السلام عليكم ورحمة الله وبركاته
أحبتي الكرام،، زادكم الله من فضله،،
فتحت مكتب خدمات عامة وقدمت على تأشيرة من مصر،،
وحضر العامل !!
لكن المفاجأة مايعرف بالحاسب شي!!!
ومثلكم عارف ، ماينفع للمكتب الإ واحد له معرفة بالحاسب!!
وبيني وبينكم المكتب اللي قدمت من عنده ضحك علي وضحك على العامل وباع عليه التأشيرة!!
وش السواه ياجماعة الخير؟؟

استبدله ترى شغلك مهم جدا ولايتحمل خطأ واحد انتبه ترى يلي انت شغال فيه حقوق ناااااس وخاف الله فيهم وتجنب دعاويهم حتى لو اضطريت لاقفال المكتب كم يوم

سو له خروج نهائي

واضح من كلامك ان العامل جاي من بلدة ونيتة انة يشتغل حر ويعطيك مبلغ

نصيحة سفرة لان اذا مارضخت لمطالبة ممكن يهج ويسببلك مشاكل والله اعلم

شوف اذا في امل يتعلم دخله دورة شهر واحد لشهادة كامبريدج يتعلم فيها اساسيات الكمبيوتر وبرامج الاوفيس

واذا مافي امل يتعلم سفره مباشرة وحط شرط على مكتب الاستقدام يتحمل كل التكاليف لو جاب لك واحد ماتبيه

وفيه طريقة ثانية شوف لك اي مصري في اي شركة تقنية يشوف لك واحد يعرف حاسب يجي عمره وياخذ التأشيرة ويرجع يدخل نظامي مره ثانية

يااخي علمه مافي احد دخل عندنا متعلم وهدده قول بيني وبيني هالمكتب ماتعلمت ترجع لاهلك صدقني راح يتعلم غصب

بعدين اعتقد شغله كله بادخال البيانات فقط لو توديه لاي محل مكتب خدمات راح يتعلم خلال شهر

لاتقطع رزق الرجال