الطلاب هم المستفيدين ,, الله يوفقك ويسهل أمورك وإن شالله قريب تبشرينا بدراستك في الكليه ..

الله يعطيك العافيه اقول لك بالنسبه حق الاختبارات تكون متششعبة شوي يعني في الانقليزي والحاسب والرياضيات بس اتوقع تحديد مستوي ع شان يشوف تدخلين سنة تحضيري ولا تخصص ع طول
يلاه بالتوفيق واتمني لك التوفيق بالدراسهه

يجي من يفيدك اتمنى لك االتوفيق